Астана қаласы

МҚКҚ №34 «Ақ бидай»

балабақшасы

Ізбасар Мәдина

Құрманғалиқызы

тәрбиеші

Ұйымдастырылған іс-әрекет

Бөлімі: «қатынас», «таным», «әлеуметтік орта»

Тақырыбы: «Сыйқыршылар еліне саяхат»

Мақсаты: балалардың жыл бойы алған білімдерін тиянақтап бекіту. Заттарды негізгі

белгілері бойынша ажырата білу (көлік түрлері,жануарлар,геометриялық пішіндер,

ертегі кейіпкерлері), ойын арқылы ойлау қабілетін,тіл байлығын арттыру.

Ресурстар: геометриялық пішіндер, оюлар,демонстра

циялық материалдар,суреттер,бояулар,доптар.

І.Кіріспе бөлім:

Шаттық шеңбері: Балалар,көңіл -күйлерің қандай? Келген қонақтармен амандасайық.

-Біздер жақсы баламыз,

Өсті ақыл санамыз.

Қонақтармен иіліп,

Амандасып аламыз.

Сәлеметсіздер ме,апайлар!

ІІ. Негізгі бөлім:

-Балалар,біз ғажайыптар еліне саяхатқа барамыз,ол үшін өзімізге көлік түрін таңдайық.

Ойын: «Кім алғыр?»

-Балалар,бізде көлік жүргізушісі жоқ,сол себепті ұшатын сыйқырлы кілем жасап алайық.

Ойын: «Орнын тап» (кеңістікті бағдарлау)

Сергіту сәті: «Бас,иық,тізе,аяқ»

-Балалар,біз сыйқырлы кілеммен саяхатымызды жалғастырамыз.Біз қазір көзімізді

жұмып фермер,суретші,құрылысшы,білімгерге айналамыз.

Топтық жұмыстар:

1.Фермер-жануарларды ажыратып,орналастырады. (үй жануарлары,жабайы жануарлар)

2.Суретші-сыйқырлы пішіндерді табу. (қағазды бояу арқылы жасырынған пішіндерді атау)

3.Құрылысшы-биік-аласа үйлер.Кең-тар жолдар тұрғызу. Салыстыру.

4. Білімділер әлемі: 1-3 ке дейінгі сандарды атау,заттармен сәйкестендіру. (аз-көп)

-Балалар,сыйқырлы кілеммен тобымызға оралайық. Бүгінгі саяхат сендерге ұнады ма?

ІІІ. Қорытынды бөлім:

Рефлексия.

-Біз қайда бардық?

-Жануарларға қалай көмектестік?

-Балалар,сендерге қарап қай мемлекеттің бақытты балақайлары деп ойланып отырмын?

-Қазақстан мемлекеті.

Қай қалада тұрамыз?

-Астана.

-Президентіміз кім?

-Қ.К.Тоқаев.

-Мемлекетіміздің туының түсі қандай?Қандай суреттер бейнеленген?

-Балалар,сендердің білімдеріңе риза болып,сендердің туларың түстес тәттілер алып келдім.

Марапаттау.