"Сұрақ қою арқылы сын тұрғысынан ойлауды дамыту" жас мамандарға арналған коучинг

Коучингтің тақырыбы

Сұрақ қою арқылы сыни тұрғыдан ойлауын дамыту

Күні:

24.01.2020

Жалпы мақсаты

Сыни тұрғыдан ойлаудың әдіс-тәсілдерін және сұрақ қоюдың тәсілдерін түсінеді, біледі, практикада қолданады.

Топтық жұмыс негізінде өзінің ішкі жан дүниесін ашып, сол арқылы шығармашылық ізденісі, өзіндік көзқарасы артады, өзіне-өзі есеп беруі мен бағалауы қалыптасады.

Күтілетін нәтиже

• Диалогтік қарым-қатынасқа үйренеді;

• Сұрақ қою арқылы сыни ойлауға бағыттауды үйренеді;

• «Мен – ол», «Мен-мен» түсінігі қалыптасады;

• Меңгерген әдіс-тәсілдерді сабақ барысында қолданады.

Қолданылатын материалдар

Стикер, әңгімелер жинағы, АКТ, инт. тақта, Кесте

Модульдер

Топтық жұмыс, «10 сұрақ», «Интервью парағы», «Сендвич», «үш шапалақ»

Дереккөздер

Видео,слайд, стикерлер

Негізгі идея

Сұрақ қою-сыни ойлауға үйретудің басты тетігі екенін түсінеді.

Сессия кезеңдері

Коучтің іс-әрекеті

Мұғалімнің іс-әрекеті

І. Кіріспе кезең

7 минут

«Сабақ беру үйреншікті жай ғана шеберлік емес, ол үнемі жаңадан жаңаны табатын өнер» деген Жүсіпбек Аймауытовтың сөзімен сабақ бастаймын.

Ынтымақтастық орнату: Жанындағы әріптесінің есімінен басталатын бір теңеу айту.

Топқа бөлу: А.Құнанбаевтың 175 жылдығына орай Абайдың өлеңдері арқылы 4 топқа бөлу.

І-Табиғат

ІІ-Қара сөздері

ІІІ-Поэмалары

ІҮ-Аудармалары

Коучинг тақырыбымен таныстырамын.

Әдіс-тәсілдер қолданбас бұрын сіздерге сұрақ: Жалпы балаға сұрақты не үшін қоясыздар?

Бір біріне жылы сөздер айтады.

Абайдың шығармаларын анықтау арқылы топқа бөлінеді.

• Жауап білу үшін

• Мақсатқа жету үшін

• Ойландыру үшін

• Толықтай жауап алу үшін

• Тақырыпты ашу үшін

• Тапсырманы орындағандығын білу үшін

ІІ. Негізгі бөлім

30 минут

«Өз білгеніңмен бөліс» Жеке жұмыс. Сұрақ түрлерінің анықтамасы жазылған карточка таратылады. Мұғалімдер жеке оқып топ ішінде бір-біріне түсіндіреді.

Топтық жұмыс. Мұғалімдерге Ыбырай Алтынсариннің «Талаптың пайдасы» әңгімесі беріледі. Әңгімені оқып, Кесте бойынша сұрақ құрастырады.

ҚБ. «Сендвич» әдісі арқылы топаралық бағалау

«10 сұрақ» әдісі.

Мұғалім жанында отырған әріптесін бір бейнеге ұқсатып, стикерге жазып, маңдайына жазады. Әрқайысы бір-біріне 10 жабық сұрақ қою арқылы маңдайындағы жазуды табады.

ҚБ. «Үш шапалақ»

Өздеріне берілген мәліметті оқып, топ мүшелеріне түсіндіреді.

Әңгімені топпен оқып, кестені толтырады. Топ бір-бірінің жұмысын бағалайды.

Стикерге жазылған жасырын сөзді табады.

ІІІ Қорытынды

Коучингті бекіту үшін www.quizlet.live сайты арқылы топ ішінде тест сұрақтарына жауап береді.

Рефлексия. «Интервью парағы»

Топпен бірлесе отырып тест сұрақтаына жауап береді.

Сұрақтар

Жауаптар

Сабақтың ең ұтымды жерлері қандай болды?

Бүгінгі үйренгеніңіз Сіз үшін болашақта қажет болады деп ойлайсыз ба? Неліктен?

Осы тақырып бойынша қандай ақпарат көздерін қарастырасыз?

Сабақта қандай әрекеттер атқардыңыз?

Өз жұмысыңызга қанағаттанасыз ба?