Бекітемін

«Жұлдыз балабақшасының

меңгерушісі

Кунесова Р.К__________

Жазғы сауықтыру іс – шарасы

«Балдәурен» мектепалды даярлық тобы

«Су әлемінде»

Тәрбиеші: Бейсебаева Г.С

Шымкент қаласы

2024-2025 оқу жылы

Мақсаты: Балаларды су асты әлемінің алуан түрлілігімен таныстыру, экологиялық тәрбие беру, жазғы көңіл-күй сыйлау.

Қатысушылар: Тәрбиеші, Балық, Сегізаяқ, Тасбақа, Акула, Су перісі, Балалар.

Сахнаның безендірілуі:

Көк мата – теңіз бейнесі

Теңіз жәндіктерінің суреттері (балықтар, медуза, шаян, т.б.)

Жасыл таспа – су өсімдіктері

Қағаздан жасалған көпіршіктер, ракушкалар

Ертеңгілік барысы:

Теңіз шуылдаған, жұмсақ музыка ойнап тұрады. Балалар шеңбер болып тұрады.

Тәрбиеші:
- Балалар, бүгін біз ерекше әлемге – Су асты патшалығына саяхатқа аттанамыз. Бұл жерде түрлі тіршілік иелері өмір сүреді. Ал олармен достасуға дайынсыңдар ма?

Балалар:
- Иә! Дайынбыз!

Ойын – қимыл жаттығуы: «Балықтар жүзіп жүр»

Музыка қосылады, балалар балықтар сияқты жүзеді:

Қолдарын жайып, оңға – солға жүзіп жүреді

«Толқын» болып айналып өтеді

Бір-бірімен «көпіршіктер» ойынын ойнайды (алақандарымен соғыстырады)

Тақпақтар:

Арсен: Суға түстім шомылып,
Күнге қыздым мол ұнып.
Салқындаймын әрдайым,
Су асты әлем тамаша!

Ерболат: Медуза, балық, сегізаяқ,

Теңіз толы тіршілік.
Табиғатты аялайық,

Суға түсер бір қызық!

Кенет... сахнаға балық шығады.

Балық:
- Сәлем достар! Мен - Көңілді балықпын. Біздің патшалыққа қош келдіңдер! Бірақ мұнда кіру оңай емес. Алдымен бір тапсырманы орындау керек.

Сұрақ – жауап ойыны:

Балық:
– Мен сендерге сұрақ қоямын, сендер жауап беріңдер!

Теңізде қандай тіршілік иелері өмір сүреді?

Су астында не өседі?

Адамдар теңізге қалай барады?

Балалар жауап береді.

Сегізаяқ келеді:

-Сәлем, балалар! Менің аяқтарым көп, бірақ мен ештеңе істей алмай тұрмын! Көмектесесіңдерме?

Қимылды ойын: «Сегізаяқтың аяқтарын тап»

(Жерге түрлі түсті ленталар қойылады – балалар сол ленталарды жинап береді)

Су перісі пайда болады:
- Менің інім – Кішкентай Балық жоғалып кетті! Сендер оны тапсаңдар, мен сендерге сыйлық беремін.

Ойын: «Балықты тап!»

(Алдын ала залдың әр жеріне жасанды балықтар жасырылады. Балалар оларды іздеп тауып әкеледі.)

Тасбақа келеді:

- Мен баяу жүремін, бірақ көп білемін. Ал сендермен бір сайыс жасап көрсем деймін.

Эстафета ойыны: «Тасбақа жарысы»

(Балалар қаппен секіріп, шелекпен су тасып жарыстарға қатысады)

Акула келеді (мейірімді):
- Мен, мейірімді акуламын. Тек менен бәрі қорқады. Шын мәнінде мен де ойнағым келеді!

Ойын: «Акуладан қаш!»

(Музыкамен жүгіру: музыка тоқтағанда – бәрі «тоқтайды»)

Би: «Су асты биі»

(Балалар су асты тіршілігіне байланысты еркін қимылмен би билейді. Әсем теңіз музыкасы қосылады.)

Қорытынды:

Су перісі:
- Сендер өте ақылды, жылдам, мейірімді балаларсыңдар!

Біздің су асты әлемімізге келіп, бізбен бірге ойнағандарыңа рахмет! Міне, сендерге сыйлығымыз!

(Балаларға тәттілер таратылады.)

Тәрбиеші:
- Балалар, бүгін біз су асты әлемін аралап, достар таптық.

Осындай таза, көркем табиғатты аялай білейік. Жаздарың көңілді,

шат-шадыман болсын!