Ақмола облысы,Есіл қаласы, «Ақмола облысы білім басқармасының Есіл ауданы бойынша білім бөлімінің жанындағы ауданының Есіл қалалсының

№ 3 «Балбөбек» бөбекжайы» мемлекеттік коммуналдық қазыналық кәсіпорны

«Судың қасиеттері мен пайдасы»

ұйымдастырылған қызметі-зерттеу

Дайындаған тәрбиеші : Танашева Қ.Т.

2023 ж.

Ашық ұйымдастырылған қызмет

Тақырыбы: «Судың қасиеттері мен пайдасы»

Түрі: Танымдық-зерттеушілік.

Мақсаты:балаларды қарапайым зерттеу әдістеріне тарту, жансыз табиғаттың қасиеттерін зерттеу. Баланың сумен эксперимент жасау процесінде танымдық қызығушылықтарын ояту.

Міндеттері:

Білімділік: балаларды судың қасиеттері туралы білімдерін бекіту (түсі, иісі, пішіні, дәмі);

Дамытушылық: алғашқы тәжірибелер жасау дағдыларын дамыту, ойлау, сөйлеу, ой-өрісін және білуге құмарлық қасиеттерін дамыту.

Тәрбиелілік:топпен жұмыс жасай білуге, суға ұқыпты қарай білуге тәрбиелеу.

Пән аралық байланыс

Таным:Суды қоршаған ортада табуды үйрету, сумен күрделі емес тәжірбиелер жасау. Судың қасиетін зерттеу процесінде бекіту. Суға ұқыпты қарауға тәрбиелеу. Білуге құмарлығын дамыту.

Қатынас:

Сөздік қорын кеңейту және жандандыру.

Денсаулығы:

Судың адам өміріне маңызды екеніне түсінік беру.

Әлеуметтендіру:

Балалардың зерттеу жұмысы барысында тығыз әріптестік қарым қатынас қалыптастыру.

1 Шаттық шеңбері.

Күннің көзі ашылды

Көкке шуақ щащылды

Құтты қонақ келіпті

Төрімізге еніпті

Сәлеметсіз бе!

-Балалар, табиғат дегеніміз не?

Балалар: бізді қоршаған орта.

Тәрбиеші: табиғат қандай болады?

Балалар: тірі және өлі табиғат

Тәрбиеші: тірі және өлі табиғатқа нелер жатады?

Балалар: Тірі табиғатқа ағаштар, жәндіктержануарлар, гүлдер. Ал өлі табиғатқа қар, жаңбыр, су, тас, тау, жатады.

Тәрбиеші: Балалар,жұмбақтарды жақсы көресіңдер ме?

Мен тамшымын, мен бұлтпын,

Мен жылғамын, мен мұхит

Ұшамын, жүгіремін

Сүңгі де бола аламын (Су) Судың дыбысы естіледі

-Сусыз тіршілік бар ма? Сусыз адам да, жануарлар да, өсімдіктер де сүре алмайды. Жер бетінде (глобусты қарап шығамыз) судың пайызы , бірақ оның бәрі ішуге пайдалануға, шаруашылыққа қолдануға болмайды. Өткені бұл тұзды сулар ішуге жпрамсыз. Пайдалы тұшы су, өзен, көлдердің және жер асты сулар, олар глобусқа қарасақ өте аз болып есептеледі.Сондықтан суды үнемдем, ұқыпты пайдалану керек. Ал су туралы қандай тақпақ-өлеңдер, мақалдарды білесіңдер?

Балалар: -«Судың да сурауы бар»

«Таза болсаң судай бол!», «Су бар жерде ырыс бар»

Су патшасы Сүйлемен,

Су қасиетін кім білген?

Су –өмірдің тірегі

Ой қабілеті кең екен

-Су туралы сендер не айта аласыңдар? Судың түсі бар ма?...

Судың түсі жоқ, дәмі жоқ, пішіні жоқ...

Осының бәрін бізге зерттеп дәлелдеуіміз керек . Сол үшін біз зертханаға барамыз. Зертханада кім жұмыс істейді?

-Оқымыстылар мен лаборанттар!

-Дұрыс!

Біз де оқымыстыларға айналамыз,

Зерттеу жұмысы бейтаныс құбылыстарды зерттеп жаңа білім алу үшін керек. Ол үшін біз арнайы киімдерімізді киеміз.

Зертханаға келу.Зертханада біз қандай ережелерді сақтаймыз.

Айқайламаймыз, менің бұйрығымсыз еш нәрсеге тиіспейміз

№ 1 ЗЕРТТЕУ

Судың пішіні жоқ екенін дәлелдеуіміз керек.

Үстелде стақанда су тұр.

-Ғалым Самир, суды шыныаяққа құйып көрші, енді тәрелкеге, содан соң колбаға . Судың пішіні қандай болды? Пішіні қандай ыдысқа құямыз ,сол ыдыстың пішінін алады.

№2 ЗЕРТТЕУ

Су мөлдір екнін дәлелдеуіміз керек.

