Алғашқы шет еліңізге жоспар

Көпшілік үшін шет елге саяхат қымбат, қиын көрінгенімен, шындығында олай емес. Саяхат - адам өміріне жаңа дем беріп, жаңа көзқарастарды ашатын керемет, маңызды дүние. Тың елдермен танысу, мәдениеттерін білу, өзге елдің дәстүрін зерттеу, әлемдегі әдемі жерлерді көру ерекше әсерін қалдырады.

Жаңа айта кеткенімдей, саяхат біз ойлайтындай қымбат, мүмкін емес дүние емес. Мен сіздерге алғашқы шет елге саяхатты қалай жоспарлау керек; қай елдер бірінші баруға дұрыс; шамамен қанша қаражат керек екен екенін көрсетемін.

Алдымен, саяхатты біз турсыз жүзеге асырсақ болады. Яғни өз жолымызбен, өз жоспарымызбен, себебі бұл әлдеқайда қызық болмақ.

Алғашқы шет елге саяхатқа ұсынылатын елдер: Түркия, Грузия, Әзірбайжан, Өзбекстан, Қырғызстан. Неге? Себебі бұл елдерге тіл білу аса қажеттілік тудырмайды. Халықтың көп бөлігі орыс тілінде сөйлейді. Сонымен қатар, көп қаражат талап етпейді. Мысалы, Грузия мен Әзірбайжанға шамамен 200-300 мың теңге, Өзбекстан-Қырғызстанға 30-100 мың теңге, Түркияға 300 мың+ ақша кетеді. Бұл шығынға қонақ үй, авиабилеттер, маршрут, тамақ кіреді. Сондықтан сіздің алғашқы саяхатыңыз үшін бұл елдер тиімді шешім болмақ.

Бұл саяхат өз жолымызбен болғандықтан барлық жоспарды өзіміз құраймыз. Осы сәтте сізге мына чек лист көмек бере алады.

Саяхатқа чек лист:

• Авиабилеттер алу

• Қонақ үй броньдау

• 50-100$ қолма қол ақша

• Кредиттік карталар

• Ауа райына сәйкес киім

• Аэропорттан қонақ үйге жету жолын қарастыру

• Бару керек жерлер тізімі

Осы чек лист бойынша саяхатты жоспарлаймыз. Арзан авиабилеттерді “Aviasales” қосымшасынан н/е чартерлік билеттер сататын сайттар мен чаттардан таба аласыз. Қонақ үй броньдаудағы танымал әрі сенімді қосымша “Booking.com”. Осылай сіз алғашқы саяхатыңызды жоспарлайсыз.

Енді, егер сізге бұл процесс қиындық тудырса арнайы тур-пакет сатып алуға болады. Арзан, қолжетімді тур-пакеттер іздесеңіз “ыстық тур” деген бөлімнен қарайсыз. Оны “ht.kz, kaztour” деген секілді қосымшалардан таба аласыз. Мысалы, қазір “ht.kz” те “ыстық тур” бөлімінде 400 мың теңгеден басталатын турлар тұр. Соларды қарастыруға болады.

Саяхаттаймын деген адамға мүмкіндік көп. Бірден саяхаттауға қаражат жетпесе, аз аздан үздіксіз жинауға болады. Осылайша сіз жыл сайын бір елге саяхаттай аласыз. Тіпті кішкентайынан бастасаңыз да, саяхаттау сіздің келесі елге баруға деген шабытыңызды ашып, мотивация жасайтын болады. Ең бастысы - алғашқы қадам жасауға қорықпаңыз.

Саяхат сізді өсіреді, өмірге деген құштарлығыңызды арттырып, мына әлемге деген махаббатыңызды ашады. Сол үшін саяхаттауға ақшаларыңызды аямаңыздар, қорықпаңыздар. Саяхат-өзіңізге жасаған ең керемет инвестиция.