Білім беру саласы: Әлеумет

Ұйымдастырылған оқу-қызметі: Қоршаған орта

Тақырыбы: Су – тіршілік көзі.

Міндеті:

Білімділік: Балаларға су туралы түсінік беру және судың қажеттілігін, оның адамның, құстың, жануарлар мен өсімдіктердің тіршілігіндегі маңызы туралы түсіндіру.

Дамытушылық: Судың табиғатта баға жетпес сый екенін айту, түсініктерін қалыптастырып дамыту. Суды үнемдеп пайдалануға және судың барлық ерекшеліктері туралы сипаттау.

Тәрбиелік: Қазіргі кезде адамзат ауасын жұтып, суын ішіп отырған табиғат-ананы қорғап,аялауға үйрету. Суды ластамауға тәрбиелеу.

Әдіс – тәсілдері: көрсету, түсіндіру, тәжірибе жасау, сұрақ – жауап, мадақтау.

- Балалар барлығымыз шаттық шеңберге тұрып, қонақтармен амандасайықшы.

Шаттық шеңбері:

Сәлем, сәлем

Шапалақ соғайық

Сәлем, сәлем

Аяқпен таптайық

Күнге керіліп, аяқты ұстайық

Айналып тұрып, сәлем жолдайық

Ал енді балалар барлығымыз жайғасып отырайық. Бүгінгі ашық оқу қызметінің тақырыбын айтпас бұрын, мен сендерге жұмбақ жасырғым келіп тұр, ал сендер мұқият тыңдаңдар:

Дәмі де жоқ, түсі жоқ

Пайдаланбас кісі жоқ. Ол не?

Жауабы: Су.

Дұрыс балалар, әрине су. Ал ендеше бүгінгі ашық оқу қызметінің тақырыбы – «Су – тіршілік көзі» екен. Ойыма ақын су туралы мынадай өлең жолдары есіме түседі.

Су жүргізер тіршіліктің тамырын,

Су жоқ болса, тіршілік тамам бауырым.

Судың біз біле тұра маңызын,

Көп болған соң ұмытамыз қадірін, - дейді.

Балалар осы өлең жолдарында айтқандай су болмаса тіршілік болмайды.

Суды біз қалай, қайда пайдаланамыз?

Дұрыс суды біз ішеміз, жуунамыз, тамаққа қосамыз, үй тазалаймыз.

Осы кезде әуенмен Су ханшайымы келеді.

-Сәлем, балақайлар. Бұл мен Су ханшайыммын. Мен сендердің су туралы айтқандарыңды естіп,қуанып қалдым. Мен әлемдегі судың барлығын жараттым. Теңіздерді,көлдерді,өзендерді. Тіпті аспаннан жаңбыр болып жауатын да су екен. Қаласаңдар жаңбырды да мен жауғызамын, Балалар, менімен « Жау жаңбыр» ойынын ойнайсыздар ма? Шарты былай. Әлемі әуенмен қимыл жасап жүресіздер, жаңбырдың даусы шыққанда менің қолшатырымның астыеа жиналасыздар. Әйтпесе киімдерің су болып,ауырып қаларсыздар.

Жарайсыздар, балалар. Енді сендермен суға байланысты бірнеше тапсырма орындап, білімдеріңізді тексеріп көрейін.

Тәрбиеші:- Балалар, жаңа жаңбыр жауды. Жерге лай сулар пайда болды. Осы лай суларды баспай мына жолмен өтіп,тапсырма орындайтын орынға барайық.

Балалар жолдан өтіп, тапсырма орындауға көшеді.

Тәрбиеші: Балалар суды тек ішуге, жуунуға емес басқада жағдайларда қолдануға болады. Мысалы өрт сөндіруші үйлерде, алаңдарда өрт шыққан кезде суды пайдаланады. Олай болса бірінші тапсырма өрт сөндірушіге көмектесіп, отты сумен сөндіреміз.

Суды жанды тіршілік көзінің баршасы пайдаланады,оны ішеді. Солардың бірі өсімдіктер. Екінші тапсырма гүлді құрастырып,оны суару.

Сусыз тіршілік ете алмайтын тіршілік иесі ол балық. Мына жерде балық құрғақ жерге шығып қалыпты. Балықтарды суда көрсетілген сан бойынша санап салу. Балықтарға көмектесу.

Келесі тапсырма: « Сабын көпіршектері» Сабынға сұйық сабын қосу арқылы үрлеп,көпіршік жасау .

Су ханшайымы:

Жарайсыңдар балалар,сендер барлық тапсырманы тамаша орындалыңдар. Ал мен ары қарай басқа да балаларға барып, білімдерін тексерейін. Сау болыңыздар.

Өте жақсы балалар, ал енді барлығымыз орнымызға отырайық, міне бүгін біз сендермен су туралы көп мәлімет алдық. Ал енді осы сұрақтарға жауап беріңдерші:

Тәрбиеші: Қане бәріміз орнымызға жайғасайық.

Айтыңдаршы, бізгекім келді?

Біз не туралы әңгімелестік?

Қандай тапсырмалар орындадық?

Іс-әрекет кезінде қандай тапсырма орындаған ұнады?

Жарайсыңдар балалар бүгінгі ашық оқу қызметіне белсене қатысқандарыңыз үшін сендерге алғысымды білдіремін. Ал енді келген қонақтармен қоштасайық!

land.mediaget.com