семинар:«Асыр салып ойнаймыз,қызыққа біз тоймаймыз»

Физикалық қасиеттерді дамыту

Құрылымдалған ойындар:

«Асыр салып ойнаймыз,қызыққа біз тоймаймыз»

Мақсаты : Қимылдарды орындауда балалардың дербестігін, белсенділігін дамыту. Жүру,еңбектеу,секіру дағдыларын,ептілікті, жылдамдықты дамыту, қимылдарды мәнерлі орындауға және логикалық ойлауын дамыту. Құрдастарымен қимылды ойындарды бірге ойнауға, өзара оң қарым-қатынас жасауға баулу.

Педагогикалық тәсіл: Нұсқау беру, яғни балаға қалай жасау керектігін түсіндіре отырып,өз бетінше әрекет етуге жетекшілік ету, бір нәрсені жасату арқылы ойын түйіндеуге баулу

(нысанаға дейін орындап шыққан баланы мадақтау , түрлі-түсті шарлар беру) Дағдылыр: Физикалық дағдылар

Физикалық белсенді болу, сенсомоторлық дағдыларды жаттықтыру арқылы қозғалыс кеңістікті түсіну, кеңістіктік түсінікті дамыту және белсенді, салауатты денені дамыту

Заттық дамыту ортасындағы пайдаланатын құралдар:

Түрлі -түсті кегля, құрсау, туннель палатка, түрлі-түсті доптар, түрлі - түсті шарлар,

Ойын барысы:

Амандасу:(Жүрекпен,алақанмен , жұдырықпен)Балалар залға кіріп,бір-біріне қарама-қарсы орындық тұсына тұрады, қонақтармен амандасады.

Есік қағылады

Кел, балалар, күлейік!

Күлкіменен түлейік!

Қабақ түйген не керек,

Көңілді болып жүрейік!

Балалар бүгін бізге көптеген қонақтар келді, қонақтармен амандасайық

Тосын сый : «Түстер ханшайымы» музыка әуенімен қонаққа келеді.

-Балалар ,сәлеметсіңдер ме,,мен түстер әлемінің ханшайымы боламын

Нұсқаушы:- Сәлеметсіз бе, түстер әлемінің ханшайымы,қош келіпсіз ,төрлетіңіз!

Түстер ханшайымы:-Балалар, бүгін сендерде қызықты іс -әрекет болып жатқанын естіп, арнайы сендерге танымдық зияткерлік дағдыларды дамытудың түстер әлемінен бірнеше қызықты ойындар және мынандай әдемі шарлар алып келдім.

Нұсқаушы:- Келгеніңіз қандай жақсы болды, біздің балалар, барлық ойынға қатысуға дайын.Ойынды бастамас бұрын денені қыздырып алайық.Ханшайым, сізде бізбен бірге денеңізді қыздырып алыңыз

Ырғақтық жаттығулар:

Таныс, бұрын үйренген жаттығуларды және қимылдарды музыканың сүйемелдеуімен орындау.

Нұсқаушы: -Жарайсыңдар!

Түстер ханшайымы: -Балалар, ойынды ойнап болған соң, мына ұшатын шарларды сендерге сыйға беремін.

Қозғалыс түрлерін балаларға түсіндіре отырып, нұсқаушы алдымен балаларға өзі көрсетеді.

Балаларды екі топқа бөлеміз. «Үшбұрыш» және «Дөңгелек» командалары

1 Ойын :«Менің көңілді добым»

Мақсаты: Қол мен иық белсенділігін дамыту.Командада жұмыс істей білуге дағдыландыру.

Барысы: Орындықта отырып, екі допты бір-біріне басынан жоғары,артқы балаға беру

2 Ойын: «Кім жылдам»

мақсаты:Қимыл-қозғалыс арқылы ептілік пен шапшаңдықты дамыту

Барысы: Туннель арқылы үйден төртағандап еңбектеп шығу, құрсау бойымен айналып жүру және түсіне сәйкес текшені кегляға кіргізу

3 Ойын: «Түстер әлеміндемін»

Мақсаты: Қимыл -қозғалыс ойын арқылы, көрнекі -қимылдық ойлауды дамыту арқылы, заттардың түсінің кеңістікте орналасуын ажыратуға үйрету .

Барысы: құрсау арқылы,қос аяқпен секіріп, жанындағы доптарды текше үстіне қойып, үстел- үстіндегі доптарды сәйкестендіріп қойып шығу

Рефлекция:

- Балалар,бүгінгі ойындар сендерге ұнадыма?

- Не істедіңдер,қандай жаттығулар ұнады сендерге?

- Балалар,білесіңдер ме сендер кереметсіңдер. Бүгін барлығың тапсырманы жылдам қарқынмен орындап шықтыңдар. Жарайсыңдар! Мадақтау

Ханшайым сендерге сыйлыққа түрлі-түсті шарларын дайындап қойды.

Кәне сапқа тұрып, бізді тамашалаған қонақтарға , жылы лебізімізді білдіріп қоштасайық. Сау болыңыздар!

Күтілетін нәтижелер:

- бірқатармен, заттарды айналып жүре алады.

- тұрған орнында қос аяқпен алға қарай жылжып секіреді;

заттардың ішімен еңбектейді

-жалпы дамытушы жаттығулардың орындалу ретін сақтайды;

қимылды ойындарды қызығып ойнайды;