Ата – анамен байланысты ұйымдастырудағы мұғалім

шеберлігі

Мақсаты: Ата – ана мен бала арасындағы байланыс орнатуға көмектесу.

Міндеттері: 1. Оқушының бойындағы жағымды қасиеттерді дамытып, жағымсыз қасиеттерден арылуға, ата – анамен қарым – қатынасын жақсартуға көмектесу.

2. Әдепті, байсалды бала ата – ананың қуанышы екенін көз жеткізу.

3. Ата – ана өзіңнің жауапкершілігін күшейтуге көмектесу.

Әр ата – ана өзінің баласын тәрбиелей отырып, өзінің қоғам алдындағы жауапкершілігін ешуақытта да ұмытпауы тиіс. Егер әр ата – ана өзінің баласын саналы, адамгершілігі мол рухани жағынан жетілген, еңбекке бейім, қолынан әр түрлі өнер келетіндей етіп тәрбиелесе, онда біз егеменді еліміздің болашағы жарқын деп айта алар едік. Кейбір ата – аналарымыз өз балаларын қиыншылықтан қорғап, барлық жағдайларын жасап, «не киемін, не ішемін» деп ойландырмай өсіргеннің арасында көптеген жағдайларда мансапқор, өзімшіл, қолынан ешнәрсе келмейтін, сонын салдарынан әр түрлі қылмысқа баратын балалар тәрбиеленеді. Сол ата – аналар баласының сондай жағдайға қалай жеткенін білмейді, өздерініңстәрбиелеу барысында жіберген қателіктерін кеш түсінеді. Балалардың бойындағы мектепке деген саналы, шығармашылық қатынасты тәрбиелеуде және сол қатынасты қоғамдық парыз ретінде түсіндірудің рөлі өте зор. Ата –аналар мен балалардың бірігіп атқарар ісі неғұрлым көп болса, соғұрым әке – шешесінің ұл мен қызыға ықпалы, үлгісінің күші де зор болмақ. Кейбір ата – аналар өз перзенттерін шектен тыс еркелетіп, баланың бетінен қақпай, көңіліне қарап тәрбиелейді немесе отбасындағы өнегелі тәрбие мөлшеріне немқұрайлықпен қарайды. Ал мұндай көріністер баланың бойындағыкері қасиет пайда болуына тікелей жағдай тууына себеп болады. Бұндай қолайсыз жағдайларға тап болуына баланың өз ата – анасы кінәлі емес деп қалай айта аласыз. Бірақ, осындай ата – аналар өз кемшілігін сезініп, өздері мойындай да бермейді.

Қай жерде болсын ең кезігетін, тіпті дәстүрге айналған іс – ата – аналардың жиналысқа шақырғанда ғана мектепке келуі . Осы дәстүрді жою мақсатында ата – аналардың мектепке деген қызығушылығын арттыруда әрбір болатын ата – аналар жиналысын түрлендіріп өткізуге қажет. Бірде өзара пікір алысу, бірде ата – аналар арасында сайыс, бірде дөңгелек стол түрінде өткізген жөн Өзіммен бірге жұмыс жасайтын

бастауыш сынып мұғалімдерінің ата – аналармен жүргізілген жұмыстарынана қысқаша мәліметтер келтірдім.

2 сынып мұғалімі бижанова Бибігүл Сәлімқызы ата – аналармен тест жұмыстарын өткізді.

1. Кез - келген уақытта өзіңіздің бар ісіңізді тастай салып, балаңызға бір сәт көңіл бөлесіз бе?

А) иә Ә) кейде Б) жоқ

2. Балаңыздың жасын ескермей, онымен ақылдаса аласыз ба?

А) иә Ә) кейде Б) жоқ

3. Арадағы қарым – қатынас барысында жасаған қателігіңізді мойындай аласыз ба?

А) Иә Ә) кейде? Б) жоқ

3 сынып мұғалімі Нүрпейісова Айгүл Баубекқызы әрбір ситуациялық жағдайларға байланысты ата – аналар пікірлерін ортаға салды.

1. Ашу үстінде балаңыз сізге қатты сөйлесе....

2. Жас жеткіншек кенеттен дөрекі боп шыға келсе...

3.Жылда үздік оқып, балаңыз биылғы жылы үштік алып жатса....

4. Сіз күндіз – түні балаңызға сын айтасыз...

4 сыныпта Қалима апай ата – аналармен «Менің балам қандай?» Семантикалық карта толтырды.

Мұндай картаны толтырудың пайдасы өте зор деп ойлаймын. Өйткені кейбір оқушылар мектепке өзін бір түрлі ұстаса, үйде өзін басқаша ұстайды. Осы карта толықтыру нәтижесінде оқтушы өзінің оқушылар туралы көп мәлімент алады да, оған байланысты оқушылармен жұмыс жүргізеді...

Семантикалық карта. «Менің балам қандай?»

Әр мереке күндеріне байланысты жүргізілетін іс – шаралардың да тәрбиелік мәнісі зор. Бұл іс – шаралар ата – аналар қатысумен өткіздім.

Биылғы оқу жылында ата – аналармен 8 – наурыз тойын сыныпта өткіздім.

Балалар өз өнерлерін көрсетті, ата – аналрына сйылық сыйлады, қол өнерлерін көрсетті. Ата – аналар риза болды.

Қорыта айтқанда, бала тәрбиесінде ата – ананың алатын орны ерекше. «Балапан ұяда не көрсе, ұшқанда соны іледі» деген мақлды халқымыз бакер айтпаған. Балаға жақсы тәрбие беру үшін мұғалімдер мен ата – аналар тығыз байланыста болу керек.

Күніміз ашық болсын,

Түніміз тыныш болсын.

Ауамыз таза болсын,

Суымыз мөлдір болсын!

Ұл – қызымыз аман болсын!