Сұлу сөздің өрнегі

Сайыс атауы: «Сұлу сөздің өрнегі»
Арналғаны: Тіл мерекесіне
Өткізу түрі: Шығармалардан үзінді оқу сайысы

I. Кіріспе бөлімі

1. Жүргізуші:
Армысыздар, құрметті ұстаздар, қадірлі қонақтар, өнер сүйер оқушылар!
Тіл мрекесіне орай біз «Сұлу сөздің өрнегі» атты шығармалардан үзінді оқу сайысын өткізгелі отырмыз.

Тіл – ата-бабамыздың асыл мұрасы, ұрпаққа аманат еткен қазынасы.
Байқауымызға қатысушыларға сәттілік тілейміз!

2. Жүргізуші

Қымбат маған ана тілім, бал тілім,
Қымбат маған дана тілім, ар тілім.
Ақ сүтімен бірге сіңген бойыма,
Ана тілім ардақ тұтар алтыным.

II. Сайыс кезеңдері

1-кезең: «Сөз маржаны»
Бұл кезеңде қатысушылар қазақтың ұлы тұлғаларының шығармаларынан үш тілде үзінді оқиды.
Сөздің құдіретін сезіндіретін әсем әуезді дауыс, анық мәнерлі оқу сынға түседі.
Ендеше, алғашқы сайыскерімізді қарсы алайық!

2-кезең: «Сөз сыры»

1. Жүргізуші:
Әрбір сөздің астарында ой, әрбір өлеңнің түбінде сыр жатады.
Бұл кезеңде қатысушылар оқыған үзінділерінің мән-мағынасын қысқаша түсіндіріп береді.
Көркем сөзді түсініп жеткізу – нағыз оқырманға тән қасиет.
Қатысушыларымызға сөз береміз!

2. жүргізуші:

Ана тілің – арың бұл

Ана тілің біліп қой,
Еркіндігің, теңдігің.
Ана тілің біліп қой,
Мақтанышың, елдігің.

Ана тілің – арың бұл,
Ұятың боп тұр бетте.
Өзге тілдің бәрін біл,
Өз тіліңді құрметте!

3-кезең: «Өнерліге өріс кең»

Келесі кезеңде сайыскерлер үш тілде тіл туралы өз ойларын білдіріп, шағын өлең немесе қанатты сөз айтады.
Ана тілін ардақтау – әрбір азаматтың парызы.
Олай болса, сөз кезегі қатысушыларға беріледі

III. Қорытынды

1. Жүргізуші:
Қадірлі қауым!
Бүгін біз тілдің қадір-қасиетін ұлықтап, сөз өнерінің сұлулығына сусындадық.
Ұлы Мұхтар Әуезов: «Халықтың қасиеті – тілінде. Тілі жоғалған халықтың өзі де жоғалады» деген.

2 Жүргізуші

Ана тілін жырлап өткен талайлар,
Жырлап өткен Ыбырай мен Абайлар.
Қасиетті менің ана тілімде,
Өшпес мәңгі алаулаған арай бар.

Өлең-жырмен арайланса, тау күліп,
Ардақтымды жырлап өтем ән қылып.
Мағжан, Қасым, Мұқағали жырларын,
Жалғастырып жаза берем мәңгілік.

Олай болса, тілімізді қадірлейік, ардақтайық!

Баршаңызға рақмет! Тіліміз жасасын! ?