Су-өмір көзі

Сабақтың мақсаты: Оқушыларға су тіршілік көзі екенін үйрете отырып, тәжірибе жасау арқылы судың дәмін, иісін, түсін анықтау.
Міндеттері:

1. Судың адам өміріндегі маңыздылығын түсіндіре отырып,өмірге деген қажеттілігін үйрету;

2. Қоршаған ортаға өз үлесін қосуға, әр қашанда көмекке дайын болуға дамыту;

3. Өзгелерді ренжетпеуге, ұжымда жұмыс жасай білуге тәрбиелеу:

Ресурстар:

( су,бейне жазба, үнтаспа)

Сабақтың барысы:

1. Ұйымдастыру кезеңі

Оқушылармен амандасып, «Өзін-өзі тану» сабағының ережесін «5-Т» қайталап, 5-Т ережесі 
Т-тәртіп 
Т-талап 
Т-тыныштық 
Т-тазалық 
Т-татулық

Топқа бөлу.1.Қызғалдақ 2.Сарғалдақ 3.Бәйшешек

Сабақ барысы: 
1.Ұйымдастыру кезеңi. «Сабақтағы жағымды күйге келу» 
«Су асты патшалығына ойша саяхат». 
(Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтінеміз. Арқаларын тік ұстауын қадағалаймыз. Жайлы, баяу музыка қойылады). 
Көзіңізді жұмыңыз және бірнеше рет терең тыныстаңыз; денеңізді босатыңыз. Бірнеше секундтан соң теңіз түбіне саяхат жасаймыз. 
Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.

( бірнеше секунд үнсіз қалу). 
Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз. 
Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

1. 2.Үй тапсырмасы

2. 132- 133беттегі Ы.Алтынсариннің «Таза бұлақ» әнгімесін оқу.

3. 1.Сендер бұлақ басындағы жазуды қалай түсіндірер едіңдер?

4. 2. Әңгімедегі үш жігіттің айтқандарынан судың қандай қасиеттерін білдіңдер?

4.Әңгімелеу. Бейне жазба корсету.

1. «Сен білесің бе?» Су туралы мәлімет беру

5.Тәжірибелер жасау

1-тәжірибе: Судың дәмі қандай?

Қажетті заттар: Қант,тұз, су, лимон,пияз.Табақшалардың әрқайсысына кант,тұз, лимон тілімін пиязды саламыз.Стаканға су құямыз. Судың дәмін татып көреміз.Пиязды,лимон тілімін,қантты, тұзды татып көреміз. Олардың дәмі қандай?

Қорытынды суда дәм болмайды.

2-тәжірибе: Судың иісі қандай?

Қажетті заттар: Лимон,пияз,су, тарелке, орамал.

Лимон тілімін, пиязды жек-жеке тарелкеге салып, үстіне су құямыз .Бір оқушының көзін байлап,оған тарелкедегі заттарды иіскетеміз. Иісін анықтаймыз.

3-тәжірибе: Судың түсі бар ма?

Қажетті заттар: Стаканға құйылған су, гуашь бояуы. Стакандағы суға гуашь бояуларын қосайық. (балалар суға гуашь бояуын қосып араластырады,судың түсі өзгергенін айтады.)

6.Топпен ән айту.

Көңілді күн

Сөзі:мұғалім шығармашылығы

Әні:көңілді күн әні сазымен

Теріп едік жемісін сезім бақтың,

Сыйластықтың алауын өзің жақтың.

Сенің думан тойыңның әнін естіп,

Есігіңді шыдамай өзім қақтым.

Қайырмасы:

Бүгін қандай тамаша

көңілді күн,көңілді күн, көңілді күн

Сені қуанышыңмен құттықтаймын

Бақытты бол, жан досым!

Бір тамаша отырдың өмірге еніп,

Жүзің бал бұл жадырап көңілденіп.

Есігіңнен мен кіріп келгенімде

Қуандың-ау, балаша мені көріп.

Қайырмасы:

Бүгін қандай тамаша

Көңілді күн, көңілді күн, көңілді күн

Сені қуанышыңмен құттықтаймын,

Бақытты бол жан досым

7.Үй тапсырмасы

Оқулықтан 143 бет, М.Аяғанованың «Табиғатпен тілдессем» өлеңін мәнерлеп оқып келу.

8.Соңғы тыныштық сәті.

Баяу әуен қосылады. «Сабақтың қорытынды сәті».

Бүгінгі сабақтан не білдік? Көзімізді жұмып, баяу әуен толқынымен қамқорлық пен сүйіспеншілікті үйлестіре отырып, жүрегімізден өткізейік.

Су- адамға ең қажетті тағамның бірі, су- тазалық көзі, су- жан сұлулығының нәрі, су – шынығу көзі. Су болмаса тіршілік те болмайтының білдік.Өйткені адамдар, өсімдіктер, жан- жануарлар, аң, құстар, сусыз өмір сүруі мүмкін емес.Судың адам өміріне аса қажеттілігін ұғындық. Барлығыңызға рахмет!