шығарма "Туған жер" 9 сынып

Туған жер-2017

Туған жер ұғымы әрбір адамның жүрегінде ерекше орын алады.Шыр етіп дүниеге келген әр сәбидің оңы мен солын танып,ел қатарына қосылып, азамат атанғанға дейінгі тәлім тәрбиешісі де,қайырымды әрі қатал сыншысы да осы туған жері.Мағжан Жұмабаев атамыз айтқандай, « Туған жерге жер жетпес»!-деп, туған жер– адам өмірінде киелі орын алады. Әрбіріміз үшін Отан ошақ басынын басталады: туған жер, туған көше, туған қала немесе мен үшін туған ауыл. Менің Отаным кішкентай болса да, мен үшін аса кымбат жер Төлеби ауданы Көксәйек ауылынан басталады. Осы жерде менің көңілді де, шаттықты күндерім өтуде. Туған жерімді ұзаққа қиып жібере алмаймын.

Алысқа қонаққа барсам өз үйімді, ауылымды аңсаймын,сағынамын. Өйткені,сағынышыңды өзге топырақ ,өзге ауа,өзге су орнын толтыра алмайды. Менің туған жерім Қазақстан, дамып келе жатқан мемлекеттердің қатарында.Мен өз елімді мақтан етемін, өйткені қазіргі таңда еліміз үлкен белестерге қол жеткізіп отыр. Бұл туған жерге, туған елге, Отанға деген – патриоттық сезім деп түсінемін. Патриотиз сезімін әрбір қазақ бойында қалыптастыру, дамыту мақсатында елбасымыз:

«Туған жер – тұнған тарих! атты бағдарламасын ұсынды. Жаңғыру баянды болашаққа жетелейді. Екі тарау мен алты тармаққа, алты тапсырмаға құрылған Елбасы бағдарламасы – рухани кеңістігіміздің жарқын нышаны! Рухани жаңғыру – туған жер тұтастығы мен ел болашағының негізгі.

«Туған жердей жер болмас, туған елдей ел болмас» деген мақалды естіген сайын өз туған жеріме деген патриоттық сезімімоянып, бойыма ерекше күш бітеді. Менің әжем ылғи да «Балам, ел боламын десең бесігінді түзе деген нақылды есіңнен шығарма. Туып – өскен елің мен жеріңе жетер әлемде жер жоқ. Туған жерің жұмақ мекенің. Оның әрбір тау – тасы, құмы мен суы, қыбырлаған тіршілік иесі сен үшін қадірлі болсын» деп жиі айтып отырады. Алғашқыда мұндай сөздерге мән бермеуші едім. Енді ойлап отырсам, әжемнің сөзінде бір шындық бар секілді. Қазақ елі Тәуелсіздік алған жылдардан бері қаншама ұлы істерге қол жеткізді. Кеңестер Одағы заманында басқалар үшін елеусіз халық болып келдік. Ендеше, көкжиектен ауытқымай, ұлт көшбасшысының өскелең ұрпаққа меңзеген дара жолымен биік шыңдарды бағындырайық.

9 ,,Б’’ сынып

Мамадалиева Милана

Жеңіс жалпы орта мектебі