№42 «Айналайын» балабақшасы МКҚК

Меңгерушісі Шугаева.Н.Г

«Сиқырлы құм әлемі»

(Жұлдыз тобы)

Тәрбиешілер:Мухамбетова.А.С

Ақтөбе,2026 оқу жылы

Тақырыбы: «Сиқырлы құм әлемі»

Жас тобы: 3 жас

Мақсаты:

• Балалардың ұсақ моторикасын дамыту;

• Қиялын, шығармашылығын жетілдіру;

• Эмоциялық көңіл-күйін көтеру;

• Құммен жұмыс жасау арқылы тыныштық пен сенімділік сезімін қалыптастыру.

Қажетті құралдар:

• Құм салынған науалар;

• Ойыншық жануарлар;

• Қалыптар;

• Кішкентай күрекшелер;

• Тастар, қабыршақтар, ағаш бұтақтары.

Сабақ барысы

І. Ұйымдастыру кезеңі

Тәрбиеші:
– Сәлеметсіңдер ме, балалар!

Балалар:
– Сәлеметсіз бе!

Тәрбиеші:
– Бүгін біз сиқырлы құм әлеміне саяхат жасаймыз. Құм бізге әртүрлі қызықты ойындар ойнауға көмектеседі. Алдымен бір-бірімізге жақсы көңіл-күй сыйлайық.

Шаттық шеңбері:

Күн күлімдеп қарайды,
Бізге нұрын шашады.
Қуанышқа бөленіп,
Сабағымыз басталды.

ІІ. Негізгі бөлім

1. Құммен танысу

Тәрбиеші:
– Балалар, құмды қолымызбен ұстап көрейікші. Құм қандай?

Балалардың жауаптары:
– Жұмсақ, жылы, сусымалы.

Балалар құмды алақандарымен сипап, саусақтарымен жүргізеді.

2. «Із қалдыр» ойыны

Тәрбиеші:
– Құм бетіне алақанымыздың ізін түсірейік. Енді саусақтарымызбен жол салайық.

Балалар әртүрлі іздер мен сызықтар салады.

3. «Жасырынған достарды тап»

Тәрбиеші құмның ішіне ұсақ ойыншықтарды жасырады.

Тәрбиеші:
– Құмның ішінде кішкентай достарымыз жасырынған екен. Тауып көрейік!

Балалар ойыншықтарды іздеп тауып, атайды.

4. «Ертегі әлемін құрайық»

Тәрбиеші:
– Енді бәріміз бірге құмның үстіне өзіміздің ертегі әлемімізді жасайық.

Балалар құмнан төбешіктер жасап, ойыншық жануарларды орналастырады, жолдар мен көлдер бейнелейді.

Тәрбиеші сұрақтары:
– Бұл кім?
– Ол қайда тұрады?
– Қайда бара жатыр?

Балалар өз жұмыстарын әңгімелейді.

ІІІ. Қорытынды бөлім

Рефлексия:

Тәрбиеші:
– Балалар, бүгінгі саяхат сендерге ұнады ма?
– Құммен қандай ойын ойнадық?
– Қай тапсырма көбірек ұнады?

Балалардың жауаптары тыңдалады.

Мадақтау:
– Жарайсыңдар, балалар! Бүгін құммен өте жақсы жұмыс жасадыңдар. Сендер нағыз зерттеушілер болдыңдар!

Қоштасу:

Құммен ойнап қуанып,
Көңіліміз жайланды.
Кездескенше, балалар,
Сау болыңдар бәрің де!