Стрестің алдын алу

Алматы облысы,Кеген ауданы,Қарабұлақ орта мектебі

Мектеп психологы Омарова Люба Қайыпбайқызы

Оқу іс-әрекет түрі: семинар-тренинг
Мақсаты:
— Стресс туралы түсінік беру.
— Стресстің адам денсаулығына кері әсерін түсіндіру.
— Тренинг — жаттығулар арқылы стресстен шығу жолдарын көрсету.
Міндеттері:
— Позитивті ойды дамыту.
— Стресстен арылуға психологиялық кеңес беру.
Қатысушылар: педагогтар,оқушылар
Билингвистикалық компоненттер: стресс-күйзеліс, эмоция-көңіл-күй.

«Балмұздақ» жаттығуы Мақсаты:бұлшықетке күш түсіру мен босаңсыту жағдайын меңгеру. Тұрыңыз,қолыңызды жоғары көтеріңіз,көзіңізді жұмыңыз.Ойша елестетіңіз:сіз балмұздақсыз.Денеңіздің барлық бұлшықетін жиырыңыз:алақан,иық,мойын,ішіңізді,аяғыңызды осы түйсінуіңізді есте сақтаңыз.Осы қалыпта қатып қалыңыз.Өзіңізді қатырыңыз.Содан соң күннің шуағымен жайлап ери бастайсыз.Әуелі қолыңыздың саусақтары босаңсый бастайды,содан соң иық бұлшық еттері мойын,құрсақ аяқ ,т.б.Түйсігіңізді есте сақтап қалыңыз.Жаттығуды оптимальды психоэмоционалды жағдайға жеткенше жасаңыз.Жаттығуды тағы да орындаңыз.

“Шыбын” жаттығуы Мақсаты: бет бұлшықетіне түскен күштерді азайту. Жайланып отырыңыз,қолыңызды тізеңіздің үстіне қойып,көзіңізді жұмыңыз,иығыңызбен басыңыз түсіңкі болсын.Сіздің бетіңізге шыбын қонуға тырысатынын ойша елестетіңіз.Ол мұрныңызға,аузыңызға,маңдайызға,көзіңізге қонады.Сіздің міндетіңіз-көзіңізді ашпастан,бет бұлшықетінің көмегімен жабысқақ шыбынды қуу.

“Қоқыс жәшігі” жаттығуы

Қоқыс жәшігі елестетіп көріңізші.Сіз үшін қоқыс нені білдіреді.Сіздің өміріңізден мүлдем керек емес нәрсені тастауға мүмкіндігіңіз бар.Бұл адам,зат,орын немесе сезім болуы мүмкін.Қолыңыздан қоқыс жәшігіне бір нәрсе түсіп жатқанын елестетіп көріңіз.