Шығарма "Мен- өз елімнің патриотымын"

Мен- өз елімнің патриотымын

Отан деген-кең жерің,

Өскен жерім ол керім.

Тәуелсіздік-елдігін,

Қорғанымын мен бүгін.

Б.Бейбітов

Менің елім, туған Отаным- Қазақстан. Ол кең байтақ, әрі көркем. Елімнің табиғаты сұлу. Жері де, елі де бай. Халқымыз өте мейірбан. Мен осындай кең байтақ өлкеде өмірге келгеніме қуанамын. Еліміз бүгінде 50 елдің қатарына енді. Елімізді әділ де, парасатты Елбасымыз Н.Ә.Назарбаев басқарады. Әділ басшымыздың арқасында елімізді әлем танып келеді. Туған Отаным- Қазақстан болғанымен өзім өмірге келген өлкем туралы да айтқым келеді. Менің өлкем әлемге мұнайымен танылған Атырау өлкесі. Байлығы да,балығы да, барлық шет елді таң қалдырған өлкенің перзентімін. Туған өлкем Атыраудың бір шағын ғана ауылы Көктоғайда өмірге келіппін. Міне өсіп ер жетіп келемін. Болашақта мектепті жақсы бітіріп, жоғарғы оқу орнын оқып, елімнің қажетіне жарасам деп ойлаймын. Осы армандарыммен қатар қасиетті Махамбет бабамның, Абай атамның өлеңдерін оқимын. Сол өлеңдерден өзіме күш аламын. Ұстаз біздің екінші анамыз, мектеп біздің екінші үйіміз. Мектепте  болып жатқан әр түрлі шараларға қатынасып, кішкентай болсам да өзімнің үлесімді қосуда өз армандарымды жүзеге асырғым келеді. Менің арманым өскенде өз туған ауылымды көркейткім келеді. Еліміздің өсіп-өркендеуі жолында тынбай еңбек еткенде ғана, ауылымыз көркейіп, гүлденеді. Басты байлығымыз – табиғат пен қоршаған ортаны гүлдендіру. Яғни ауылымыз шағын болса да әдемі алаңдар, спорт кешендері, заманауи жабдықтарға толы мектеп пен балабақшаларға толы болса екен деймін. Елбасымыз Н.Ә.Назарбаев айтқандай « Өз Отанының патриоты болу – Қазақстанды өз жүрегінде ұялату » дегендей мен өз ауылымның көркейіп, гүлденуіне өз үлесімді қосамын. Мен- өз елімнің Патриотымын.

Ахметхамбар Самғат

4 «Ә» сыныбының оқушысы

Атырау облысы Индер ауданы Б.Нысанбаев атындагы орта мектебі

Жетекшісі:Нугманова К.Г.