Бөлім:

4

Педагогтің тегі, аты, әкесінің аты (болған жағдайда)

Күні:

01.10.2024 ж

Сынып:

Қатысушылар саны: 15

Қатыспағандар саны:

Сабақтың тақырыбы

Сөйлем. Сөз

Оқу бағдарламасына сәйкес оқыту мақсаттары

• сөздер мен сөйлемдердің құрылымын сызба арқылы түсініп, тани білу (сөздегі буын санын, сөйлемдегі сөз санын анықтау);

• сөздің мағынасын, сөйлемде айтылған ойды түсіну;

• сурет бойынша сөйлем құрастыру, берілген сөздерден сөйлемдер құрастыру, сөйлемдегі сөздердің санын анықтау, сөйлемдердің графикалық модельдерін құру;

Сабақтың мақсаты

сөздер мен сөйлемдердің құрылымын сызба арқылы түсініп, тани білуді (сөздегі буын санын, сөйлемдегі сөз санын анықтау) меңгересің;сөздің мағынасын, сөйлемде айтылған ойды түсінесің;

сурет бойынша сөйлем құрастыруды, берілген сөздерден сөйлемдер құрастыруды, сөйлемдегі сөздердің санын анықтдыау, сөйлемдердің графикалық модельдерін құруды үйренесің;

Сабақтың кезеңі/ уақыт

Педагогтің әрекеті

Оқушының әрекеті

Бағалау

Ресурстар

Сабақтың басы

7 мин

Ұйымдастыру кезеңі

-Оқу құралдарын түгендеу

Қызығушылықты ояту (ынталандыру) әдісі

«Ойлан, тап, жаса» жаттығуы.

Арнайы педагог «қуану», «ренжу», «таңғалу», «жылау» кейпіндегі смайликтерді көрсетеді. «Қуанған кезде адамның бет-бейнесінде қандай өзгеріс болады? Кәне, айтып көрейікші». «Ренжіген кезде ше?». Сосын оқушылардан қуану, ренжу, таңғалу, жылау сезімдерін түрлі жағдаяттарда ым, қимылмен көрсетуді сұрайды:

• Мектепке баратыныңды алғаш естігенде қандай көңіл күйде болдың? Ым, қимылмен көрсетіп көр.

Қазіргі көңіл күйіңді қимылмен көрсет.

Оқушылар арнайы педагогпен амандасады.

Оқу құралдарын түгендейді.

Арнайы педагог қойған сұрақтарға жауап береді.

Ауызша мадақтама айту:

Жарайсың!

Тамаша!

Сенің қолыңнан келеді!

Керемет!

Жұмыс дәптері, қалам,

түрлі-түсті қарындаш

Сабақтың ортасы

35 мин

Жаңа сабақ тақырыбын таныстыру: «Сөйлем. Сөз»

Сабақ мақсатын хабарлау:

Бүгінгі сабақта сөздер мен сөйлемдердің құрылымын сызба арқылы түсініп, тани білуді (сөздегі буын санын, сөйлемдегі сөз санын анықтау) меңгересіңдер;сөздің мағынасын, сөйлемде айтылған ойды түсінесіңдер;

сурет бойынша сөйлем құрастыруды, берілген сөздерден сөйлемдер құрастыруды, сөйлемдегі сөздердің санын анықтауды, сөйлемдердің графикалық модельдерін құруды үйренетін боласыңдар.

Жаңаны ашу

Суретке назар аудар.Сұрақтарға жауап бер.

• Бүгін қандай күн?

• Бүгін – Білім күні.

• Балалар қайда отыр?

• Балалар сыныпта отыр.

• Олар кімдер?

• Олар – оқушылар.

«Бүгін – Білім күні. Балалар сыныпта отыр. Олар – оқушылар» деген сөйлемдер тобынан сөйлеу (мәтін) құралғанын айту. Қойылған сұрақтар мен жауап, әңгімелесу «сөйлеу» деп аталады.

Бұл сөйлем сызбасы. Сөйлем аяқталғанын білдіру үшін тыныс белгі қойылады.

Есіңе сақта!

С өйлем сөздерден тұрады. Сөздің сызбасы

Арнайы педагог: ендеше жаңа ақпаратты пайдаланып тапсырмаларды орындап көреміз.

Оқушылар сабақтың тақырыбы және мақсатымен танысады. Жаңа тақырып бойынша, қажетті мәліметтерді естеріңе сақтайды.

