Сценарий "Менің Отаным Қазақстан"

Әуезов ауданы № 154 бөбекжай-балабақшасы

«Менің Отаным - Қазақстаным»

(«Болашақ» ІІ-кіші тобы)

Тәрбиеші:Алиева Л.Б.

Алматы – 2016ж.

«Менің Отаным –Қазақстаным»

Зал іші тәуелсіздік мерекесіне сай безендіріледі. Балалар мерекелік көңіл-күймен қолдарына гүл, жалаушалар ұстап, тәрбиешінің көмегімен жарты шеңбер бойымен тұрады.

1-жүргізуші: Армысыздар, қадірлі қонақтар, балалар! Бүгін ерекше той думан- Қазақстанның тәуелсіздік күні. «Туған елім –Қазақстаным» атты мерекемізге қош келдіңіздер!

2-жүргізіуші: Тәуелсіз еліміз болашаққа айқын бағдар түзеп, өркениетті елдер қатарына жетуге аяқ басты. Егеменді еліміздің тәуелсіздік мерекесі құтты болсын!

1-жүргізуші: Қазақстан Республикасының Гимні шырқалсын!

ҚР Гимні орындалады

Ерсұлтан: Отан – деген Атамекен,

Отан – деген туған жер.

Отан-ана, Отан-үлкен

Бәрі: Қазақстан – туған ел!

Ғалымжан: Отанды біз атамекен,

Деп аялап айтамыз.

Өйткені оны мекен еткен,

Бабамыз бен атамыз

2-жүргізуші: Отанды жас-кәріміз де,

«Туған жер»-деп сүйеміз,

Өйткені онда бәріміз де,

Туып өмір сүреміз- дей отырып сүйікті Отанымызға ән арнаймыз.

Ән «Отаным» (балалар отырады)

1-жүргізуші: (экраннан президент суреті көрсетіледі) Балалар, мына суреттегі бейне сендерге таныс па? (Біздің президентіміз. Нұрсұлтан Назарбаев) Иә, дұрыс айтасыңдар! Бұл біздің тұңғыш президентіміз – Нұрсұлтан Әбішұлы Назарбаев.

Айзере: Елбасымыз жолдайды,

Халық қамын ойлайды,

Осындай жақсы адамның

Жақсылығы тарайды.

«Біздің рәміздер» атты слайд ұсынылады.

2-жүргізуші: (экраннан ту көрсетіледі) Балалар, енді мұнда назар аударыңдар. Бұл жерден нені көріп тұрсыңдар? (ту) Дұрыс айтасыңдар! Түсі қандай екен? т.б.

Санжар:Көк байрағы бабамның-

Бүгінгі ұрпақ алауы.

Тірегі әке,баланың-

Қазақстан жалауы.

Ерасыл:Көк аспандай көкпеңбек

Қазақстан жалауы.

Көк емес ол тектен тек,

Елдің ашық қабағы.

Аружан:Ақ ниеті алтын күн,

Асқақ арман қыраны,

Жалауы бұл халқымның,

Мәртебесі,мақтаны.

Айсұлтан :Айнымайды аспаннан,

Біздің тудың бояуы.

Оны халық қашанда

Биікке іліп қояды. Туымызды қастерлеп, құрметтеп жүрейік.

1-жүргізуші: (слайдтан елтаңба суреті көрсетіледі) Келесі суреттегі біздің елтаңбамыз. (елтаңбаны сипаттап, түсінік беру..)

Кәусар:Елтаңбасы елімнің,

Елдігімнің белгісі.

Мұнда да бар ерлігім,

Мұнда да бар жер күші.

Сұлу: Қара шаңырақ-ел күні

Асқақтатып тұр мұны.

Елтаңбасы елдігім

Елдің тыныш тірлігі.

Бекарыс:Қатар шапқан қос тұлпар

Ай астында қазақ үй.

Қалықтаған жас сұңқар,

Шарықтаған таза күй.

2-жүргізуші: Балалар, айтыңдаршы, біз қай қалада тұрамыз? (жауап)

(слайдтан Алматының көрікті жерлерінің суреті көрсетіледі)

Сұрақ-жауап арқылы әңгімелеу

1-жүргізуші: (экраннан Бәйтерек суреті) Ал мынау қай қала деп ойлайсыңдар? (Астана көрікті жерлері көрсетіледі; суреттер бойынша әңгімелеу)

Жібек: Астана- арман қала,

Бағы бір жанған қала.

Тұрады ол жап-жас болып,

Мен үлкен болғанда да.

Мерей: Болашаққа бастаған

Шарықтайды асқақ ән,

Елордасы елімнің ,

Мақтанышы –Астанам.

2-жүргізуші: Біз қандаймыз, қандаймыз,

Шұғылалы таңдаймыз.

Күндей болып жайнаймыз

Ән де шырқап сайраймыз - деп бүлдіршіндеріміздің орындауында «Біз өмірдің гүліміз» әнін ұсынамыз.

Ән «Біз өмірдің гүліміз»

1-жүргізуші: Кел, билейік, кел, билейік,

Кел билейік, үйренейік.

Қол ұстасып, айналып

«Достық» биін билейік!

Би «Достық» (барлық бала)

2-жүргізуші: Мерекемізді көңілді ойындармен жалғастырайық.

Ойын: 1. «Өз түсіңді тап» (түрлі-түсті ленталар алып көңілді әуенмен зал ішінде жүреді, жүгіреді, секіреді. Белгі берілгенде түсіне сәйкес обруч-құрсауларға жиналу; ойын 2-3 рет қайталанады)

2. «Ханталапай» асықтар жинау коржынға

2-жүргізуші: Біз Қазақстан атты тәуелсіз мемлекетте тату-тәтті, бейбіт өмір сүреміз. Біз өз Отанымызда ата-анамыздың, достарымыздың ортасында бақыттымыз. Бізді қорғайтын, аялайтын Отанымыз, ата-анамыз аман болсын деп ән арнаймыз.

Ән «Топ-топ, балақан»

1-жүргізуші: Қазақстанымыз гүлдене берсін! Кішкентай бүлдіршіндеріміз өсіп, елін сүйетін азаматтар болсын! – деген тілек айта отырып, « Менің Отаным –Қазақстаным» атты мерекелік іс-шарамызды аяқтаймыз.