Сыбайлас жемқорлық - қоғам дерті

Сыбайлас жемқорлық – бұл жеке пайда үшін лауазымдық өкілеттікті заңсыз пайдалану. Бұл әрекет тек заң бұзушылық емес, сонымен қатар қоғамның моральдық құндылықтарына қайшы. Қазіргі таңда бұл мәселе Қазақстанда да өте өзекті. Ол елдің дамуына, азаматтардың әл-ауқатына және қоғам ішіндегі сенімге кері әсер етеді.

Сыбайлас жемқорлықтың ең қауіпті тұсы – оның екіжүзділікпен байланысында. Көп адам әділдік пен тазалық туралы айтқанымен, өз пайдасы үшін заңсыз жолға барады. Бұл жастарға теріс үлгі көрсетіп, қоғамдағы сенімді әлсіретеді.

Сыбайлас жемқорлықпен күресу тек заң арқылы емес, әр адамның ар-ұяты мен ішкі адалдығы арқылы жүзеге асуы тиіс. Егер әр азамат пара алудан және беруден бас тартса, қоғам да әділдікке бір қадам жақындайды.

Бұл құбылыстың кең тараған түрлері – пара беру мен алу, лауазымдық өкілеттікті асыра пайдалану. Мұндай әрекеттер теңсіздік пен әділетсіздікке алып келеді, ал бұл сенім дағдарысын туғызады.

Қорытындылай келе, сыбайлас жемқорлықпен күрес – бүкіл қоғамның міндеті. Заңды қатайтып, адалдықты насихаттау, ашықтықты арттыру – бұл бағыттағы маңызды қадамдар. Ең бастысы – әр адам өзінен бастап, шынайы адал болуға ұмтылуы керек.

Зейнулла Дана 10A сынып оқушысы