«Шешендік шеберлігі» дамытушылық

курсының бағдарламасы

сынып: 1, 2;

жыл бойғы сағат саны: 34 сағ.

барлағы: 34 сағ.

аптасына: 1сағ.

Шешендік шеберлігі

Түсінік хат

Оқушыларды «Шешендік шеберлікке» баулудың маңызы зор.Қазақ халқы шешендік өнерді аса құрметпен бағалағандықтан,бастауыш сынып
оқушыларын ата-баба ізімен шебер сөйлеу,тілдерін дамыта түсу ,олардың үлгі- өнегесін бойларына дарыту – басты мақсат.
Бұл бағдарлама бастауыш сынып оқушыларының жас ерекшеліктеріне сай
құрылған. 1 сынып оқушылары әдебиеттік оқу пәніне негіздей отырып,көрген – білгенді көкейге тоқып, көп үйреніп ізденудің арқасында шебер сөйлеуге жаттығады. Би – шешендердің сөздерін жаттап өсіп,жаңа ұғымдармен танысады.Мақалдың немесе өлең ұйқастарын таба отырып,берілген қысқаша мәтінді өз ойымен жалғастара білуді үйренеді.
Бұл жинақ әдебиеттік оқу пәніне де көмекші құрал ретінде пайдаланылады.
Бағдарламаның көздеген мақсатының бірі – тілдің рухы.Тілдің рухы деген өте бір құдіретті ұғым.Ол біздің салт-санамыз,дәстүріміз,ұлттық
психологиямыз,дүниетанымымыз.

Бағдарламаның мақсаты:
Бастауыш сыныптардағы шешендік өнер сабақтарының түбегейлі мақсаты, оқушылардың жеке басын қалыптастыра отырып,әдеби мұраларға деген талғамын тәрбиелеу,рухани дүниесін кеңейту,ақыл-ойыы мен ұлттық сана-сезімін дамытуға ықпал ету,кітап оқуға деген қызығушылықтарын қалыптастыру.
Осы мақсатты орындауға келгенде оқу бағдарламасының алдына мынандай
міндеттер жүктеледі.
Бағдаламанының мақсаты осы міндеттерді орындауға бағытталады.

Міндеттері:
- оқушылардың оқу дағдысын қалыптастыру және жетілдіру;
- көркем шығармаларды оқуға деген қызығушылығын дамыту;
- шығарманың түпкі мазмұн – мәнін түсінуін ,эмоциялық қабылдауын (кейіп-
керлердің көңіл күйіне ортақтасу,күйіну,сүйсіну т.б.)қамтамасыз ету;
- шығармадағы көркем бейнелердің ерекшеліктерін аша білуге бағыттау.
- ауызекі және жазба тілде байланыстырып сөйлеуін (ойын еркін жеткізу,сауатты да мәнді жаза білу) дамыту;
- өзіндік ой-пікірін айта білуге баулу;
- оқушылардың бойына ізгілік пен имандылық,адалдық пен мейірімділік сияқты адамгершілік қасиеттерді дарыту;
-көркем мәтіндерді мәнерлеп,сазына келтіріп оқуға баулу;
- жақсы қасиеттерді бойларына сіңіруге тәрбиелеу;

Күтілетін нәтиже

- сөздік қорын толықтырады
- оқу материалдары бойынша курста ( диалог,рөльмен инсцинировка жасау,әңгіме,пікіралмасу т.б.) дағдыларын меңгереді.
- сөздерді мақсатқа негізгі ойға,мазмұнға сәйкес өз бетінше талдап қолдана алады.
-шығармашылығын шыңдайды,танымдық қабілеттері дамиды,өзіндік ой қорытуға ,ойын әдеби тілмен өрнектей білуге дағдыланады.
-халықтың қанатты сөздерінің мәнін ,мағынасын түсініп,одан тәрбие алады.

Пайдаланған әдебиеттер

1. «Алаштың ардағы»Е.Тілешов.Г.Әріпбекова. «Зерде»2008ж.Астана.
2. «Жыл он екі» журналы №4 2010ж,№1 2009ж.
3. «777 жұмбақ»Әли Ысқабай. «Ана тілі»2004ж. Алматы.
4. «Ұлттық дүниетаным» Аюбай Құралұлы «Өнер»2002ж. Алматы.
5. «Қазақтың мақал-мәтелдері» Аян Нысаналин. «Қазақпарат»2004ж.Алматы.
6. «Жаттамақ» Ермек Өтетілеуов. «Балауса»1994ж. Алматы.
7. «Балдырған» журналы №7 2008,№82008,№12 2008ж.

«Шешендік шеберлігі» бағдарламасы 1 - сынып 34 сағат.

«Шешендік шеберлігі» бағдарламасы 2 - сынып 34 сағат.