«Су және оның қасиеттері»

Бөлімі: Экология негізі

Тақырыбы: «Су және оның қасиеттері»
Мақсаты: Балаларға судың қасиеті, тіршілік үшін маңызы, табиғаттағы таралуы жөнінде түсінік беру.
Балалардың ізденушілік - зерттеушілік әрекеттерін жетілдіру, дүниетанымын кеңейту.
Қоршаған ортаға деген сүйіспеншілігін арттыру, суды қорғау, тазалықты сақтау сияқты адамгершілік қасиеттерін тәрбиелеу.

Көрнекіліктер:қасық,сүт,су,таяқщалар, суреттер, кесте, су құйылған ыдыстар.
Сабақтың түрі: Кіріктірілген сабақ
Сабақтың әдісі: Әңгімелеу, сұрақ - жауап, жұмбақ шешу. Көрсету

Іс - әрекет кезеңі
Тәрбиешінің іс - әрекеті
Мотивациялық - қозғаушы

Шаттық шеңбері.

Күндей жарқырап

Айдай арайлап.

Жұлдыздай жарқырап,

Судай мөлдір, таза көңілмен

Бүгінгі күнді бастайық.

Тәрбиеші: Табиғат дегеніміз не?

Балалар: Табиғат дегеніміз – бізді қоршаған орта.

Тәрбиеші: Табиғат қандай болады?

Балалар: Тірі табиғат және өлі табиғат.

Тәрбиеші: Тірі табиғатқа және өлі табиғатқа нелер жатады?

Балалар: Тірі табиғатқа ағаштар, жәндіктер, жануарлар, гүлдер; ал, өлі табиғатқа қар, жаңбыр, су, тас, күн жатады.

 Балалар, енді жақсылап ойланып мына бір жұмбақты шешейік.

Жалт – жұлт еткен,

Жылғадан өткен

Бұл не?  ( Су )

Аспаннан домалап,

  Көп моншақ төгілді.

  Бұл не?

              ( Жаңбыр )

Тәжірибе арқылы судың қасиеттерімен танысамыз.

1. Судың түсін ажырату және судың түсі қандай болатынын тәжірибе арқылы көреміз.

1 стақан суға шай қасықты салу. Қасығымыз көріне ме?

Балалар: Көрінеді.

1 стақан сүтке шай қасықты саламыз. Сүттің ішіндегі қасық көрінді ме?Балалар: Жоқ көрінбейді.

Балаларға суы бар стақан және бояу жағылған таяқшалар. Бояу жағылған таяқшалар арқылы суды балалар бояйды.

Тәрбиеші: Судың түсін өзгертуге болама екен?

Балалар: Болады.

Тәрбиеші: Су қандай ыдысқа құйылса, сол ыдыстың пішініндей пішінге айналады.

- Су қандай зат екен?

Балалар: Су – сұйық зат екен.

Сергіту сәті:

 Биік болып өсеміз,

Жапырақтай жайқалып.

Ағаштарға су құйып,

Өсіреміз саябақ.

Балалар: Оқу іс - әрекетін қорытындылап, өз ойларын айтып, тәжірибелердің қызықты болғандарын, не көргендерін айтып береді.

Күтілетін нәтиже:

Жаңғыртады: Судың сұйық зат екенін біледі.

Түсінеді: Тәжірибе арқылы судың қасиеттерінің өзгеріп отыратынын меңгереді.

Қолданады: Тәжірибе жасап, бастаған істерін аяғына жеткізе алады.