Оқулықтағы сюжетті сурет бойынша сызбаның көмегімен қойылған сұрақтарға жауап береді.Арнайы педагогтың қолдауымен сұрақ жауаптарынан әңгіме құрайды: «Бүгін – Білім күні. Балалар сыныпта отыр. Олар - оқушылар». Қойылған сұрақтар мен жауаптар, яғни әңгімелесу «сөйлеу» деп аталатыны туралы біледі.

Жарайсың!

Жаңаны қолдану әдісі

1-тапсырма. Суретке назар аудар.

1. Сурет және сызбаның көмегімен сөйлем құрауды үйрету үшін оқушыларға «Оқушылар не істеді?» сұрағын қойып, олардың назарын суретке аудару.

2. Оқушылардың жауабын тыңдау және дұрыс құралмаған, толық емес сөйлемдерді түзеп, оқушыларға қайталатып отыру.

3. Әр суретке берілген сызба-моделімен сөйлем құрату.

4. Сөйлемнің жеке сөздерден тұратындығын, сөйлемнің бірінші сөзі бас әріппен жазылып, соңғы сөйлемнен кейін тыныс белгісі қойылатынын сызбаның көмегімен тәжірибе жүзінде таныту.

Оқушылар суретке қарап, «Оқушылар не істеді?» сұрағына жауап береді.

Арнайы педагог түзеткен сөйлемді қайталап айтады.Сурет мазмұны бойынша берілген сызба-модельмен сөйлем құрайды:

1. Оқушылар ән айтты.

2. Оқушылар асханада тамақтанды.

3. Балалар кітапханаға барды.

4. Балалар мәшине құрастырды.

Арнайы педагогтың көмегімен оқушылар сөйлем туралы (сөз саны, тыныс белгісі) білімдерін толықтырады және сызбаға сәйкес әңгіме құрауға үйренеді.

Тамаша!

Сұрақ қою және талқылау тәсілі

2-тапсырма. Суретке назар аудар.

1. Сурет мазмұны бойынша оқушылармен әңгімелесу. «Ата несін түсіріп алды?», «Бала не істеді?», «Ата қандай сиқырлы сөз айтуы мүмкін?» сұрақтарын қойып, жауап алу.

2. Суреттегі заттардың атын сөздердің көмегімен айтқызу.

3. Сөздің сызба-моделімен таныстыру.

Оқушылар қойылған сұрақтарға жауап береді.

Суреттегі заттарды (нан, көзілдірік, сағат) атап, берілген заттардың атауы сөз екенін біледі.

Сөздің сызба-моделімен танысады.

Сенің қолыңнан келеді!

3-тапсырма. Сөйлем соңына қойылатын тыныс белгілерді түймелерді пайдаланып жаса.

Оқушылар сөйлем соңына қойылатын тыныс белгілерді түймелерді пайдаланып жасайды.

Керемет!

4-тапсырма. Сызықтарды жүргіз.

Оқушы партада дұрыс отырады, қаламды дұрыс ұстайды.

Жазу дәптері бетіндегі кеңістікті бағдарлайды. Әртүрлі (түзу, қисық, сынық) сызықтар сызады.

Үзік сызықтарды бастырып жүргізеді.

Тамаша!

5-тапсырма. Суретке назар аудар.

1. Дарынның жол бағытында кездескен шартты белгілерге оқушылардың назарын аудару.

2. Шартты белгілерге қарап, қандай нысан екенін тапқызу.

3. «Жол белгілері не үшін қажет?», «Шартты белгілерді оқуға бола ма?» сұрақтарына жауап алу.

4. Оқушыларға мектепке баратын жол бағытын суреттер мен белгілер арқылы жасату.

Бүгінгі сабақта сөздер мен сөйлемдердің құрылымын сызба арқылы түсініп, тани білуді, сөздерден сөйлем құрауды үйрендіңдер.

Оқушылар көп нүктенің орнына қажетті әріпті қойып, көшіріп жазады.

Жарайсың!

Сабақтың соңы

3 мин

Рефлексия

Оқушылар бүгінгі сабақта өздеріне оңай және қиын болған тұстарды айтады. Не үйренгісі келетінін ұсыныс ретінде білдіреді.

Жарайсың!

Смайлдер.

Үй тапсырмасы

Белгілерді ата. Олар не үшін қажет екенін айт.

Оқушылар үй тапсырмасын орындайды.