Шеберлік сынып "Ұлттық құндылықтар - асыл мұра"

Күні:

30.10.2024 жыл

Өткізілу орны:

ШҚО Алтай ауданы Алтай қаласы Сағадат Нұрмағамбетов атындағы орта мектебі, 212 – кабинет

Жауаптылар:

Қазақ тілі мен әдебиеті пәні мұғалімдері,Кабылбаева Гаухар Сеитжановна, Аленова Айтолкын Каблашимовна

Тақырыбы:

«Ұлттық құндылықтар –асыл мұра»

Түрі:

Ашық есік күніне арналған шеберлік сынып

-Маған айтып берсең - ұмытып қаламын.

-Көрсетіп берсең - есте сақтаймын.

- Өзіме жасатсаң - үйреніп алармын. Конфуция.

Мақсаты:

Оқушыларды және ата-аналарды жалпы адамзаттық, ұлттық құндылықтарға, мемлекеттік тілді, қазақ халқының мәдениетін құрметтеуге тәрбиелеу, адамдарда ұлттық қадір қасиетті, ұлттық мақтаныш пен ұлттық сананы қалыптастыруға, туған жерге, өз халқына деген сүйіспеншілікке, рухани – адамгершілік құндылыққа, ұлттық бірілікке қоғамыздағы бейбітшілік пен келісімге бағдарлау

Күтілетін нәтижелер:

Ұлттық сана сезімі қалыптасқан, ұлттық мүдденің өркендеуіне үлес қоса алатын ұлттық құндылықтар мен жалпы адамзаттық құндылықтарды өзара ұштастыра алатын ұлтжанды тұлғаны тәрбиелеудің маңыздылығын түсінеді.

Әдістер мен тәсілдер:

Психологиялық дайындық, топқа бөлу, ой шақыру, мағынаны ажырату, суретпен жұмыс, сызба қағаздар, постер дайындау, рефлексия.

Қажетті ресурстар:

АКТ, бейне таспа,  фломастер, қалам, қарындаш, стикер, қағаз, плакат. А4 парағы, суреттер

Сабақтың кезеңдері

Шеберлік сыныптың іс-әрекеті

Мұғалімдердің іс-әрекеті

Кіріспе

Психологиялық ахуал туғызу

Топқа бөлу

Негізгі бөлім

Қорытынды.

Кері байланыс:

Маған айтып берсең - ұмытып қаламын.

Көрсетіп берсең - есте сақтаймын.

Өзіме жасатсаң - үйреніп алармын. Конфуция.

«Шаттық шеңбері» әдісі арқылы шеңберге тұрып, іс- қимылдар орындап, амандасу, көңіл- күйлерін көтеру.

Әр ұлттың сәлемдесу дәстүрі:

1.Жапон халқының сәлемдесуі

2.Франция халқының сәлемдесуі

3.Үнді халқының сәлемдесуі

4.Оңтүстік Африка халқының сәлемдесуі

5.Қытай халқының сәлемдесуі

6.Қазақ халқының сәлемдесуі.

Асықтардың түстері арқылы топқа бөлу (қызғылт, жасыл, сары түстер)

Қош келдіңіздер, сіздерді ашық есік күніне арналған шеберлік сыныпқа шақырамыз.

Бүгін біз сіздермен бірге шеберлік сыныпта мемлекеттік тілді үйрену мақсатында қазақтың ұлттық құндылықтарын дәріптей отырып, әртүрлі тапсырма, ойын арқылы постер құрастырамыз.

1. тапсырма:

Асықта жазылған әріптер арқылы өз топтарының атауын анықтайды, сол атау арқылы мақал- мәтел айтады.

1. топ: Достық

2. топ: Бірлік

3. топ: Ерлік

2-тапсырма

Сан цифрларға қатысты ұлттық ұғымдарды «Сандар сөйлейді» тапсырмасы арқылы анықтап, атаймыз.

Үшке қатысты ұғымдар:

Үш тамыр: қуаттың тамыры-тамақта,оқудың тамыры-сабақта,білімнің тамыры-талапта.

Төртке қатысты ұғымдар

Төрт маусым: көктем,жаз,күз,қыс

Төрт түлік:түйе,жылқы,сиыр,қой

Беске қатысты ұғымдар:

Бес қару:садақ,найза,қылыш,айбалта,шоқпар

Бес асыл іс:талап,еңбек,терең ой,қанағат,рахым

Алтыға қатысты ұғымдар:

Алты игілік:денсаулық,қазына,дос,әйел,білім,бала

Жетіге қатысты ұғымдар:

Жеті қазына: ер жігіт,слу әйел,ақыл-білім,жүйрік ат,қыран бүркіт,берен мылтық, жүйрік тазы ит. Жеті ата: бала,әке,ата,арғы ата,баба,түп ата,тек ата.

