Шығарма "Туған жер"

Туған жер әрбір адам баласы үшін қасиетті де киелі мекен. Мен өз еліммен, жеріммен мақтан етемін. Бұл жерде Сәбит Мұқанов, Ғабит Мүсірепов, Баймағамбет Ізтөлин, Сафуан Шаймерденов, Иван Шухов сынды ұлы ғұламалар, атақты жазушылар дүниеге келген. Осы аталарымызды үлгі тұтып, осы кісілерге қарап бой түзеймін және осындай аталарымның жерлесі болғаныма мақтан етемін. Менің туып- өскен жерім Украин селосы. Біздің ауылда әртүрлі ұлт өкілдері тұрады. Олар: қазақтар, орыстар, немістер, өзбектер, украиндар және т.б. Бәрі тату-тәтті көрші-көлем болып араласып, қай ұлт болмасын бір-бірінің салт-дәстүрін құрметтеп, дәріптейді. Мен өзім 6 сыныпта оқимын. Мектепте де біз мынау қазақ, мынау орыс деп ешқашан бөлінбейміз. Керісінше бір-бірімізді қолдап, құрметтейміз және қай ұлттың болмасын мерекелерін, дәстүрлерін сыйлаймыз. Себебі, бір шаңырақ астында өмір сүріп, суымыз бір, жеріміз бір, нанымыз бір болғандықтан біз бір отбасыдай болып кеткенбіз. «Туған жердей жер болмас, туған елдей ел болмас» - деген мақал текке айылмаған. Мен үшін туған жерім бәрінен де ыстық. Себебі, әрбір адам баласы үшін кіндік қаны тамған жері, бақытты да баянды өткен балалық шағы, туысы, досы, бауыры, ауылы, көшесі қашанда аса маңызды. Мен жазғы демалыста басқа қалаларға, ауылдарға туыстарымның үйіне қонақ болып барамын. Бірақ қай жерде болсам да, өзімнің туған жеріме жетпейді және өз елімді аңсаймын, қатты сағынамын. «Туған жердің қадірін, шетте жүрсең білерсің» деген мақал осыған себепші болып тұр. Осындай сәттерде туған жеріме деген сүйіспеншілігім одан бетер арта түседі. Туған жерімнің жайқалған ағаштары, тау-тасы, орман, көлі, аң-құсы мен үшін қымбат. Мен туған жерімнің осындай керемет табиғатымен мақтан етемін. Бірақ, мені алаңдататын бір жағдай бар. Ол қазіргі кездегі көптеген ауылдардың тұрғындары басқа жақтарға қоныс аударып, содан кейін сол ауылдардың жабылып қалып жатқандығы. Осындай жағдайлардың орын алғандығын өз басым қаламаймын. Себебі, батыр да, ақын да, дана да осындай ауылдардан шыққан ғой. Қазақта «Қара шаңырақ» деген ұғым бар осы қара шаңырақтарын жауып, түтеп отырған түтіндерін сөндіріп кететіндерге қарсымын. Сондықтан өз еліме болашақта гүлдене беруіне, халқының көбеюіне, көркеюіне, дамуына тілектеспін. Мен өз туған жерімді жанымдай жақсы көремін.

«Украин жалпы орта білім беру мектебі»

Тақырыбы: Туған жер

Дайындаған: Рамазанова Аяна 6 сынып

Мұғалімі: Сыздықова Жібек Ғалымқызы

2018-2019 оқу жылы