Ашық сабақ – алдын ала жоспарланып, белгілі бір мақсатқа бағытталған оқу-тәрбие үдерісі. Оны ұйымдастыру барысында баланың жас және жеке ерекшеліктерін ескеру қажет. Сабақ құрылымы кіріспе, негізгі және қорытынды кезеңдерден тұрады. Кіріспе кезеңде балалардың қызығушылығын ояту мақсатында сергіту сәттері, тақырыпқа байланысты жұмбақтар немесе әңгімелесу ұйымдастырылады. Негізгі кезеңде ойын технологиялары, көрнекі құралдар, қимылды ойындар кеңінен қолданылады. Бұл балалардың танымдық белсенділігін арттырып, сабаққа деген қызығушылығын күшейтеді.