Спорт-денсаулық кепілі

Әл-Фараби атындағы №21 мамандандырылған гимназияның

11 «Б» сынып оқушысы Нұрланұлы Нұрбақыт

«Спорт – денсаулық кепілі»

«Спорт – денсаулық кепілі», «Тәні саудың, жаны сау» деп атам қазақ бостан бос айтып кетпеген. Себебі спорт адамның денсаулығын ғана жақсартып қоймай, сонымен қатар адамның денесін шынықтырады, қан айналым жүйесін жақсартады, миды жақсартады, иммунитті көтереді. Соның арқасында біз ауырмайтын боламыз. Сондықтан денсаулығымыз жақсы болуы үшін спортпен шұғылдануымыз керек. Егер спортпен шұғылдана алмасақ, күнде таңертең жаттығу жасап тұрсақ оның өзі ағзаға үлкен пайдасын тигізеді. Таңертеңгі жаттығудың арқасында күні бойы сергек жүреміз. Сол себепті жаттығудың өзін де жасап тұру керек.

XXI ғасырда дамыған спорт түрлері өте көп. Әр спорттың ағзаға тиер пайдасы көп. Сондықтан адам кішкентай кезінде көптеген спорт түрлеріне барады. Бірақ әр спорттың өзіндік ережелері болады. Спорт жарыс түрінде өтетін әрекет. Жастайынан спортпен шыныққан ағаларымыз биік шыңдарды бағындырып, қазір еліміздің туын басқа елде желбіретіп, қазақ халқының қайсарлығын, жігерлігін, мықтылығын басқа елдерге көрсетіп келе жатыр.

Қорытындылай келгенде, спорт – адамның денсаулығы үшін өте қажет. Себебі «Бірінші байлық – денсаулық». Адам бақытты, әрі ұзақ жылдар өмір сүруі үшін спортпен шұғылдануы маңызды.