ШЕБЕР СЫНЫП

#педагогкүнделігі

#бізбіргеміз

#қашықтаноқыту

Әлемдегі коронавирустық инфекциясының таралуына байланысты ағымдағы оқу жылының ІV тоқсанында барлық білім беру ұйымдары қашықтан оқытуға көшуіне байланысты, мектепалды даярлық сыныптары да шетте қалмады.Атап айтар болсақ, өзім жетекшілік етіп отырған мектепалды даярлық «Б» сынып оқушылары мен ата-аналары да белсене кірісті.

Осы ретте қашықтан оқытудың әдістері, проблемалары, нәтижелері мен болашағы туралы бағдарлар әрқайсымызды болсада бей-жай қалдыра алмады.

6-7 жасар балалар қашықтан сабақ барысында бекітілген кесте бойынша оқуды жалғастырып What’sApp мессенджері арқылы тапсырмаларды орындап отыр.

Бұл сабақ педагогтардың және ата-аналардың жауапкершілігіне байланысты болып тұрғандықтан, ата-аналар белгіленген уақытта педагогпен байланыста отырады.

Оқушылардың мүмкіндіктерін ескере отырып, осы What’sAppтан 10-15 минуттық сабақ барысында олар жаңа тақырыпты тыңдап, талқылайды, практикалық тапсырмаларды орындайды, пікір алмасып, жауап береді, жазбаша жұмыстарын жібереді. Дыбыстық хабарламалар арқылы оқып,кері байланыс жасалынады.

Негізінен қашықтан оқыту кезінде тұйық, ұжымға қосыла бермейтін балалардың өзі қызығушылық танытып видео, дауысты хабарламаларда тосырқамай жауап беріп отыр байқалды.

Видео арқылы дидактикалық ойындар ойнатылып,сергіту сәттері де қызықты өтіледі.

Қорыта келе, бүгінгі күні қолда бар қашықтан және онлайн-оқыту жүйелері мұғалім мен оқушылар арасында тығыз байланыс орнықтырып оқу жылын ойдағыдай аяқтауға мүмкіндік береді, әрі нақты бірінші сыныпқа дайындауды қамтамасыз етеді.

Қабланова Гулнара Даулбаевна