Шығармашылық білім беру саласы. Мүсіндеу. Тақырыбы: "Күшікке ыдыс жасайық."

Ерте жас тобының ұйымдастырылған оқу іс-әрекетінің технологиялық картасы.

Білім беру саласы: Шығармашылық
Бөлімі: Мүсіндеу
Тақырыбы: Күшікке ыдыс жасайық.
Мақсаты:
Білімділік: Алақан арасында ермексазды домалатып күшікке ыдыс жасау.
Дамытушылық: Ой-өрісін,ойлау қабілетін, қол икемдерін дамыту.
Тәрбиелік: Балаларды шығармашылыққа, мейірімділікке тәрбиелеу.Сөздік жұмыс: ыдыс
Билингвалды компонент: ыдыс – посуда.
Көрнекілік материалдар: Күшіктің суреті мен ыдысы, ермексаз, тақтайша, сүлгі, үлгі.
Күтілетін нәтиже:
Нені білу керек: Екі алақанның ортасына ермексазды домалақтау әдісін пайдаланып, мүсіндеуді.
Нені игереді: Күшікке арналған ыдысты мүсіндеп.
Нені біледі: Күшікті.

Іс-әрекет кезеңдері
Тәрбиешінің іс-әрекеті
Балалардың іс-әрекеті

Мотивациялық- қозғаушылық
Шаттық шеңбері.
Кел, күлейік, күлейік
Күлкіменен түлейік.
Қабақ түйген не керек,
Көңілді болып жүрелік.

Балалар тәрбиешімен бірге айтады.


Ұйымдастыру
шылық-
ізденушілік
Балалар бүгін бізде мүсіндеу сабағы.
Бүгін бізге қонаққа күшік келіпті. Күшік қайда өмір сүреді? Иа күшік адамдардың жанында өмір сүреді. Сондықтан ол үй жануарына жатады. Күшік адамның досы. Ол үйді, үй жануарларын күзетеді. Бөтен адам келсе ол үріп дыбыс береді.
Күшік қалай дыбыстайды? Білеміз бе?
Аф-аф-аф деп дыбыс шығарады екен. Күшік сүйек жегенді жақсы көреді.
Күшікке сүйекті арнайы ыдысына салып береді.
Ал, мен де қонаққа келген күшікке сүйікті тамағын бергім келіп тұр. Қайда салып берсем екен.
Балалар бәріміз күшікке тамақ салып беретін ыдысты ермексаздан жасап берейік.
Ыдыс- посуда.
Ол үшін алдымен сергіп алайық.
Сергіту сәті.
Күшігім менің сақ құлақ
Келеді әне шапқылап.
Сақтығыңды көрейін.
Қойшы атайға берейін.
Жұмыс барысымен таныстыру.
Алдымен ермексазды алақанға салып домалату, одан кейін оны үстінен ұру арқылы жалпайту арқылы ыдыс жасау.
Жұмыс барысы.
Ойын: Күшікті тамақтандырайық.
Мақсаты: Балаларды ұқыптылыққа, қамқорлық жасай білуге тәрбиелеу.
Барысы: Әр балаға күшікке арналған сүйектер таратылып беріледі. Балалар қолындағы сүйектерін күшіктің ыдысына салу керек.
Оқу іс әрекетімен танысады.
Күшікпен амандасады,
Қуанады.



Күшік туралы түсінік алады.





аф-аф деп қайталайды.



Сұрақтарға жауап береді.











Сергіту сәтін орындайды.



Жұмыс барысымен танысып, ыдысты мүсіндейді.



Ойынды ойнайды.

Рефлексифті-түзетушілік
Қорытынды:
-Бүгін не жасадық?
Балалар сендер бүгінгі сабаққа жақсы қатыстыңдар.
Күшікті шығарып салайық. Сау болыңыз.