Спорттық ойын«Денсаулық фестивалі»

«Жамбыл облысы әкімдігінің білім басқармасы

Тараз қаласының білім бөлімінің

«№6 бөбекжай – бақшасы» МКҚК

«Денсаулық фестивалі»

2022 жыл

«Денсаулық фестивалі»

Өткізілген күні:28.01.2023

Қатысушылар:Педагогтар

Мақсаты: Рухани Жаңғыру бағдарламасын жүзеге асыру шеңберінде, сондай-ақ салауатты өмір салты бағдарламасын жүзеге асыра отырып, денсаулықты нығайту және әлеуметтік функцияларды толыққанды орындау.

Ұжымды бірлікке, жұмыла білуге, ұйымшылдыққа баулып, қимылды — қозғалыс арқылы денелерін шынықтырып, салауатты өмір салтын насихаттауға және спортпен шұғылданып тұруға шақыру.

Міндеті: Қызметкерлердің салауатты өмір салтына өз үлестерін қосуғаүндеу, қызығушылықтарын арттыру, ауызбіршілікке, біріккен іс әрекетке баулу.

Жүргізуші:Сәлеметсіздер ме, құрметті әріптестер! Шынықсаң шымыр боларсың демекші, сіздерді салауатты өмір сүру салтын ұстану мақсатында Денсаулық фестиваліне шақырамын.

Денсаулық фестивалына қош келдіңіздер!

Шынықсаң шымыр боласың

Сауығып айдай толасың,

Спортты серік ете біл,

Жақсы азамат боласың!

Жеңімпаз болу оңайма?

Арман болған талайға

Болмасаң да ұқсап бақ,

Жарысқа түсіп қалайда.

Әр таңды бақытпенен атырамыз

Өнерді ой көгінде бақылаңыз,

Сайысқа қатысуға енді ортаға

Қатысушы топтарды шақырамыз.

1. Тұлпар тобы

2. Бүркіт тобы

Жүргізуші:Сайысты бастамас бұрын, сайысымызға әділ баға беретін әділқазылар алқасымен таныс болайық.

1. Балабақша меңгерушісі: Құлтаева Әлия Миятбекқызы

2. Балабақша әдіскері: Байташева Дина Оразалықызы

3. Балабақша медбикесі: Нурлыбекова Гуля Аңсабековна

Дене шынықтыру нұсқаушысы Идрисова Салтанат Зиядуллоевна дене қыздыру жаттығуын жасатады

Жүргізуші:Ендеше сайыстың кезеңдерімен таныстыруға рұқсат етіңіздер.

Сайыс 5 кезеңнен тұрады.

1 «Таныстыру»

2. «Теннисшілер»

3. «Кім жүйрік»

4. «Көңілді шаңғышылар»

5. . «Кенгуру»

1. «Таныстыру»

Шарты: Қатысушылар өз тобын толық таныстыруы қажет.

2. «Теннисшілер»

Шарты: Теннис добын түсірмей, теннис қалағымен апарып мәреге дейін жетіп, қайта келу.

3. «Кім жүйрік»

Шарты: Шығыршықтан шығыршыққа қос аяқтап секіріп мәреге дейін жетіп, қайта келу.

4. «Көңілді шаңғышылар»

Шарты: Екі адамға арналған шаңғыны киіп, адымдап жүріп, мәреде орын ауыстырып, қайта келу.

5. «Кенгуру»

Шарты: Аяқ арасына доп қысып алады да, мәреге дейін допты түсірмей секіріп алып, қайта келу.

Жүргізуші:Жарыс заңы ежелден

Жеңімпазды анықтау

Жеңімпаз болу шарты сол

Еңбектену, жалықпау.

Біреу озса сайыста,

Біреу артта қалады.

Бұл сайыстан ренжімей

Тараса бізге жарады -демекші сайысымыздың шарттары бойынша қорытынды шығарып жеңімпазды анықтап, марапаттау сөз әділқазыларға беріледі.

Әділқазылар сөзі: Екі топ қатысушылары белсенді, жылдам, ширақ, жүйрік, мықты екен! Әділқазылар шешімі бойынша достық жеңді!

Қатысушыларды марапаттау рәсімі

Жүргізуші:Уа, халқым назар аудар денсаулыққа!

Өмірде бақыттысың денің сауда.

Денсаулық терең бақыт деген сөзді,

Құр айтпаған ұлы Абай данамызда –дей келе бүгінгі сайысымызды аяқтаймыз.

Құрметті педагогтар! Денсаулық фестиваліне қатысқандарыңызғаүлкен рахмет, әрқашан денсаулықтарыңызды шынықтырып, ауырмай жүріңіздер».