сценарий 8-наурыз

Арулар – асыл жандар!

Мақсаты: Ана жайлы тамаша сөздер, өлеңдер, әндер арқылы ардагер, ұстаз-аналар мен аруларды мерекемен құттықтау, оқушыларды мейірімділікке, ұстамдылыққа тәрбиелеу, ұстазға ата-анаға деген құрмет сыйын арттыру, ана еңбегін қадірлей білуге үйрету.
Көрнекілігі: аналар жайлы нақыл сөздер,мақал-мәтелдер.

Мұғалім: Қымбат, бүгін көңіл – күйің ерекше ғой. Қуанып тұрғаныңның сыры неде?

Оқушы: Аналардың жүздері бал – бұл жайнап, жылылық пен мейірімділік жанға жақсылық сыйласа қалайша қуанбайын.

-Ал сіз қандай көңіл – күйдесіз?

Мұғалім: Анасы бар адамдар қартаймайды деген рас екен – ау. Аналар мен балалардың жарқын жанарларына қарап, бақытты тапқандарына риза болып тұрмын.

Оқушы: Ендеше, бүгінгі мерекеміз аналардың, арулардың құрметіне арналады дегіңіз келіп тұр ғой. Жігіттердің бірін шақырып анаға арнаған өлең тыңдайық.

Мұғалім: 3^ғ сыныбының оқушысы Қалкенов Бақтияр М.Жұмабаевтың «Ана» өлеңі.

Оқушы:Қабыл алыңыздар. Бұл өлең сіздерге арналады. Асыл аналар, құрметті қонақтар!

1. Қалкенов Бақтияр М.Жұмабаевтың «Ана» өлеңі.

2. Қадырова Қымбат, Кабдулова Әминә «Асыл әжем» әні.

3. Ана туралы тақпақтарын оқу.

(музыка баяу орындалады)

Оқушы:Ананың тілі, ананың махаббатты, ананың тілегі тіл жетпес бір жатқан теңіз емес пе?

Мұғалім: Па, шіркін, ананың айналып – толғанғаны кімнің есінен кетеді.
Оқушы:Шырылдап жерге түскенен – ақ сенің ең бір жақының, ең бір досың, ең бір ұстазың бар.

Мұғалім:Ол – ана: қара жерді баспай жатып, есіңді білмей жатып, тырмысып бауырына жабысатының, шырылдап уанбай, жылап іздейтінің – ана.

Оқушы: Сен жан болып дүниеге келдің. Сенің іздейтінің бір – ақ жан.

Мұғалім: Ол ана. Ол саған бәрінен де қымбат. Сен үшін ол жалпақ дүниеден де үлкен.

Оқушы: Сондықтан да сен бір – ақ жанды білесің. Ол – ана.

Мұғалім: Міне, анаға деген махаббат сенің құндақта жатқан күніңнен ақ басталады. Ананың жолы басқа.

Оқушы: Ана деген сөздің өзі ыстық. Ана десе толқымайтын жүрек,тасымайтын қан, сезбейтін сезім болуға мүмкін емес!

Мұғалім: Мен білетін қазақ әйелі-қазақпын дейтін қара көз, қара баланың анасы, сенің жүрегің нәзік, сенің махаббатың балаға тіл жеткісіз биік.

1. Сахналық көрініс 
   «Әжесі мен Бағлан» (Дана мен Жансерік)
   
   - Жүрегім кім менің?
   - Мен!
   - Тірегім кім менің?
   - Мен!
   - Сәнім кім менің?
   - Мен!
   - Ботақаным, бағлан қозым,
   Не деген тәтті баласың өзің!
   Ой, қарғам менің!
   - Жоқ, әже, қарғаң мен емес!
   Жо... жоқ, қарға болмаймын,
   Керегі жоқ ондайдың.
   Қарға «қарқ-қарқ» етеді,
   Алысқа ұшып кетеді.
   Қасыңда боп әрдайым,
   Мен ешқайда бармаймын.

2. Қыздарға гүл сыйлау ойыны (музыка)

3. Ана туралы тақпақтарын оқу.

