Тәрбие сағатының тақырыбы

«Сен және Заң»

Күні

Сынып жетекшісі

Сынып

Оқу мақсаты

Оқушыларға заң білімі саласынан мағлұмат беру; өз құқықтарын жете білуге, өмірде қолдана білуге үйрету; құқықтық білімдерін толықтыру.

Адамгершілік, адалдық, әділдік пен мейірімділікке баулу арқылы саяси саналығы мен таным белсенділігін арттыру.

Еліміздің Ата заңын және басқа заңдарды құрметтеуге, сыйлауға тәрбиелеу; патриоттық тәрбие беру.

Құндылықты дамыту

ар-ұят, ұлттық мүдде.

Пәнаралақ байланыс

Қазақ әдебиеті

Өткізілу формасы

Сайыс сабақ

Күтілетін нәтиже

Заң білімі саласынан мағлұмат алады; өз құқықтарын жете білуге үйренеді, өмірде қолдана білуге машықталады; құқықтық білімдері толығады.Адамгершілік, адалдық, әділдік пен мейірімділікке баулу арқылы саяси саналығы мен таным белсенділігі артады.

Еліміздің Ата заңын және басқа заңдарды құрметтеуге дағдыланады.Патриоттық тәрбиені бойына сіңіреді..

Көрнекілігі

Қанатты сөздер

Тәрбие сағатының жоспарлы кезеңдері

Мұғалім әрекеті

Оқушы әрекеті

Ресурс

Ұйымдастыру бөлімі

5 мин

Саламатсыздар ма , оқушылар.Бүгінгі тәрбие сағатымызға қош келдіңіздер

(Сынып жетекші тәрбие сағатының тақырыбымен , оқу мақсатымен және күтілетін нәтижемен таныстырады)

Психологиялық ахуал туғызу.

«Қол шапалақтау» тренингі

- Қол соғыңыз егер де......

• Сіздер бүгін жақсы көңіл-күймен және ақпарат алуға келісесіздер ме?

• Кімді адам құқығы және бала құқығы алаңдатады?

• Кім адам құқықтарын және бала құқықтарын сақтап сондай-ақ құрметтей отырып жұмыс жасауға дайын? •

• Кім қазіргі кездегі заңға көңілі толады?

• Кім қазіргі заңға толықтырулар мен өзгертулер енгізуге өз үлесін қосқысы келеді?

Оқушылар сынып жетекшімен амандасады.Тәрбие сағатының тақырыбымен , оқу мақсаты мен және күтілетін нәтижемен танысады.

Оқушылар өздерінің тәрбие сағатына дайындықтарын қол соғу тренингі арқылы білдіреді

Негізгі бөлім

35 мин

Тәрбие сабағымызды бастамай түрып осы бүгінгі кездесуіміздің мәні болып түрған мына қанатты сездерге назар аударайық.

«Тәртіпке бас иген құл болмайды, тәртіпсіз ел болмайды» деп

Б. Момышұлы тектен текке айтпаса керек.. Заңды білу - заман талабы. Бүгінде Қазақстан Республикасында демократияға бағытталған құқықтық мемлекет кұру идеясын жүзеге асырып, ондағы әрбір азаматтың өз құқықтарын жете біліп, соған сай сана- сезімдерін қалыптастыру. Азаматтың міндеті - заң талаптарын бұзбау, екінші жағынан, өзіне жүктелген міндетін орындау. Өйткені заң дегеніміз - өмірдің нәрі. Заңның мықтылығы- атында емес, адалдығы мен әділдігінде. Заңның ең басты мақсаттарының бірі- қоғамдағы алуан мінезді адамдарды салауатты өмір салтына тәрбиелеу.Енді осы кезге дейін жүріп откен құқықтық жолымызға көз салып көрелік:

-1787 жылы Дүниежүзіндегі тұңғыш Конституция қабылданды.

-1789 жылы 26 тамызда Адам және азаматтардың кұқықтары декларациясы қабылданды.

-1948 жылы 10 желтоқсанда БҰҰ да Адам құқықтарының жалпыға ортақ декларациясы қабылданды.

-1959 жылы 20 қарашада БҰҰ ның Бас Ассамблеясында Балалар құқығы декларациясы қабылданды.

-1989 жылы Бала кұқығы туралы конвенциясы қабылданды.

-1993 жылы 28 қаңтарда егеменді еліміздің алғашқы Конституция қабылданды.

-1995 жылы 30 тамызда референдум арқылы бекіткен екінші Конституциямыз қабылданды.

- 2002 жылы 8 тамызда Қазақстан Республикасындағы балалардың құқықтары

туралы заңы қабылданды.

- 2004 жылы 7 шілдеде Қазақстан Республикасының мемлекеттік жастар саясаты

Заңы қабылданды.

Адамзат баласының емір сүруі белгілі бір заңдылықтарға бағынатын сияқты, ғаламшарды мекен еткен әр мемлекеттің де негізгі заңы болуы шарт. Ол заңның барлық тілдердегі мойындалған атауы - Конституция.

Еліміз 1995 жылы өзінің талғам - талқысынан өткен басты құжаты Конституциясын жүрек қалауымен қабылдады. Жасампаздықтың жаңылмас жарғысы болған Конституция біздің барша жарқын істеріміздің қайнар бастауына айналды.

