семинар сабақ Тақырыбы:"Төрт түліктің пайдасы"

Білім беру саласы:Таным

Ұйымдастырылған оқу қызметі:Жаратылыстану

Тақырыбы: «Үй жануарларының пайдасы»

Мақсаты:Қыс мезгілінің ерекшеліктерін айту,үй жануарлары мен

таныстыру, төлдерін ажырату,төрт түлік туралы тақпақтар,мақал-мәтелдер

айту,төрт түліктің пайдасы туралы түсіндіру,ұлттық ойындар ойнату арқылы

балалардың бойына имандылық пен салт-дәстүрді сіңірумен қатар,сөздік

қорларын молайту.

Шаттық шеңбері

Арайлап таң атты!

Алтын сәуле таратты.

Армысыздар, достарым!

Армысыздар, қонақтар!

Сәлем, сәлем, сәлем!!!

Тәрбиеші: Жарайсыңдар, балалар

-Қазір жылдың қай мезгілі?

Медина: қазір жылдың қыс мезгілі

Тәрбиеші:Қыс мезгілінде неше ай бар, оларды атап берші?

Медина:қыс мезгілінде 3-ай бар,желтоқсан,қаңтар,ақпан.

Тәрбиеші:Жарайсың Медина,өте жақсы

Тәрбиеші:Қыс мезгілінде ауа райы салқын болады,қар жиі жауады,мұз

қатады,қырау түседі,аяз терезелерге суреттер салады.Қыс мезгілінде балалар

шаңғы теуіп , қардан аққала жасап ойнайды.

Осы кезде даладан ұшып келіп қонған,бір заттың дыбысы естіледі.

Тәрбиеші:Балалар мынау ненің дыбысы деп таң қалады!

Робот:Сәлеметсіздер,ме? мен қайдамын? сендер кімсіңдер?

Тәрбиеші:Сен балабақшадасың,мыналар балалар, сен өзің кімсің?

Робот: Мен Роботпын,мен адасып кеттім,жолда келе жатып,мына суреттерді

тауып алдым,мынау ненің суреттері екенін білмеймін.

Сендер маған көмектесіңдер,ме?

Тәрбиеші:Балалар Роботқа көмектесемізбе?

Балалар:Ия,роботқа көмектесеміз.

Тәрбиеші:Балалар мынау ненің суреттері кім айтып береді?

Балауса кел,Роботқа мынау ненің суреттері екенін айтып бер.

Балауса:Мынау Түйе,Сиыр,Жылқы,қой,ешкі

Тәрбиеші:Жарайсың,Балауса өте жақсы.Оларды бір сөзбен төрт түлік деп

атаймыз.Қазақ халқы үй жануарларының иесі бар деп есептеген.

Түйе атасы-Ойсыл Қара

Сиыр атасы-Зеңгі баба

Жылқы атасы-Қамбар ата

Ешкі атасы-Сексек ата

Қой атасы-Шопан

Тәрбиеші:Балалар төр түліктің қалай дыбыстайтынын білеміз,бе?

Балалар:Ия,білеміз

Тәрбиеші:Мынау ненің дыбысы?

Балалар:Түйенің дыбысы

Тәрбиеші: Дұрыс,өте жақсы жарайсыңдар балалар,қане өзіміз айтып

көрейікші.Түйе қалай дыбыстайды екен?

Балалар:Түйе боздайды,бө,бө,бө

Тәрбиеші:Жарайсыңдар,балалар

Мынау ненің дыбысы?

Балалар:Сиырдың дыбысы

Тәрбиеші:Дұрыс айтасыңдар,қане өзіміз айтып көрейікші,сиыр қалай

дыбыстайды екен?

Балалар:сиыр мөңірейді,мө,мө,мө,мө

Тәрбиеші:Жарайсыңдар, балалар өте жақсы

Тәрбиеші: Мынау ненің дыбысы?

Балалар:Жылқының дыбысы

Тәрбиеші:Дұрыс айтасыңдар,қане өзіміз айтып көрейікші жылқы қалай

дыбыстайды екен?

Балалар:Жылқы кісінейді,ио,ио,ио,ио

Тәрбиеші:Жарайсыңдар,балалар өте жақсы

Тәрбиеші:Мынау ненің дыбысы?

Балалар:қойдың мен ешкінің дыбысы

Тәрбиеші:Дұрыс айтасыңдар,қане өзіміз айтып көрейікші қой мен ешкі қалай

дыбыстайды екен?

Балалар:қой мен ешкі маңырайды,Мә,мә,мә,мә

Тәрбиеші:Жарайсыңдар,балалар өте жақсы

Енді балалар, осы төрт түлігіміздің төлдерін табайық!

Д/о: «Төлдерін тап»

М/Ы:Балалардың ойлау қабілеттерін арттыру.

Шарты:әр бала алындағы дайын суреттерге қарап, төлдерін тауып

орналастырады.

Тәрбиеші: Өте, жақсы жарайсыңдар балалар.

Енді, балалар роботқа осы төрт түлік туралы тақпақтар айтып берейік.

