«Тәрбиеші-ұлы тәрбиенің тірегі»

«Тәрбиеші болу үшін, тәрбиеленген болу керек!»

А.С.Макаренко

Тәрбиеге тереңнен мән берген қазақ халқымыз «Тәрбие – тал бесіктен» деп бекер айтпаған. Балаға тәрбие бесікте ана сүтімен, одан әрі қарай отбасында, қоғамында беріліп, тәрбиенің тағылымы қалыптасады. Ал, қоғам тәрбиесінің айнасы деп тәрбиешіні айтар едім. Әр бір адам айнадан өзің қараған секілді, балаға қарап оның отбасы мен балабақшадан қандай тәрбие алағанын байқауымызға болады. Айнаға қарағанда өз түрімізге сүйсінген сияқты, бала тәрбиесіне басқаларда қарап сүйсіне алатындай тәрбие беруіміз қажет.

Абай Құнанбаев «Баланы ең әуелі мейір-шапағатқа, одан сон ақыл- парасатқа, ақырында нағыз пайдалы ғылымға, еңбекке баулы»- керек деп айтқандай балаға мейірім мен шапағатқа толы тәрбие беруіміз қажет. Бала әр нәрсеге еліктегіш, қайталағыш болып келеді. Мейіріммен тәрбиеленген бала да айнласына мейірімді болып қалыптасады. Тәрбиеші баланы тәрбиелеу барысында мейірімділік қағидасын басты назарға алғаны жөн. Себебі, мейірімділік жақсылықтың бастауы, тәрбиенің көзі, айналаға жылуы сыйлайтын күн көзі іспетес болып саналады.

Бала ақ парақ болса, отбасы мен тәрбиеші қалам. Біз қаламен қалай із салсақ, іздің жалғасы соған сәйкес болмақ. Біздің салған тәрбиелік ізіміз бала тәрбиесінің фундаментінің негізі. Фундаменттің берік болуы тәрбиешіге байланысты. Белгілі педагог Антон Макаренко «Тәрбиеші болу үшін тәрбиеленген болу керек»-деп, айтқандай фундаменттің негізін қалайтындай, тәрбие көзі бола алатындай тұлға болуымыз керек.

Мектеп қабырғасында оқып жүрген сәттен-ақ адамның өзіңдік арманы мен таңдауы, болашаққа деген бағдары болады. Сол уақытта өзім бір осындай өлең шумақтарын шығарып едім:

Адамның арманы мен таңдауы көп,

Таңдаудың ең негізі – ол мамандық.

Қателеспей таңдаған мамандығын.

Ол сенің мызғымасболашағын.

Өмірлік белестерден жаңа асуын,

Өз ісіннің маманы болып таласуын. Бүгінгі таңда таңдаумының дұрыстығына көзім жетіп, өз ісімнің маманы болып біртіңдеп қалыптасудамын. «Білгенім тоғыз, білмегенім тоқсан тоғыз» демекші, балақайларды оқытып тәрбилеу мақсатында әріптестерімнен, заман ағымына сай жаңарып жатқан әр – түрлі технологияларды меңгеріп, рухани жаңғыруды жаңғыртып көптеген нәрселерді өз ісіме қолдану барысындамын. Бастысы тәрбиеші деген атқа лайықты болуы мақсатында өз тәрбиеме жіті назар аударудамын. Себебі, менің тәрбиеме сәйкес, балалардың тәрбиесі қалыптасады.