Сценари: "Сыңғырла соңғы қоңырау"

Бекітемін:

Мектеп директоры: Г.Балгимбаева

«Қарымсақ орта мектебі»

коммуналдық мемлекеттік мекемесі

СЫҢҒЫРЛА, КҮМІС ҚОҢЫРАУ!

2017-2018 ОқУ ЖЫЛЫ

Фанфары

1-жүргізуші: Қайырлы күн, құрметті ұстаздар мен оқушылар!

2-жүргізуші: Армысыздар, қадірлі ата-аналар мен қонақтар!

1-жүргізуші:  Өмір бойы мектебімді жыр етем, Бір өзіңде бақыт, білім, берекем.

Шәкірттерің өрістесін, өрлесін, Құтты болсын Білім күнің – мерекең!

2-жүргізуші:  Мектебіне шәкірттер ағылады,

Сана, білім сусаған табылады. Гүл шоқтарын қолына көтеріп кеп, Ұстазына жеткенше сағынады.

2-жүргізуші:  Жүректері тұратын лүпіл қағып,

Мұғалімдер оларды күтуде анық. Білім нұрын ұрпаққа таратсын деп, Осы шақты аңсайды бүкіл халық.  

1-жүргізуші:   1 қыркүйек – айрықша мәні бар, айтулы Білім күні. Балалар өмірінде кезекті оқу жылы басталады. Ол әсіресе, бірінші сыныпқа баратындар үшін аса маңызды. Мектеп табалдырығын алғаш рет аттағалы отырған бүлдіршіндерді ортаға шақырамыз.

2-жүргізуші: 1- сыныбын білім әлеміне апаратын ұстаз – Сейтказинова Алия Сталханқызы /музыка әуенімен келіп сапқа тұрады/

1-жүргізуші: «Әрбір елдің келешегі- мектебіне байланысты»-деп ағартушы Мағжан Жұмабаев  айтқандай,  еліміздің болашағы мектебіміздің 11-сынып оқушыларын  ортаға шақырамыз. /музыка/

2-жүргізуші: Бүлдіршіндер ертеңгі ел мамандары,

Құтты болсын алғашқы қадамдары!

1-жүргізуші:  Құтты болсын басталған оқу жылы, Құтты болсын, болашақ баспалдағы!

Мектеп, тік тұр! ҚР Мемлекеттік туы енгізілсін! / музыка/

2- жүргізуші:

Құрметті оқушылар, аяулы ұстаздар, ата-аналар, қадірменді қонақтар,  мектеп өмірінде дәстүрге айналған «Сыңғырла, күміс қоңырау!» атты салтанатты жиынымызды ашық деп жариялаймыз! 

/ҚР мемлекеттік гимні орындалады/

 2-жүргізуші: Бүгінгі салтанатты жиын қонақтарымен таныстыруға рұқсат етіңіздер: /келген қонақтармен таныстырады/

1. Жайнақ батыр округінің бас маманы _____________________________

2. Ауылымыздың ақсақалы екі бірдей немересі мектеп табалдырығын аттап

отырған Хакуев Солтамурит ата

3. 1 сынып ата – анасы Құнапия Дариға

2-жүргізуші: Абзал жандар, биік тұлға байсалды,

Құшақ жая шәкірттерін қарсы алды. Бүгінгі салтанатты шақта бір Құттықтайды мектеп басшысы баршаңды, – дей келе, құттықтау сөз мектеп директоры Балгимбаева Ғалия Ысқаққызына беріледі.

1-жүргізуші:  Ардақты асыл мекен мектебіме, Аяулы асыл жандар көп келеді. Құрметпен қонақтарға сөз берейік, Жақсы сөз жанға ыстық нәр береді.

2-жүргізуші: Алғашқы қоңырау салтанатында құттықтау сөз бүгінгі жиынымыздың құрметті қонақтарында.

1-жүргізуші: Жайнақ батыр округінің бас маманы ______________________

2-жүргізуші: Ауылымыздың ақсақалы Хакуев Солтамурит ата

1-жүргізуші:

2017-2018 оқу жылының басталуы туралы мектеп басшысының бұйрығын таныстыру үшін сөз оқу – тәрбие ісі жөніндегі орынбасары Акимқожанов Айдын Қасымбайұлына беріледі.

Ән: « Мектебім, аяулы мектебім» Орынд: Жолтай Маншүк

1-жүргізуші: Өрендер кетер, сендерден енді балалық,
Тұрсыңдар міне, болашақ күнге жол ашып.
Кетігін елдің жетілдірер бол азамат,
Бір кірпіш болып дүниеге мына қаланып.

Келесі құттықтау сөз кезегі 11-сынып оқушысы    

Мектеп табалдырығын аттағалы отырған жас бүлдіршіндерді құтттықтап, қадамдарыңызға гүл бітсін, «Ақ жол» болсын деп тілек білдіруге шақырамыз.

/11-сынып оқушысы Ашаханова Хава

Оқыған әпкелеріңіз

Қадірлі мектеп – бұл мектеп,

Сендердей біз де болғанбыз.

Есейдік, міне, қараңыз.

Құт болып алғаш қадамың,

Жағарсың білім шырағын.

Биылғы жыл ерекше,

Ұғарсың оның шын мәнін.

«Қоңырау» биі

2-жүргізуші: Ата-ана тәрбиелеп балапанын

Әлдилеп, аялаған алақанын

Болашақта бақ тілеп тұрасыңдар

Ойлауменен алдағы бала қамын деп – келесі сөз кезегі 1-сынып ата-аналары атынан Құнапия Дариғаға беріледі.

2-жүргізуші:  Алғаш келген бүлдіршін,
Құтты да болсын қадамың!
Төбеңде бейбіт күн күлсін!
Төмендемесін талабың!

Сөз кезегі мектеп табалдырығын алғаш рет аттағалы тұрған бүлдіршіндерге беріледі. 

1-жүргізуші:   Қағылмақ, міне, әуенге бөлеп,

Қағылмақ алғаш қоңырау, Нұр толқып жүзің, гүл толып құшақ, Шаттыққа толсын омырау!

2-жүргізуші:  Алғашқы қоңырау соғу рәсімі құрметпен 11-сынып оқушысы Жолтай Абдурашит 1-сынып оқушылары Пашен Ахметали және Хакуева Мадинаға беріледі. /Қоңырау соғылып жатқан сәтте…/

2-жүргізуші:  Қызыл гүл жайнады төрімде,

Қызықты күнім де, кешім де. Алғашқы қоңырау дауысы, Қалады мәңгілік есімде.

1-жүргізуші:  Алтын ұя – киелі шаңырағым,

Мен өзіңе қашан да табынамын. Алыс, жырақ өзіңнен кетсем егер, Қоңырауыңды сыңғыр қаққан сағынамын

2-жүргізуші: Сылдырла, сыңғырла тағы да,

Шақыра білімнің бағына.
Бөбек пен түлек жұп болған,
Алғашқы қоңырау қағылды!

 Мектеп,тік тұр! ҚР Мемлекеттік туы шығарылсын!

2-жүргізуші:  Ал енді 1-сынып оқушыларының алғашқы ұстаздарымен білім жолындағы қызықтарға толы әлемге саяхатында сәт сапар!

/музыка әуенімен 1-сынып оқушылыры кетеді/

2-жүргізуші:  Құрметті оқушылар, баршаңызды Білім күніне арналған «Мен патриотпын»  атты алғашқы сабаққа шақырамыз.

1-жүргізуші: Осымен Білім күніне арналған салтанатты жиынды жабық деп жариялаймыз!