"Сөз өнері" 2-сынып

Төле би атындағы №8 гимназия

Бастауыш сынып мұғалім, педагог-зерттеуші Бейсебаева Аселя Сагатовна, Ақсақал Әзиза Бағдаулетқызының баспа материалы

Сөз өнері негізі бастауыш сыныпта қалыптасады.

Сөз өнері адамның бір – бірімен пікір алмасып, қарым – қатынас жасайтын құралы. Сөздің қоғамдағы тәрбиелік қызметі ерекше. Сөз – ұлттық мәденеиет көрсеткіштерінің бірі.

Таза, мәнерлі сөз – ойлау жемісі. Баланы ана тілінде дұрыс сөйлеуге үйрету арқылы олардың бойында тілдік мәдениетті қалыптастырады.

Ең басты міндет – дыбысты дауыс ырғағына келтіріп, дұрыс айтуға үйрету. Көбінесе балалар ана тілінде мына дыбыстарды дұрыс айта алмайды: р, ң,с, з, щ, ч, к, ү, ш. Бұл дыбыстарды сөз ішінде балалар дұрыс айтуға қиналып дыбыс екпінін қоя алмайды, айтылуы ұқсас дыбыстарды шатастырады. Сондықтан сөз өнерін дамытуда жаңылтпаш, санамақ және әр түрлі дидактикалық сөздік ойындарды пайдалану қажет.

Білім алушының таным белсенділігін арттырудың бір жолы – жұмыстары арқылы іске асыра аламыз. Сөз өнері жұмыстарындағы негізгі қойылатын бағыт – бағдар – оқушы ойын жүйелі айтуға үйрету, шағын мәтіндер, өлеңдер арқылы оқушы қызығушылығын ояту, жүйелі мазмұндатуға қалыптастыру.

Сөз өнері арқылы білім алушының ақыл – ойы кеңейеді, адамгершілік, эстетикалық тәрбиесі қалыптасады. Сонымен қатар – білім алушыға шығарма, әңгіме құрастырумен қатар жаңылтпаштар, өтірік өлеңдер құрастырып үйрету, мақал – мәтелдер, жаңылтпаш, қысқа мәтіндер, әңгімелерді оқып мазмұнын айтуға үйрету.

Сөз өнері жұмыстарында дамыта оқыту жүйесі іске асып, әр оқушы өз бетінше жұмыс істеуге қалыптасады. Бала жұмысына сын көзбен қарап бағалауға, ойын еркін, дұрыс, ашық айта білуге үйренеді.

Сөз өнері бағдарламасында мәнеріне келтіріп әңгімелеу, суретке қарап әңгіме құрастыру, өлеңді дауыс ырғағына келтіріп жаттап алу, байланыстырып сөйлеу, жұмбақ, жаңылтпаш, мақал – мәтелдер берілген.

2-сыныпқа арналған «Сөз өнері» бағдарламасы қазіргі білім беру теориялары мен әдістемелеріне негізделген. Бағдарламада лингвистикалық , педагогикалық және пс ихологиялық аспектілері ескерілген.