«» бөбекжай балабақшасы

Сиқырлы пішіндер.

(ашық ұйымдастырылған оқу іс - әрекеті)

Тәрбиеші:

2022-2023 оқу жылы

Тақырыбы:”Сиқырлы пішіндер”.

Мақсаты: Балаларды пішіндермен таныстыру, пішіндерді ажыратып айта білуге, түр – түсін анықтай білуге дағдыландыру.Балалардың пішіндер туралы білімдерін арттыру. Балалардың шапшаң ойлап, пішіндерді, олардың түр - түсін ажырата білуге ұйымшылдыққа, тапқырлыққа тәрбиелеу.

Міндеті : Балалардың пішіндер туралы түстер туралы, құрастыру туралы білімдерін кеңейту.Балалардың ой - өрісін, логикалық ойлау қабілеттерін, саусақ қол маторикасын оқуға деген ынталарын, зейіндерін, белсенділіктерін арттыру.
Әдіс – тәсілдер: түсіндіру, көрсету,үйрету, сұрақ- жауап, ойын ,сергіту сәті, тапсырмалар( топтасып жұмыс), жұмбақ
Көрнекілік: Слайд, геометриялық пішіндер, таяқшалар, үлестірмелі пішіндер

Ашық сабақ барысы:

Тәрбиеші:

-Сәлеметсіздерме !

Жылулық шеңбері:
Алақанды ашайық

Күннің нұрын салайық

Жүрек жылуын салайық

Жиналған жылу шуақтарды

Қонақтарға шашай

(Балалар Амандасып алады. Балалар жылулық шеңберін қимылмен оындайды.)

Тәрбиеші:

-Қазір жылдың қай мезгілі?

Балалар: Күз мезгілі

Тәрбиеші:

-Күз мезгілі неше айдан тұрады?

Балалар: 3 айдан тұрады

Тәрбиеші:

-Күз айларын атап беріңдерші?

(Балалар тәрбиешінің көмегімен атап береді)

Тәрбиеші:

Жарайсыңдар балалар

- Балалар, бүгін біз “Сиқырлы пішіндермен” танысамыз.
Сиқырлы пішіндерге қандай пішіндер жатады екен, соны қарайық: (презентация көрсетеді)
- Төртбұрыш, үшбұрыш, дөңгелек, сопақ жатады екен.
- Неге төртбұрыш дейді екенбіз, қанекей төртбұрыштың қабырғаларын, бұрышын санайық.(Балалар тәрбиешімен бірге санайды.)
Балалар жаңа мен балабақшаға келе жатып жолда мына хатты тауып алдым.Кане онда оның ішінде не бар екенін көрейікші.Балалар оның ішінде тапсырмалар бар екен Енді бәріміз сол тапсырмаларды орындап көрейікші.

Балалар: иә

Тәрбиеші:Тапсырманы орындамас бұрын жұмбақтар шешіп алайық.

Таба ала ма екенсіңдер

Атына сай балалар

Үшбұрыш үш жағы бар

Ол пішінді кім табар

(үшбұрыш)

Төрт бұрышы бар

Төрт қабырғасы бар

Бұл қай пішін (төртбұрыш)

Тәрбиеші: жарайсыңдар балалар! Ендеше тапсырмаларды орындауға кірісейік!

1-тапсырма: «Сиқырлы қоржын»

Шарты: балалар текшелі лабирингтен жол жүгіріп өтіп, ілулі тұрған қоржын ішінен белгілі пішінді алады. Сол пішіндерді конвертке салып жинақтап соңында сол пішіндерді атап, түсін ажыратып береді.

(балалар топпен белсене қатысады)

Тәрбиеші: Өте тамаша балалар! Келесі тапсырманы орындауға кеттік!

2-тапсырма: «Пішіннен зат құрастыр»

Шарты: балалар шеңберлі тосықтардан еңбектеп өтіп. Шашылған пішінді конструкторлардан белгілі пішінге (төртбұрышты теледидар, ғимарат) сай заттар құрастыру керек.

(балалар тапсырманы белсене орындайды)

Тәрбиеші: Менің балаларым қандай жүйрік! Тамаша! Балалар шаршап қалған боларсыңдар , келіңдер бәріміз бір бой сергітіп алайық!

Сергіту сәті: «Пішіндер» музыкалық қимылда орындайды.

Тәрбиеші: Міне тамаша! Бәріміз бойымызды сергітіп алдық. Ендеше келесі тапсырмаға көшейік.

3-тапсырма: «Ермексаздан пішіндер жасайық»

Шарты: балалар үстел үстіне жиналып отырып, үстел үстіндегі ермексаздардан пішіндер жасау.

(балалар топпен белсене орындайды)

Тәрбиеші: Қандай зерек едіңдер!Балалар келесі тапсырма орындауға дайынбыз ба?

Балалар: Иә.

Тәрбиеші:

4- тапсырма: «Жаңылмай қайтала»

Шарты: балалар скалкамен секіріп тұрып тәрбиешінің айтқан жаңылтпашын 2-рет жаңылмай қайталайды.

Мен үшбұрыш, ол үшбұрыш.

Сонда кім тіктөртбұрыш (қайталайды)

Мен шеңбермін, шеңбермін

Дөңгеленіп келгенмін! (қайталайды)

Тәрбиеші: Жарайсыңдар балапандарым! Балалар бүгін біздер не үйрендік?

Балалар: пішіндерді.

Тәрбиеші: Сендерге ұнадыма ?

Балалар: Иә.

Тәрбиеші: Тамаша. Ал балалар байқадым бүгін бәрің өте белсенді болдыңдар сол себепті әрқайсысыңды «Қыран құс» медалімен марапаттаймын.