Сценарий праздника «Тұңғыш Президент күні»

1 - желтоқсан Тұңғыш Президент күні 

«Елін сүйген елбасы – Нұр аға»

Мақсаты:Бала бойындағы Отанға, елге, туған жер мен басшыға деген құрметін, патриоттық сезімін қалыптастыру.

Балалар музыка әуенімен залға кіреді.

Жүргізуші:

Даңғыл жолды салып берер, Нұр аға

Енді халқым ешқашанда құлама

Барлық жерден жиып-теріп қазақты,

Халқы үшін, жанын салған ғұлама

Армысыздар, құрметті қонақтар, балалар!
Қазақстан Мемлекетінің Тұңғыш Президенті күніне арналған

мерекелік іс – шарамызды ашық деп жариялаймыз.

ҚР Мемлекеттік Әнұраны айтылады.

Жүргізуші: Балалар, бізде бүгін қандай мереке?

• Тұңғыш Елбасымыздың сайланған күні.

Дүрыс айтасыңдар балалар! біздің жеріміз, орман, тау, өзен-көл, өмір сүретін ортамыз бәрімізге ортақ. Осыны ешқашан естеріңнен шығармаңдар.

-Балалар, біз қай мемлекетте тұрамыз?

 -Еліміздің рәміздерін атайықшы?

- Елтаңба, Көк ту, Әнұран.

-Біздің елбасымыз кім?

- Нұрсұлтан Әбішұлы Назарбаев. Ол президент.

 Ия, балалар, біздің бүгінгі мерекеміз - Нұрсұлтан атамызға арналмақ.

Себебі 1-ші желтоқсан ең бірінші тұңғыш президентіміз Нұрсұлтан атамызды сайлаған күн.

Олай болса, бүгінгі мерекеге арналған өзіміздің тақпақтарымызды айтайық.

Жүргізуші:

Отан – жерім, Отан – суым,

Отан қуат, нәр береді.

Отан – ұран, Отан – туым,

Отан мәңгі гүлденеді, - дей отырып келесі кезекті тамаша әнге береміз.

Гүлдер тобының орындауында «Отаным» әні

Жүргізуші: Балалар шаңырақ біздің елтаңбамыздың жүрегі. Шаңырақ үйдің,

 отбасының бейнесін білдіреді.

Ойын «Шаңырақ»

Жүргізуші: Ел бағына туылған,

Ұлтқа ұран, ту болған,

Халқы патша сайлаған,

Нұрлы Сұлтан – Нұрсұлтан! – дей отырып Президентімізге арнайы дайындалған бейне көрініске назар салайық.

Жүргізуші: 

Батыр туса – ел ырысы,
Жаңбыр жауса – жер ырысы, дей келе келесі кезекті батырларымыздың тамаша биіне береміз.

«Батырлар биі»

Туған жер қандай көркем мөлдіреген.

Желегі желмен ойнап желбіреген.

Аралап күндіз-түні жүрсем-дағы,

Тыншымай ет жүрегім елжіреген.

Ән «Туған жер»

Қазақстан – атамекен, құт қонған жер

Кең дала, суы мөлдір, нұр тұнған жер.

Көкорай белестері мақпал кілем,

Қырлары қызғалдағы құлпырған жер.

«Алға Қазақстан!» биі

Жүргізуші:

Бар әлемге шын танылдық міне, біз,
Елін сүйген Елбасы деп білеміз.
Тең аталып Қазақстан - Нұрсұлтан
Нұрсұлтан мен Қазақстан тұр егіз.

Балалар,құрметті қонақтар! Елбасы күніне арналған іс – шарамыз осымен аяқталды. Назарларыңызға рахмет!