Білім беру саласы: Таным. Шығармашылық.
Тақырыбы: «Сиқырлы пішіндер»
Мақсаты: Балалардың геометриялық пішіндер туралы білімдерін қалыптастыра отырып, қарапайым математикалық ұғымдарын бекіту, пішіндерді ажыратып айта білуге, оларды қоршаған ортамен салыстырып, түр – түсін, заттардың көлемін анықтай білуге дағдыландыру. Балалардың ой - өрісін, қол моторикасын, логикалық ойлау қабілеттерін ойын арқылы дамыту, зейіндерін, белсенділіктерін арттыру. Балаларды ұйымшылдыққа, тапқырлыққа тәрбиелеу.

Сөздік жұмыс: Үшбұрыш, төртбұрыш, шеңбер, пішіндер.

Сабақ барысы: Балалар жарты шеңбер бойымен тұрады.

Амандасу: 

-Үлкенге де сіз,сіз.

Кішіге де сіз,сіз.

Сәлем бердік сіздерге

Құрметпенен біз, біз.

- Балалар, жылу шеңберіне тұрайық.
 

Жылулық шеңбері: (Балалар қимылмен көрсетеді)
- Алақанды ашайық,

Күн нұрын салайық.

Жүрек жылуын салайық.

Жиналған жылу шуақтарды,

Қонақтарға шашайық.

(музыка әуенімен ведиопроектордан дыбыс естіледі де, ханшайым көрінеді. Балалар бұрылып амандасады)

Ханшайым:

- Сәлеметсіздер ме, балалар?

Балалар:

- Сәлеметсіз бе?

Ханшайым:

- Мен сендерді «Кішкентай аспазшылар» әлеміне шақырамын.

Тәрбиеші:

- Балалар, «Кішкентай аспазшылар» әлеміне барғыларың келе ме?

Балалар:

- Иә.

Тәрбиеші:

- Ал қандай көліктермен барғыларың келеді?

Балалар:

- Поезбен.

Тәрбиеші:

- Жарайды. Ендеше, поезбен барайық. Ал кеттік.

Бәрі шеңбер бойымен жүріп, музыка әуенімен:

Қимылды ойын:

«Поезд» Тіл ұстарту жаттығу.
Пыш - пыш, пыш - пыш біз кеттік,
Жүрісті үдеттік.
Гу - гу, гу - гу гуілде,
Қалып қойма біріңде.
Тәрбиеші:
- Қане, балалар, тоқтайық. Пыш - ш - ш.

- Балалар, біз міне «Кішкентай аспазшылар» әлеміне де келіп қалдық. Қане, поездан түсейік.

- Ой, балалар, қарандаршы алдымызда әр үстелде кішкентай аспазшыларға тапсырмалар тұр екен,кәнекей қолымызда салынған пішіндермен топ топтарға бөлініп ас әзірлеуге кірісейік.

Бірінші тобымыз Ұшбұрыш пішіні бұл үстелде қамырдан тоқаш,самса әзірлеу керек ,балалар сендерге сәттілік тілеймін.

Екінші тобымыз Шеңбер пішіні .Бұл үстелде көкеністерден салат жасау тапсырмасы берілген,көкеністерді шеңбер пішінге байланысты тұрау керек .

Үшінші тобымызда Төртбұрыш пішіні.Бұл үстелде де балалар қамырмен жұмыс жасайды.Тапсырмалары қамырдан төрт бұрыш пішінге сәйкес бауырсақ және печенье әзірлеу берілген.

Тәрбиеші: Жарайсыңдар балалар әр бала тапсырманы орындай алдындар,берілген тапсырмаларды пішіндерге сәйкес турадыңдар,салат жасадыңдар, қамырмен жұмыс жасадыңдар .Балалар сендерге кішкентай аспаз болған ұнадыма? - Иә

Тәрбиеші:

- Балалар, осы пішіндерді қоршаған ортамен салыстырайық. (ведиопроектордан пішіндерге ұқсайтын заттарды атап, таяқшамен көрсетеді)

Д/о. «Айналадағы заттардың пішіні"

Шарты: Заттардың қандай пішіндерге ұқсайтынын тауып айту.

Тәрбиеші:

– Балалар, Ханшайымның «Кеңістікті бағдарлау»деген тапсырмасы бар.

Шарты:Тақтадағы үлгі бойынша тапсырманы орындау. Ақ жапсырғыштың бетіне жоғарғы жағына төртбұрыш, төменгі жағына дөңгелек, оң жағына үлкен үшбұрыш, сол жағына кішкентай үшбұрышты жапсыру.

Тәрбиеші тексереді.

Тәрбиеші:

- Ал, балалар, тұрайық,

Үлкен шеңбер құрайық.

Көңілденіп біз енді,

Бой сергітіп алайық.

 «Ойыншықтар» әнін музыка әуенімен балалар ойыншықтарын алып, қимыл көрсетіп айтады.

Біздерде бар қуыршақ,

Бұзау, қозы, құлыншақ.

Ойыншықтар тыңдайды,

Әмір беріп бұйырсақ.

Ойыншықтар ұйықтайды,

Айтқаныңнан шықпайды.

Ал, қозы мен құлыншақ,

Ұйықта десең ұқпайды.

Тәрбиеші:

–Балалар, Ханшайымның мынадай тапсырмасы бар, «Мақта қыз бен мысық» ертегісін сахналау.
Тәрбиеші:

-Балалар сендер бүгін қандай пішіндермен таныстыңдар?

-Сендерге кішкентай аспазшылар әлемінде тапсырмалар ұнадыма?

-Ертегілерде қандай кейіпкерлермен таныстық?

Музыкамен дыбыс шығарады. Балалар бұрылып, Ханшайымның алдына барады.

Ханшайым:
- Балалар, барлықтарың сабаққа жақсы қатыстыңдар. Рахмет.Сау болыңдар балалар.

сахналау.
Тәрбиеші:

- Жарайды, балалар, Ханшайыммен қоштасып, поезға отырып тобымызға барайық.Сабақ аяқталды Сау болыңыздар.