"Спорттық Толағай сайысы."

Спорттық Толағай сайысы.

Мақсаты: Балалардың дене мүшелерінің сұлулығын қалыптастыру, қимыл-қозғалыс қабілеттерін дамыту, оларды жылдамдыққа шапшаңдыққа, ептілікке, төзімділікке үйрету. Қимылды ойындарға деген қызығушылығын арттыру.

Керекті құралдар: кегли, қап, арқан, қармақ, шар.

1.Жүргізуші : Құрметті балалар, ата-аналар, ұстаздар.

Бүгінгі «Біз бақытты баламыз» атты апталығымызда ұйымдастырылған спорттық «Толағай» сайысымызға қош келіпсіздер.

2.Жүргізуші :

Жалқаулықты тастаймыз

Шынығамыз жастай біз

Босқа тұрмай қанекей

Жаттығуды бастаймыз!

Барлықтарыңызға сәттілік тілеп, сайысқа қатысушы топтарды ортаға шақырамыз.

Жүргізуші :

«Қыран» тобының спорттық сайыскерлерін ортаға шақырамыз.

«Сұңқар» тобының спорттық сайыскерлерін ортаға шақырамыз.

Жүргізуші :

«Толағай» спорттық сайысымызыздың әділ-қазылар алқасымен таныс болайық.

Мектеп директорының тәрбие ісі-жөніндегі орынбасары:

Бейсенбаева Жанар

Шағын орталығымыздың әдіскері: Дусебаева Сауле

Мектебіміздің әлеуметтік-педагогы: Сағындық Арман

Жүргізуші :

Толағай спорттық сайысымыздың шарттарымен таныс болыңыздар.

Бүгінгі сайысымыз 5 кезеңнен тұрады.

1. Кім мерген сайысы.

2. Кім епті сайысы.

3. Балық аулау сайысы.

4. Шар үрлеу сайысы.

5. Арқан тартыс сайысы.

Жүргізуші :

«Толағай» топтарының ұрандарымен сайысымызды бастаймыз.

«Қыран» тобының ұрандары:

Желден озған жүйрікпіз.

«Қыран» тобы біз боламыз.

«Сұңқар» тобының ұрандары:

Қажымайтын қайратты

«Сұңқар» тобы біз боламыз.

Жүргізуші :

Қатар өскен құрдасқа

Жарыс ұнап тұрмаспа

Қуып жету жақсы ғой

Озып шығу бір басқа 1-сайыс «Кім мерген» деп аталады.

Шарты: Допты домалату арқылы кеглиди құлату.

Қай топ көп құлатса жеңіс сол топта.

Жүргізуші :

Денсаулық ол шыныққан

Барлық дене мүшесі

Денсаулық ол тыныққан

Жүйке тамыр жүйесі

2-сайыс «Кім епті» деп аталады.

Шарты : екі топ қаппен секіріп белгіленген жерден айналып келу.

Жүргізуші :

Босқа қарап тұрмайық

Бағымызды сынайық

Намысты қолдан бермейік

Жарыста озып шығайық

3-сайыс «Балық аулау» деп аталады.

Шарты: белгіленген жерден тұрып қармақпен балық аулау.

Жүргізуші :

Ат өнері білінбес

Бәйгеге түсіп жарыспай

Ер өнері білінбес

Қоян қолтық алыспай

4-сайыс «Шар үрлеу» деп аталады.

Шарты: екі топтың барлығына шар беріліп жылдам қай топ шарды тез үрлеу.

Жүргізуші :

Қалма жұрттың соңында

Қажет болса атқа мін

Аздық етер оның да

Жету үшін мұратқа

5-сайыс «Арқан тартыс» деп аталады.

Шарты: екі топ арқан тартысады.

Өнерге биік сенеміз

Думанға қызық келіңіз

Әділқазы ел сенген

Өнерге баға беріңіз.

Деп - «Қыран» тобы мен «Сұңқар» тобының бағаларын беріңіздер.

Жарқын шаттық заман болсын

Отбасымыз аман болсын

Сыйластық бірлік болып

Әрқашан орта толсын

Ардақты әріптестер, қонақтар! Біздің сайысымыз өз мәресіне жетті. Келіп тамашалағандарыңызға үлкен рахмет.