Үстелде екі стақан тұр бірінде су, бірінде сүт ,астында сурет бар.Амаль-зерттеуші, айтшы, судың түсі бар ма? Қарап айтшы, қай стақанның астынан суреті көрінеді? Су бар стақаннан№ -Неліктен көрінеді?

-Су мөлдір болғандықтан.

Судың түсі болу үшін не істеуміз керек?

-Бояуміз керек. (Суға бояуды ерітеді, қасықпен былғайды) Су боялды

Қорытынды: Су қандай бояу құйсақ, сол түске айналады.

№3 ЗЕРТТЕУ

Судың дәмі және иісі жоқ екнін дәлелдеуіміз керек.

Келесі үстелде сумен стақандар тұр, Әрқайсысын ішіп көріңдер, әріптестер. Академик Али, судың дәмі қандай? Дәмі бар ма? Иісі?

Басқа стақандардың сулардың дәмін көріңдер. Дәмі тәтті ,иіскеп көріңдер, иісі бар ма? Шиенің иісібар, ваниллин , лимон т.б.

Енді тағы таза суға тұз, қант, лимон қышқылын салып суды ішіп көріңдер. Дәмін айтады... тәтті, тұзды, қышқыл

Қорытынды: Судың дәмі жоқ, бірақ өзгертуге болады.

-Балалар, зерттеу жүргізу оңай жұмыс емес.Дұрыс қой?.Оқымыстылар да дем алады. Мен сендерді демалыс орынға шақырамын..

Сергіту сәті:

Мен сендерге Бұлт –Ана боламын, ал сендер тамшылар боласыңдар

Тамшылар саяхатқа шықты, ойнап, секіріп, жүгіріп жүр. Олар жалықты жерге түсіп бір бірімен кездесіп, бірігіп бұлаққа айналады, содан соң өзенге, одан соң теңізде жүзіп , содан соң мұхитта жүзіп жүріп, анасын сағынды. Олар Бұлт –Анасына қайтқысы келеді. Бұлт арасынан Күн шыға келді, Тамшылар Бұлт-Анасына қуана қайтып келеді.

№4 ЗЕРТТЕУ

Зерттеуші-Ислана , қарап көрші саусақпен стақандардың сулыры қандай?

-Ыстық суды қалай ыстыққа айналдыруға болады?

-Ал суық суды қалай суытуға болады? Ұзақ уақытқа қалдырсақ не болады сумен? (Мұз болып қатады)

Ал суды қатты қайнатып қойсақ шайнектегі су неге айналады? (Бу болады)

Қорытынды: Судың 3 қалпы болады: сұйық, газды және қатты

№ 5 ЗЕРТТЕУ «Батады,батпайды,жүзеді»

Қолданылатын құралдар: таз, қуыршақ, доптар, тастар.

Мақсаты:женіл.ауыр,қатты,бататын,батпайтын заттар қасиетін айтып түсіндіру.
Тәрбиеші:балалар естідіндер ме біреу жылап жатыр.

Бұл қуыршақ Айгүл  ғой добы суға түсіп кетіпті.Сен жылама біз саған көмектесеміз добынды алып береміз. Көрдің бе доп суға батпайды.

Раяна - зерттеуші доп суға неге батпады?

Өйткені доп жеңіл.

Ал балалар мынау не?

Тас, тас қандай?

Қатты, ауыр.

Раяна тасты суға салшы. Тас не істеді? Суға батып кетті, өйткені тас ауыр.

Қорытынды: Жеңіл заттар жүзеді, ауыр заттар батады

№ 6 ЗЕРТТЕУ

Шексіз көпіршіктер

Қолданылатын құралдар: стақандар, су, ас содасы, лимон қышқылы, бояу

Оқымыстылар - Сардар мен Медина Алдарыңда тұрған стақандарға ас содасын салыңдар, содан соң бояу, өзгеріс болды ма? Ал соңында лимон қышқылы бар су құямыз . Ас содасы қышқыл сумен көпіре бастады.. Стақанға сыймай көпіршектене бастады, гейзерге ұқсайтын болды.

Қорытынды: Су кейбір заттарды ерітеді, кейбіреулермен рекацияға шығады.

№ 7 ЗЕРТТЕУ

Сиқырлы көрсеткі

Академик Милена қағазға екі көрсеткінің суретін салшы бояп. Содан соң стақанның әр жағынан көрсетіп қой. Төмен және жоғары көтеріп. Не байқадық?

Қорытынды:Су арқылы оптикалық алдау ға шалығамыз. Күннің жарығы стақаннан өтеді, судан өтеді, тағы стақаннан өтеді де сынады деген ұғым бар . Сол жарықтың сынуы біздің көзімізге қарама қарсы жаққа қарап тұрғаны көрінеді.

Тәрбиеші: Балалар біздін бүгінгі жұмысымыз аяқталды енді тобымызға қайтайық.

Ұйымдастырылған қызметтің қорытынды:

Тәрбиеші: Балалармен судың қасиетін қайталау.

Судың қандай қасиеттері бар? Мөлдір, түссіз, дәмсіз, иіссіз. Бірақ түсін өзгертуге болады, дәмін де, иісін де, түсін де. Суды қалай пайдаланамыз?

Сусыз тіршілік бар ма? Жер шарында тұшы су көп пе?