Сөйлем мүшелеріне байланысты

Пән: қазақ тілі

Тақырып: Сөйлем мүшелерінің байланысы

Сынып: 3

Құндылық: Ақиқат

Қасиеттер: Басқалардан жақсылықты іздеу

Сыртқы интеграция: Өзін –өзі тану сабағының әдістемелік тәсілдерін қолдану

Тыныштық сәті: «Су асты патшалығына саяхат»

Үй тапсырмасын тексеру: (Қайда?) мәңгі қар жатады. Еріп жауған қар төмен қарай (не істейжі?). Оған жолындағы (не?) қосылады. Бұдан (қандай?) қар көшкіні пайда болады. Қар көшкіні (кімдерге?) өте қауіпті.

Рухани адамгершілік білім берумен интеграция

1. Жаттығу: Сөйлем мүшелерінің байланысын сызбамен көрсет.

Нан астықтан алынады. Астықты диқан өсіреді. Ол жыл бойы тыным таппайды. Көктемде жер жыртады. Жерге дән себеді. Дәннен егін көктейді. Диқан жаз бойы егінді баптайды. Күзде піскен егінді комбайнмен орады. Бидай қырманға тасылады.

Осы сөйлемдерден адам өмірімен байланысы не? Диқаншы туралы қандай пікір беруге болады? «Еңбектің наны тәтті» дегенді қалай түсінесіңіз?

2. Жаттығу: Өлең жолдарындағы сөздерге сұрақ қойып, сөйлем мүшелеріне талда.

Қайысысына не керек?

Қыранға қия тау керек?

Бұлбұлға жасыл бау керек.

Балыққа мөлдір көл керек,

Батырға туған ел керек.

Батырға туған ел керек сөзін талдау жасау. Батыр деп елін, жерін қорғайтын адамды айтады. Батырсыз ел жетім деген бар, сонда туған елден, туған жерден артық еш нәрсе жоқ. Батырлар елімізді, жерімізді қорғауға міндетті, отан алдындағы парызы, борышы.

3. Жаттығу: Сөйлем мүшелерінің байланысын тап? Әдепті сөздерді жаттап ал.

Бүгінгі істі ертеңге қалдырма.

Жақын достарыңды құрметте.

Кемтар адамдарға көмектес

Рефлексия: Бүгінгі сабақтан алған әсерлеріңізді, стикерге өз ойларыңызды жазып тақтаға жабыстырыңыз.

Үйге тапсырма: Ада м өмірі мен сөйлем мүшелеріне байланыс құрап келіңіз