Оқушы: Тіршілікке нәр берген ана сүті қандай құдіретті. Әлемдегі жақсылық көзі, адамдық қасиет, ақ тілек мейірбандықтың бәрі ана деген сөзбен астасып жатыр. Құрметті аналар! Сідерді ойынға шақырамын. 3 ана, 3 бала ортаға келіңіздер.

(Балалардың көзі жабылып, өз аналарын сипап тауып алулары қажет)

1. 3 сынып оқушыларының биі

2. Аналарға сыйлық тапсыру

3. Ана туралы жыр. Хор.

Мұғалім: Құрметті аналар! 8-наурыз халықаралық әйелдер күні мерекесі құтты болсын! Сіздерге әрқашан сыр бермес денсаулық, өмірдің шапағатын тілейміз! Бұл күні өздеріңізге бағытталған тілектер періштенің құлағына шалынсын...Әрдайым мейірім шуағын шашып жүре беріңіздер.

Оқушы: Құрметті қонақтар ,біздің « Арулар асыл жандар!» атты мерекелік кешімізді көңіл қойып тамашалағандарыңызға көп-көп рахмет.
Демеңіз біз өнерді аяп қалды,
Мезгіл де біраз жерге таяп қалды.
Қош болып тұрыңыздар көріскенше,
Осымен концертіміз аяқталды.

Көбелек биі.

I –бөлім

Көбелек:

• Шіркін... Мына гүлдердің әдемісін – ай! (Иіскейді)

• Иісін – ай, өзінің!

• Көктем, қандай көктем тамаша өзі.

Мұғалім:

• Көктем келіп еді. Енді, міне, бізге әдемі көбелектер ұшып келіп қалыпты.

• Сәлеметсіз бе, көбелек!

Көбелек:

• Сәлеметсіз бе?

• Балалар айтыңдаршы, бүгін аналардың мерекесі ғой, иә солай ма?

• Онда мен анама мына гүлді ме, әлде мына әсем гүлдерден сыйласам ба екен.

• Қалай, дұрыс па балалар?

• Ойым дұрыс па?

Мұғалім:

• Дұрыс, дұрыс! Бірақта көбелек сен де гүл сияқты әдемісің ғой. Гүлден гүлге қонып, әдемі өз сұлулығыңмен біздің табиғатымызға бір әсем бересің.

Көбелек:

• Рахмет Сізге.

• Мен өзім жеке ғана келмей өзімнің мен секілді өсіп келе жатқан сіңлілерімді де ертіп келдім. Кәнекей солардың биін тамашалаңыздар.

Мұғалім: Әрине тамашалаймыз.

Көбелек:

• Кәнекей көбелектерім келе қойыңдар.

II –бөлім

Ерке қыз:

- Қандай әдемі көбелектер! Керемет, сұлуын – ай!

- Сәлеметсіз бе?

- Сен қандай әдемісің!

- Қарашы, қанатың қандай әдемі!

- Мен де сен сияқты болғым келеді!

Көбелек:

• Қой ерке қыз. Өзіңде тұнып тұрған сұлулық қой.

Ерке қыз:

• Жоқ, мен сен сияқты болғым келеді әдемісің қандай?

Көбелек:

• Ту, сен де сұлусың, Ерке қыз!

Ерке қыз:

• Мен бақытымды іздеп жүрмін көбелек.

• Сен маған көмектесесің бе?

• Бақытымды табуға!

Көбелек:

• Сен қателесіп тұрған боларсың, бақыт деген өзіңнің үйіңде емес пе?

Ерке қыз:

• Үйімде?

Көбелек:

• Әрине

Ерке қыз:

-Жоқ,сен түсінбей тұрған шығарсың мені.

Көбелек:

-Менің түсінігімше сен бақытты даладан іздеп жүрген секілдісің.Жоқ,олай емес бақыт деген үйіңдегі анашың, мейрімді достарың,уайымсыз, қайғысыз жүргенің.Міне осы бақыт дегенің.

Ерке қыз:

-Шынымды айтсам көбелек мен анамды қатты сағынып кеттім.

Көбелек:

-Жүр онда ерке қыз анаң күтіп қалған болар.