Ата – аналарға арналған

семинар – практикум

«Менің балабақшадан күтетінім...»

Мақсаты: Болашақта баланың жеке тұлға болып қалыптасуына, саналы ұрпақ болып өсуіне , дұрыс білім алып жетілуіне, өмірде өз орнын табуына көмек беру. Себебі, білім тәрбие арқылы беріледі. Тәрбие жоқ жерде білім де жоқ. Тәрбие қаншалықты тереңде болса білім де соншалықты тереңде. Болашақ білімді, дарынды, адмгершілігі мол ұрпақ үшін бұл өте маңызды. Ал отбасының бала тәрбиесінде алатын орны айрықша.  Қазіргі кездегі баланың дамуына,жеке тұлға болып қалыптасуына ата-ана тәрбиесінің әдіс –тәсілдерін жетілдіре отырып, қарым –қатынас орнату.

Қатысушылар: тәрбиешілер, ата-аналар, әдіскер, меңгеруші, медбике, психолог.

Қолданатын құрал-жабдықтар: экран, доп, қағаз.

Семинар – практикумның жұмыс барысы:

Ата-аналарды қарсы алу. Қош келдіңіздер, құрметті ата-аналар семинар – практикумды бастамас бұрын түрлі-түсті жүрекшелер арқылы топқа бөліп  отырғыздық.  Ата –ана тілегі баласының жақсы адам болуы, еңбексүйгіштігі, кішіпейіл, мейірімді болуы. Балаға білім, тәрбие беруде басты тұлға ұстаз болса, оны жалғастырып демеуші ата-ана демекші семинар практикум,  ата-аналарға жағымды көңіл күй тудыру мақсатында  «Жылжи отырып амандасу» атты  ойын жаттығуымен басталды.

«Отбасы құндылықтары», «Бала тәрбиесінің бас ұстазы ата-ана» тақырыбында бейне көрсетілімдер көрсетіліп ата аналарға  баланың бойына жастайынан ізгілік, мейірімділік, яғни адамгершілік секілді құнды қасиеттерді сіңіріп, өз-өзіне сенімділікке тәрбиелеуде отбасының берері өте көп екендігі туралы бір-бірімен ой бөлісіп өз көзқарастарын білдірді.

1.«Баламен сұхбат» видеоролик

2.«Қызықты ұйқастыр» ойыны

Ойын барысында ата-аналар жылдамдықпен сөздердің ұйқасын тауып айтады.

1. Игра-ойын, шея-... \мойын\

2. Жизнь-өмір, уголь-... \көмір\

3. Число-сан, кровь-... \қан\

4. Молоко-сүт, жди-... \күт\

5. Человек-адам, шаг-...\қадам\

6. Возьми-ал, мед-... \бал\

7. Дверь-есік, колыбель-... \бесік\

8. Город- қала, ребенок-... \бала\

9. Таможня-кеден, пол-...\еден\

10. Рыба-балық,народ -...\халық\

3. «Қарама -қарсы байланыс». Допты ата-аналарға кезек кезек лақтырып семинар – практикумнан алған мағлұматтарды анықтау.

- Не ұнады?

- Не білдіңіз?

- Не түсіндіңіз?

- Семинардан алған әсеріңіз?

Ата – аналардың семинар - практикумның соңында тақырыпқа байланысты өз ойларын қысқаша айтып өтеді.