1. Түйе : Алихан,Айбар

2. Сиыр:Медина

3. Жылқы: Аяна

4. Қой: Ақбота

5. Ешкі: Балауса

Тәрбиеші: Жарайсыңдар,балалар! Енді төрт-түлігіміз туралы мақал-мәтел кім біледі?

Айсұлтан- Мал өсірсең,қой өсі,пайдасы оның көл көсір.

Айзере- Бір биеден ала да,құла да туады.

Амира- Құнан атқа жеткізер,ат мұратқа жеткізер.

Берекет- Өгізге туған күн,бұзауға да туады.

Тәрбиеші:Жарайсыңдар балалар,өте жақсы.

Енді,төрт түліктің пайдасы туралы айтып берейін: Төрт-түліктің пайдасы өте

көп.Етінен әртүрлі азықтар жасаймыз,Қазы-қарта,жал-жая,қуырдақ,т.б

Ал,сүтінен көптеген сусындар жасаймыз.Қымыз,шұбат,айран,сүтін

ішеміз,жүнінен киіз басқан,орамал,шұлық,қолғап,мойын орағыш,бас киім

тоқыған.

Тәрбиеші:Ал,енді балалар біз төрт түліктің сүтінен құрт жасаймыз.

Балалар: Ермексаздан құрт жасайды.

Тәрбиеші: Балалар,шаршаған боларсыңдар,бір серігіп алайық.

Сергіту сәті

Мақсаты:Балаларды жылдамдыққа,шапшаңдылыққа,достыққа тәрбиелеу.

Шарты:Дорбағы асықтарды жерге шашу,балалар түстеріне қарай ыдыстарға

салады.

Тәрбиеші: Жарайсыңдар,балалар.

Тәрбиеші:Ертеде заманда әжелеріміз ауылда түйе мен қойдың жүнінен киіз

басқан.Жүнді жуып,кептіріп алған.Жүнді әр түрлі түске бояп алып.киіздің

бетінен ою-өрнектер салған.Біз әжелерімізден үлгі алып,бүгін киізді

әшекейлейтін боламыз.

Қыздар:алдарында тұрған дайын киізге ою-өрнектер салып,әшекейлейді.

М/Ы: Шеше көрген тон пішер дегендей, қыздардың бойына ұлттық

құндылықтарды сіңіре отырып,тәрбиелеу.

Ұлдар қыздармызға жұмыстарын болғанша ұлттық ойындар ойнайды.

Ұ/О: «Бұқа тартыс»

Шарты:екі ұл бала ортаға шығып,арқанды екеуі екі жақа қарай тартады.

Кім өз жағына қарай арқанда тартып кетсе,сол бала жеңіске жетеді.

М/Ы:Балаларды күштілікке,шапшаңдылыққа,ептілікке тәрбиелеу.

«Ұ/О: Асықтарды түстеріне қарай ажырату»

Шарты:ортаға екі бала шығып,дайын тұрған ыдыстарға,асықтарды түстеріне

қарай ажыратып салады.Кім асықты түстеріне қарай дұрыс жинаса және

жылдам жинап бітірсе,сол бала жеңіске жетеді.

М/Ы:Балаларды жылдамдылыққа,шапшаңдылыққа тәрбиелеу.Балалардың

ойлау қабілеттерін дамыту.

Тәрбиеші:жарайсыңдар,балалар ойын ұнадыма?

Балалар:Ия,ұнады.

Тәрбиеші:Қыздармызда жұмыстарын бітіріпті,жарайсыңдар, өте жақсы.

Қандай керемет,қыздармыз киізді өте әдемі қылып әшекейлепті.

Робот: Балалар,менің кететін уақытым болды,достарым мені күтіп қалған

болар.Балалар сендер өте білімді,алғыр екенсіңдер.Менің сыйлығым

бар,сендерге жұлдызша алып келдім.

Робот:балаларға сыйлығын береді.

Тәрбиеші: Балалар,Роботқа рахмет айтып шығарып салайық.

Балалар: Рахмет,сізге Робот сау болыңыз!

Тәрбиеші:Робот өз планетаңызға барып,біздің осы төрт

түлігіміз туралы,олардың пайдасы туралы айтып беріңізші.

Тәрбиеші: Мына суреттерді сыйлыққа ала кетіңіз.Рахмет,сау болыңыз!

Робот:рахмет,сау болыңыздар!

Қорытынды:

Тәрбиеші:Балалар бізге кім қонаққа келді?

Балалар: Робот қонаққа келді

Тәрбиеші:Біз қандай жануарлармен таныстық?

Балалар:Біз үй жануарымен таныстық

Тәрбиеші:Робот қолына не ұстап келді?

Балалар:Робот қолына үй жануарларының суреттерін ұстап келді.

Тәрбиеші:Жарайсыңдар,балалар бүгінгі оқу қызметі сіздерге ұнады,ма?

Балалар: Ия,ұнады.

Тәрбиеші:Балалар бүгінгі ашық оқу қызметіне өте жақсы

қатыстыңдар,рақмет сіздерге, келген қонақтармен қоштасайық!

Балалар:Сау болыңыздар!

Тәрбиеші:Сау болыңыздар!