Тоғызға қатысты ұғымдар:

Қызды ұзатқанда 9 жасау жасаған

Ана құрсағында 9 ай 9 күн қалыптасып, дүниеге келу

9 құмалақ қазақтың ұлттық ойыны

9- мамыр Жеңіс күні мерекесі.

3-тапсырма

Тіл ұстартуға арналған жаттығулар, жаңылтпаш айтамыз.

1.Үміт түбіт түтті,

Түбітті түтіп бітті.

2.Қай тай лақтай,

Қай лақ тайлақта.

3.Сорпа іштік,сорпа ыстық,

Сондықтан,

Қорқа іштік.

4.Шеше кеше,неше кесе сынды.

5.Бұл ақ лақ бұлақтан келді.

Шұнақ лақ қыраттан келді.

6.Төсек үстінде төрт бөрік,

Төртеуі де көк бөрік.

4-тапсырма

Жұмбақтар

Шыр көбелек айналар,беліне жіп байланар.(ұршық)

Жисам жеңдей жайсам көлдей (кереге)

Шік түсті,бүк түсті.

Алшы түсті,тәйкі түсті,

Шеше алады ал кім бұны? (асық)

Төрт бұрышты ,бір ауызд (сандық)

Арғы тегі сүт,өзі тастан қатты,

Дәмі бірақ қышқылтым да тәтті (құрт)

Тілсіз мұғалім (кітап)

5-тапсырма

Куар код арқылы қазақтың ұлттық тағамдары, ұлттық ойындары, ұлттық киімдері туралы мәліметті тыңдайды, суреттерді қолдана отырып «Интервью» әдісі арқылы сұхбаттасады.

Ұлттық құндылықтарымыз – ұлтымыздың қорғаны,

келешегіміздің кемел болу жолында сәулесін шашып, құлдырап кетуден сақтап тұратын мәңгілік шамшырағымыз. «Еліміздің ұйытқысы – әдет-ғұрпымыз» деп қазақ әдебиетінің майталманы Ғабит Мүсірепов айтпақшы, әдет-ғұрып – халықтың ғасырлардан санасына сіңіріп, өмір сүру қағидаларын құрайтын жоралғылар, салттар жиынтығы.

Мына стикерлерді пайдалана отырып, кері байланыс жасайық. Бүгінгі шеберлік сыныптан алған әсерлеріңізді стикерлерге жазып, Білім ағашына жапсырып, қурап тұрған ағашымызды түрлі- түсті жапырақтармен гүлдендірейік.

Ендеше, осындай жақсы көңіл- күймен «Қазағымның дәстүрлері-ай» әнін шырқайық.

Келесі кездескенше сау болыңыздар!!!

Әр ұлттың сәлемдесу суреттері арқылы

Конфуцияның сөздерін ескере отырып, біз сіздермен айтамыз,көреміз, еске сақтаймыз, өзіміз жасап, үйренеміз. Ендеше, қазір әр ұлттың сәлемдесуі арқылы бір- бірімізбен суреттерді көре отырып, амандасып алайық.

Бір-бірімізбен амандасып алдық, енді топқа түрлі- түсті асықтар арқылы топқа бөлініп алайық.

Түрлі- түсті асықтарды тарату

212- кабинет

Әр топ асықтардағы әріптер арқылы сөз құрастырып, топтың атауын анықтайды, топ атауына байланысты мақал- мәтел айтады.

Әр дұрыс жауапқа постерді құрастырады.

Сан цифрларға қатысты ұлттық ұғымдарды «Сандар сөйлейді» тапсырмасы арқылы суреттерді анықтап, тапсырмаларды орындайды, постер құрастырады.

Әр топ екі саннан таңдап алады, санға байланысты суреттерді таңдайды, мағлұмат береді.

Үш топқа екі-екіден жаңылтпаш беріледі. Дайындалуға әр топқа 1 минут уақыт беріледі.

Әр дұрыс жауапқа суреттер арқылы постер құрастырады.

Әр топ екі жұмбақтан шешеді.

Әр дұрыс жауапқа суреттер арқылы постер құрастырады

Әр топқа куар код беріледі, мәліметті тыңдайды, «Интервью» әдісі арқылы сұхбаттасады.

Әр дұрыс жауапқа суреттер арқылы постер құрастырады

Шеберлік сынып бойынша қорытынды жасалады.