Шебер қолдар

Күні:

17.09.2021

Сынып:

8 «Б» Сынып жетекшісі: Супабекова А

Тақырыбы:

«Отбасы-бақыт мкені»

Мақсаты:

Оқушылардың отбасы, жанұя туралы білімдерін шыңдай түсе, отбасы құндылықтарының маңызын дәріптеу

Күтілетін нәтижелер:

1. Отбасы мүшелерін құрметтеп, сыйлай білуі керек.

2. Отбасында әдепті, сыйлы болуы керек.

3. Берілген тапсырмаларды орындай білулері керек.

Қолданылатын ресурстар:

Интернет ресурстары, бейне жазбалар.

Көрнекі құрал-жабдықтар:

слайдтар, ұлағатты сөздер,түрлі-түсті маркерлер , ақ қағаздар,

Сабақтың өту барысы:

Мұғалімнің іс-әрекеті

Оқушының іс-әрекеті

Психологиялық жағымды ахуал қалыптастыру                   

Сәлемдесу.Оқушыларды түгелдеу.Топқа бөлу

Психологиялық даярлық. «Мен тілектеспін!»

 — Енді бір-бірімізге бүгінгі күніміздің сәтті өтуіне арнап жақсы тілектер           

  айтайық. Ол үшін қолымыздағы гүлді бір- бірімізге  тілек айту арқылы

  ұсынып отрайық. (Оқушылар»мен тілектеспін!» ойыны арқылы бір-біріне

  бүгінгі күннің көңілді өтуіне арнаған тілектерін айтады.

Сабақтың тақырыбы мен мақсатын айқындау. 1-2-3 сандарын санау арқылы топқа бөліну

Сәлемдеседі.

Топқа бөлінеді.

Бір-біріне жақсы тілектер айтады.

Жаңа ақпарат

 Кіріспе: Отбасы-мемлекеттің негізгі буыны. Тәрбие – отбасынан басталады, болашақ ұрпақтың еліне, Отанына деген сүйіспеншілігі алдымен ата-ананың ықпалымен қалыптасады. «Дәулет есіктен, ақыл бесіктен кіреді» демекші білім бесігі мектептен, тәрбие бесігі отбасынан бастау алады. Отбасының екі тірегі - әлпештеген әке мен аялаған ана. Ата-анаға үлкенге қызмет етіп, әкеңнің еңбегін, анаңның ақ сүтін өтеу - біздің борышымыз. Ата - ана - отбасының негізгі діңгегі, бастапқы дәнекері. Бала әкеден ақыл, анадан мейірім алады. Әке туралы айтсақ, әке отбасының асыраушысы, қамқоршысы. Ана - отбасының ұйтқысы, жылуы, шуағы. Отбасы - адам баласының түп қазығы, алтын ұясы. Адам баласы шыр етіп дүние есігін ашқаннан бастап сол ортаның ыстық-суығына бейімделіп, ықпалына көніп, осында ер жетеді. Отбасы мүшелерінің жауапкершілігі толығымен ер азаматқа жүктеледі. Баланы өсіріп тәрбиелеу – әйел ананың тікелей міндеті. Отбасының тәрбиелеушілік міндетіне тікелей байланысты оның тағы бір қызметі бар. Оны дамытушы міндет деп атауға болады. Балалардың үздіксіз дамуы, шығармашылық қабілетін іске асыруы отбасынан басталады. Әке-шеше балаларына жақсы тәрбие беруге қоғам алдында жауапкер.

Сабақтың ортасы

Сұрақ-жауап:

· Балдан тәтті не? (бала)

· Шаңырақ иесі кім? (кенже ұл)

· Балаға кім сыншы? (ата-ана)

· Әкеден балаға беріледі (мұра)

· Үйде кім, елде кім қадірлі (үйде қонақ, қарт, бала қадірлі; елде әкім, ұстаз қадірлі.)

· Үйдегі алтын қазық кім? (ана)

· «Ұл атадан көрмейінше сапар шекпес» кімнің нақыл сөзі? (Қорқыт ата)

· Қаз да емес, үйрек те емес. Дастарханда болмайды. Бірақ барлық адам дәм татқан (ана сүті)

· Әдепті бала ата – анасын мақтатар,… ( әдепсіз бала ата –анасын қақсатар).

· Ана сүтін ақтамағанды ,… ( ешкім мақтамайды)

· Үйінде ұл – қызы бардың,… (көгінде сөнбес жұлдызы бар)

· Атаңа не қылсаң ,… (алдыңа сол келер)

· Ұяда не көрсең ,… (ұшқанда соны ілерсің)

2) Топтық жұмыс. Жағдаяттық тапсырмалар.
1-топ: Эссе жазу: «Бақытты жанұя – бақытты ел»

2-топ: Постер қорғау: «Бақытты жанұя – бақытты ел»

3-топ: Нақыл сөздер, мақал-мәтелдер дайындау, айту: «Отбасы», «Тәрбие», «Ата-ана», «Бала»

Оқушылар топтық жұмыс жасайды. «Отбасы» сөзінің мағынасын ашады.

Сұрақ-жауапқа белсене қатысады.

Оқушылар жағдаяттық тапсырмаларды орындайды.

Оқушыллар эссе жазады.

Постер қорғайды

Мақал-мәтелдер айтып жарысады.

Сабақтың соңы

Кері байланыс

Қорытынды:
         Отбасы. Бала. Мектеп. Бір - бірінен ажырағысыз үш ұғым. Отбасы бар жерде бала бар, бала бар жерде мектеп бар. Мектеп пен ата-ананың міндеті - әр балаға бақыт, қуаныш сыйлау. Тәрбиенің ең алғашқы бастамасын бала отбасында алады. Отбасы - әр бала үшін алтын бесік. Бала отбасы аясында түлеп өседі, оңы мен солын сонда таниды. Ол отбасы жағдайында өмірдегі әр түрлі жағдайларда өзін қалай ұстауды, адамгершілік әліппесі: кішіпейіл болу, ізеттілік, сыйластық, үлкендермен және кішілермен қандай қарым - қатынаста болу керек сияқты тәжірибе жинақтайды және оны меңгереді. Отбасы – ол ең жақын адамдардың ошағы. Әрқашан отбасы мүшелерін сыйлап, құрметтеу керек.

Тренинг «Бір шаңырақтың астында» (әуен)

Шарты: обручті ортада қою. Балалар жан – жағына дөңгеленіп отырады. Бір саусақтарымен шеңберді жоғарға көтереді, бірақ өздері тізерлеп отырған бойы отыра береді.Сөйлеспейді. Сөйтіп, бұл тренингтің негізі бір шаңырақтың астында тату – тәтті өмір сүріп жатқынымыздың белгісі.

Кері байланыс

жасыл стикер – ұнады

сары стикер – жартылай ұнады

 қызыл – ұнамады

Тренинг жаттығуын орындайды.

Оқушылар кері байланыс жасайды.