Шығарма "Менің Президентіме менің тілектерім"

Менің Президентіме менің тілектерім

Біздің Отанымыз-Қазақстан Республикасы.Мен осы елде тұрып жатқаным үшін бақыттымын.Туған елім кең байтақ дархан далам-менің мақтанышым.Өйткені, мен осы дархан далада дүние есігін аштым.Осы жерде алғаш қадам бастым, мектепке бардым.Елімізде мен сияқты көптеген балалар білім алуда.

Мен екінші сыныпта оқимын.Өзге балалар сияқты мен де өте жақсы оқуға тырысудамын.Біздің осылай білім алып жүргеніміз еліміздің тұңғыш Президенті Нұрсұлтан Әбішұлы Назарбаев атамыздың арқасы деп білемін.Себебі:біздің терең білім алуымыз үшін барлық жағдай жасалған.Бұл адамды балабақшадағы сәбиден бастап, еңкейген кәріге дейін біледі.Мемлекетіміздің әрі қарай дамуына өз күш-жігерін аямай, ерінбей, жалықпай тер төгіп жүргенін мен сеземін.Нұрсұлтан атамыз балаларды өте жақсы көреді, әрі үлкен досы.Әркез балаларға үлкен қамқорлық көрсетіп отырады.Еліміздегі барлық балалар білімді болып шығуы үшін Назарбаев зияткерлік мектептерінің ашылуы да біздер үшін үлкен қуаныш.Менің арманым-осы аталған мектепте білім алып, елімнің өркендеуіне үлесімді қосу.Қай оқушы осы мектепте оқуды армандамайды десеңші!Тұңғыш Президентіміз атындағы мектептің оқушысы атану-менің де жүрек түпкірімдегі арманым екенін жасырмаймын.

Көптеген елдерді Президенттер басқаратындықтарын естіп, біліп жүрміз.Теледидардан көріп, газет-журналдардан оқимыз.Сол ел басқарушы ағаларымыздың арасында Қазақстанның Президенті Нұрсұлтан атамыздың бейнесі басқалармен салыстырғанда ерекшеленіп, дараланып тұрады.Ширек ғасырға жуық ел басқарған, Тәуелсіздік туын көтеріп, оны баянды етуде Қазақ халқының атын әлемге танытушы тұлға деп есептеймін.Біздің Президентіміз-білімді, талапты, елін, жерін құрметтейтін ұлтжанды тұлға екені даусыз.Еліміздің баянды өмір сүруі үшін өзге мемлекеттермен түрлі кездесулер өткізуі де Елбасымыздың шеберлігі мен шешендігі деп түсінемін.Біз бақытты халықпыз.Президентіміздің тұрақты, еліміз көркейіп, даму үстіндеміз.Елімізді қоныстанушы түрлі ұлт өкілдерінің бір-бірімен ауызбірлікте өмір сүруде Елбасымыздың жемісті еңбегі деп ұғамын.Біздің данышпан Президентіміздің атқарған еңбектерін дүние жүзі жарыса жазуы да біз үшін үлкен мәртебе.Нұрсұлтан Әбішұлы бүкіл өмірін еліміздің дамуына арнап келеді.Бұл адамның арқасында еш қиындық көрмей өмір сүрудеміз.Ата-анамыз жұмыс жасайды, сондықтан үйімізде барлық жағдай жасалған.Үйіміз газбен жылытылған, таза сумен қамтамасыз етілген.

Есіл бойындағы Астана қаласының бой көтеруі де, Елбасымыздың ерен еңбегі деп білуіміз керек.Астананың өмірге келуі-тұңғыш Президентіміздің өлшеусіз маңдай тері және ерлігі екенін ұғыну-біздің міндетіміз.Астанадағы әсем ғимараттардың бой көтеруіне өз үлесін қосып, әрі сәулетін жасаған да Елбасымыз екендігін білу-бізге үлкен қуаныш.Мен үшін Астана мен Президент есімі егіз.Болашақта Елбасымыздың еңбегімен салынған Астана қаласын көру-менің үлкен арманым.Асқақ арманымның орындалуын күні-түні тілеп жүретінімді жасырмаймын.

Желтоқсанның бірі Тұңғыш Президент күнін атап өтпекшіміз.Осындай атаулы күнде үздік бағаларымның санын арттырып, атамның қуанышына арнаймын.Президентіміздің ғұмырының ұзақ болуын, еліміздің болашағы үшін атқарып жатырған еңбегіне толағай табыстар тілеймін.Президентіміз бізге "Еліңнің патриоты бол!"деген сөзін санамызға тоқып, Нұрсұлтан атамыздай өз елімізді, жерімізді сүйеміз, егеменді еліміздің еңсесінің еселенуіне өз үлесімізді қосамыз.

Президентімізді төл мерекесімен шын жүректен құттықтаймын.Біз өзіңіз салып берген сара жолмен жүреміз деп сізді сендіремін.Өзіңіз сенім артқан ұрпақтарыңыздың алар асуын көруіңізді тілеймін.Біздің елімізді Нұрсұлтан атамыз басқарғанына қуанамын, мақтан етемін.

Президентімізбен бірге бақыттың шыңына шығарымыз сөзсіз.

Біз-Қазақстанда тұратын балалар президентімізге ұқсауға тырысудамыз.

Арнурқызы Гульнара

8жаста (19.11.2007жыл)

Атырау облысы, Индер ауданы, Көктоғай ауылы

Б.Нысанбаев орта мектебі

Жетекшісі:Нугманова Карылгаш Галымжановна

Атырау облысы, Индер ауданы, Көктоғай ауылы

Б.Нысанбаев орта мектебі

бастауыш сынып мұғалімі

Karlgash_1973@mail.ru