«Спорт. Белгілі спорт жұлдыздары» бөлімі бойынша жиынтық бағалау тапсырмалары

Аты-жөні: __________________________________________________ күні: 26.02. 6 «Г» сыныбы

«Спорт. Белгілі спорт жұлдыздары» бөлімі бойынша жиынтық бағалау тапсырмалары

Қазақ боксының атасы

Қазақстан боксының негізін қалаушы Шоқыр Бөлтекұлының есімі Ұлы Отан соғысынан бұрын естілген еді. Ол 1916 жылдың 29 қазанында Маңғыстау облысының Жармыш ауылында дүниеге келген. 1937 жылдың мамырында Қазақ КСР-інде тұңғыш рет бокстан Алматы қаласының біріншілігі өтеді. Оған 50 боксшыны қатыстырады. Алматы кино техникумын жаңа ғана бітірген 20 жасар Шоқыр барлық қарсыласын нокаутқа жібереді.

Ш.Бөлтекұлы 800-ге тарта боксшыны дайындаған. Олардың 100-ден астамы – одақтық және республикалық біріншіліктердің жүлдегері.

С.Қонақбаев, А.Топаев, Ә.Нұрмаханов, Б.Саттарханов, Е.Ыбырайымов, Б.Артаев, Б.Сәрсекбаев, С.Сәпиев – Шоқыр ағамыздың ізін басқан қазақ боксшылары.

Қазақ КСР-інің еңбегі сіңген жаттықтырушысы Шоқыр Бөлтекұлы Киев көркемсурет академиясында оқыған, Қазақ мемлекеттік дене тәрбиесі институтын бітірген. «Қазақфильм» киностудиясында суретші болып істеген.

1-тапсырма. Мәтіннен негізгі және қосымша, детальді ақпаратты анықтаңыз. (6 ұпай)

2-тапсырма. Мәтіннен салт және сабақты етістіктерді теріп жаз. (2 ұпай)

3-тапсырма. Етістерді түрлеріне қарай топтастырып, кестені толтыр. ( 4 ұпай)

Сұранды, оқытқыз, тазаласты, оқылды, сүртін, жуындыр, көрісті, ашқыз, күтін, төгілді, сақтан, бөлінді, айтқыздырды, еккізді, көрінді, алынды, танысты, күткіздір, сырласты, бергізді, шешін, айтысты.