Сенің таңдауың -ел ертеңі. Тәрбие сағаты

Мектеп

Сабақтың тақырыбы:

Сенің таңдауың -ел ертеңі

Педагогтің аты-жөні:

Күні:

Сыныбы:

Қатысушылар саны: Қатыспағандар саны:

Сабақтың мақсаты:

Мамандық таңдау кезінде оқушыларға бағыт-бағдар беріп, таңдау мүмкіндіктерін шешу. Адам өмірінде мамандықтың алатын орны, маңызы туралы түсінік қалыптастыру.

Сабақ кезеңі/

Уақыты

Педагогтің іс-әрекеті

Оқушының іс-әрекеті

Ресурстар

Сабақтың басы

Қызығушылықты ояту.

7 мин.

(Ұ). Ұйымдастыру кезеңі:

Ұйымдастыру кезеңі

Психологиялық ахуал

Бір түрлі фигур алғандарды

1-топқа «Достар», ал екіншісін таңдағандарды 2-топқа «Құрдастар» тобына бөлемін.

Оқушылар мұғаліммен амандасады,түгенделеді.

Психологиялық ахуал

Оқушылар

дың пікірі тыңдалады

слайд

Жаңа сабаққа кіріспе

Қайырлы күн, құрметті қонақтар, оқушылар, ұстаздар! Бүгінгі «Сенің таңдауың – ел ертеңі» атты кездесуімізге қош келдіңіздер! Тағдырыңды өзгертетін таңдау жасау өте қиын. Әсіресе, мамандық таңдау мен жар таңдауда мүлт кетпеу керек. Біз бүгін осының біріншісі, яғни мамандық таңдау туралы сөз қозғайтын боламыз. Мынау нарықтық қарым-қатынас жағдайында өмірге аттағалы отырған жастың көкейінде «кім болам?» деген сұрақ тұр. Сондықтан да, оқушыларға бағыт-бағдар беріп, таңдау мүмкіндіктерін шешу үшін бүгінгі кешімізге ұстаздарды, болашақ түлектерді және елге елеулі, халыққа қалаулы өз ісінің мамандарын бүгінгі кешімізге шақырып отырмыз. Қонақтарымызбен ой бөлісіп, пікір алыспас бұрын, таныстырып өтсек.

Сабақтың ортасы

26 мин.

2. Қонақтармен таныстыру. 1. Мектебіміздің директоры

2. аудандық халықты жұмыспен қамту және әлеуметтік бағдарламалар бөлімінің басшысы

3. аудандық ауруханасы директорының орынбасары

4. аудандық төтенше жағдайлар бөлімінің басшысы

5. колледж директоры

6. жеке кәсіпкер

3. Бейнеролик. Тақырыбымызға тұздық болсын, арнайы дайындалған сюжетке назар аударайық. Өздеріңіз көріп отырғандай мамандық таңдау — тағдырыңды таңдау деген сөз. Кейінгі өмірде өкінбейтіндей, өз қабілеті мен бейімділігіне сай кәсіп түрін таңдау.. Бұл өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Олай болса көкейімізде жүрген маңызды сұрақтарымыздың жауабын арнайы келген қонақтарымыздан сұрап білейік. Келесі айдарымыз

4. «Сұрақ – бізден, жауап — сізден» 1. Бүгінгі жастар тек қана бір жапырақ қағаз үшін, яғни диплом үшін кез-келген оқуды таңдай салады, арзанырақ болса болды немесе ата-анасының қалауы бойынша, тек қана диплом алып шықсам болды деп оқи салады. Осындай жастардың көбейіп кетуіне не себеп?

2. ЖОО-да таңдаған мамандығын бір-екі жыл оқып, артынша басқа мамандықтарға ауысып жатқандар көп пе?

3. Студенттерден сұрайықшы, мамандықтарға өкінетін, «Қап, осы мамандықты бекер таңдадым деген кездеріңіз болды ма?» Әлде өздеріңізге ұнайды ма?

4. Өз ісінің нағыз маманы атану көп адамға бұйыра бермейтін бақыт. Ол үшін өзіңнің мамандығыңа деген, жұмысыңызға деген махаббат болу керек.