Қастерлі кұндылығымыздың қағидаттарын бұлжытпай орындаудың нәтижесінде біз қысқа мерзімде мызғымас мемлекетімізді орнатып, тәуелсіздігімізді тұғырлы еттік. Ата Заң тәуелсіздігіміз бен тұтастығымыздың кепілі ретінде біздің бірлігімізді бекемдеп, елдегі тұрақтылық пен татулықтың берік тұтқасы болды. Конституция мемлекеттік биліктің қайнар көзі халықтың өзі екенін айқындайды. Жаңа Конституция қабылдау арқылы Қазақстан жаңа дәуірге қадам

басты.

«Еркін микрофон» әдісі

Құқық үғымын қалай түсінесіз?

«Сұрақ-жауап» әдісі арқылы оқушылардың білімдерін тексеру.

1.Жер бетіндегі әрбір адам қандай құқықтар мен бостандықтарға ие болатынын біз қандай құжаттардан көре аламыз?

2. «Бала құқығы турала Конвенцияға» Қазақстан Республикасының президенті қай жылы қол қойды?

3.Адам құқықтары мен бостандықтары туралы Деклорацияны қандай ұйым қабылдады?

4.БҰҰ ның мақсаты қандай?

5.Біздің елімізде адам құқығы бұзылған қандай кезеңді білесіңдер?

6.Бала құқығын қорғау Конвенциясында медициналық көмек алу құқығы қай бапта жазылған?

7.Құқық туралы заңдарды қандай орган шығарады?

8.Ар-намыс , абырой-беделге нұқсан келтірсе не істеуге болады?

-Міне балалар, сендер адам құқығы және бала құқығы туралы білдіңдер. Айтыңдаршы үлкендерге қарағанда балаларға өзін-өзі қорғау қиынға түседі. Неге?

«Мен заңды қаншалықты білемін?» айдары.

Бірнеше жағдайлар оқылады. Оқылған жағдайларды қылмыс деп тапсаңыз сары түсті көтеріңіз, себебін айтыңыз. Егер қылмыс емес деп ойласаңыз жасылды көтеріңіз, себебін айтыңыз.

1. Бір оқушы бір оқушыға 1000 теңге әкеліп бересің, әкелмесең басқаша сөйлесеміз деді

2. Кешкі уақытта сыныптастарына туған кешін ұйымдастырды..

3. Мектеп оқушылары мектеп ауласында өсіп тұрған гүлдерді жұлды.

4. Сыныпта екі оқушы алдыңғы орынға таласып, күштірегі отырды.

5.Сыныпта бір оқушы үнемі сыныптастарының заттарын ұрлап алатын болды.

-Құрметті менің шәкірттерім. Сен өзіңді құрметтеуге тиіссің. Бойыңдағы бар қабілетіңді тек жақсылыққа бағыттай біл! Зиянды әдеттерден, ішімдіктен, шылымнан аулақ бол. Ар намысыңды биік ұста. Өз тағдырың – өзіңнің қолыңда. Өзіңе сен. Өзіне сенімді адам ғана өзгелердің теріс әсеріне бағынбай өзін сақтай алады. Тәртіпті бол. Өз құқығыңды дұрыс пайдалан. Сен ел үшін керексің, өйткені сен тәуелсіз еліміздің болашағысың!

Оқушылар сынып жетекшісінің мағлұматын мұқият тыңдайды.

Оқушылар өз ойларын ортаға салады.

Оқушылардың ықтимал жауаптары:

1.Адам құқықтары мен бостандықтары туралы жалпыға бірдей Деклорациядан аламыз.

Ол 1948 жылы желтоқсанда қабылданды.

2. 1995 жылы Нью- Иорк қаласында 156- мемлекет болып қол қойды.

3. БҰҰ

4. әлемде бейбітшілікті сақтау,адам құқықтары мен бостандықтарын сақтау.

5. 1937-1938 ж қуғын-сүргін, 1932-1933 ж ашаршылық, Ұлы Отан соғысы, 1986 ж желтоқсан оқиғасы.

6. 24-бапта медициналық көмек алу құқығы жазылған.

7. парламент шығарады.

8. әр адам өз баспанасына жеке және отбасылық өміріне абырой мен атағына басқаның қол сұғуына құқығы жоқ деп деклорацияның 12-бабында айтылған.

Оқушылар өз ойларын білдіреді.

- өйткені олар дене күші және психологиялық тұрғыда әлсіз. Бала- жаңа дамып келе жатқан тұлға. Әлсіздігін қолданып куш көрсетеді.

-өйткені бала сенгіш болады. Үлкендер дұрыс айтады деп ойлайды. Сондықтан бала құқығы да ерекше.

Оқушылар жағдаяттарды тыңдайды. Оқылған жағдайларды қылмыс деп тапса сары түсті көтереді, себебін айтады. Егер қылмыс емес деп ойласа

жасылды көтереді, себебін айтады.

Тәрбие сағатының соңы

5 мин

Рефлексия «Жүректен жүрекке»

Оқушылар тәрбие сағатынан алған әсерлерін білдіреді..