1. Оқу білім-бағдары

Заманының бағбаны ( Ұстаз)

2.Ара тұрар өлімге

Қай маман бұл өмірде ( Дәрігер)

3.Станогы жанды адам

Сансыз өрмек жалғаған

Тірлігі бар тынымсыз

Өрмекшіден аумаған ( Тоқымашы)

4 Жаңалықтың жаршысы

Қаламының жалшысы( Журналист)

5, Теңіз түбі тірлігін

Зерттеп, барлап,білді кім ( Ихтиолог)

6.Тау мен тасын, өзенін

туған жерді кезетін

Тамыршыдай дөп басып

Таба білер қажетін

Қай мамандық ол қане

Айтып жібер өз атын ( Геолог)

7. Еңбек орны-танабы

Сүйікті әні-дала әні

Егін жайын мәпелеп

Асырайды қаланы( Диқан-агроном

Бүгінде мамандықтарымен жұмыс істеп жатқан, өзінің мамандықтары туралы, жұмысы туралы, ұнайтын, ұнамайтыны, қалай түскенін сұрап білу үшін қонақтарымыздан сұрасақ.

Болу үшін сірә адам

Отқа да, салып сынаған

Еркелікті көтермес

Өмірдің жолы бұралаң

Өткеріп аяз-ақпанын

Көрерсің шуақ шақтарын

Жануы бақтың- өмірден

Өз орныңды тапқаның

Сол жолда талмай самғарсың

Кездес се де, қандай сын

Тірлікте мынау кәсіп көп

Қайсысын қане таңдайсың

Елдестірмек елші ме?

Жер қопарған кенші ме?

Асықпай толғап, таңда да

Біреуін соны елшіле

Фармацевт пе, балгер ме?

Төрелік айтар заңгер ме?

Жақынын жанға қалағын

Құр атағын сән көрме

Жылқышы ,әлде түйеші

Қайсысы саған тиесі

Қиналсаң, қане сөз алсын

Сол кәсіптер иесі

Бірақ әр кәсіп иесіне сөз бермес бұрын осы мамандықтарды таңдап отырған оқушыларды ортаға шақырайық,

Медицинаны таңдап отырған 3-4оқушы

Төтенше жағдай немесе әскери оқуды таңдап отырған 3-4оқушы

Болашақта кәсіпкер болғым келеді деген 3-4оқушы

Дәнекерлеуші, аспазшы, жұмысшы мамандықтарын таңдап отырған 3-4оқушы

Мұғалім болғысы келетін 3-4оқушы

Әлі мамандық таңдаудан қиналып жүрген 3-4оқушы

Осы оқушылармен бірлесе отырып, өз салаларыңыздың тиімді жақтарын жарнамалап, таныстырсаңыздар. Оқушылар сіздерге көмектеседі, сіздер

өздеріңіз қорғап, оқушыларға өз мамандықтарыңыз туралы айтып өтесіздер.

Сол мамандықтың

Артықшылығы неде? Қиындығы неде? Қандай қасиеттерді қажет етеді?

6. Оқушылар мен қонақтармен сұхбат. 1. Жақсы маман болу үшін адам нені біліп, нені үйрену қажет деп ойлайсыз? 2. Елімізді өркендету үшін бүгінгі таңда қандай маман иелері керек деп ойлайсыздар? 3. Адам өзін белгілі бір мамандыққа қашан, қалай дайындауы керек деп ойлайсыз? Өздерің қай уақыттан бастап дайындалдыңдар? 4. Бүгінгі таңда қандай мамандықтар сұранысқа ие?

Сабақтың соңы

Ой толғаныс.

Рефлексия

7 мин.

8. Қорытынды. Тоқсан ауыз сөздің тобықтай түйінін түйіп, жинақтап бір –екі ауыз сөзбен қорытындылап жіберсек. Атақты ғұлама Әл – Фараби айтқандай: Ісім оңсын десеңіз, Сол істің маманы болыңыз. Даңқым шықсын десеңіз, Көпшіліктің адамы болыңыз, - деген екен. Олай болса «Сенің таңдауың - ел ертеңі» атты кездесу кешімізге келіп маңызды ой-пікірлеріңізбен бөліскен қонақтарымызға алғыс білдіреміз!