"Сыйынар ем, ана деген тәңірге" тәрбие сағаты

«Сыйынар ем ана деген тәңірге»

Мерекелік кештің басты мақсаты: Нәзік жанды аруларымыздың қоғамдағы рөлінің айтарлықтай екендігін дәлелдеп, оларға қуаныш сыйлау. Оқушылардың оларға деген ізгі ниеттерін көрсету.

Асылбек Еңсеповтың «Детство» күйі қосылып тұрады.

Сахнаның сыртынан Мұқағали Мақатаевтың «Ана» атты өлеңі оқылады.

Ана

Сен бақыттысың,

Жыламағын!

Жай түсіп жатқанда да құламадың,

Тәңіріңнен мен едім ғой сұрағаның.

Сондықтан жыламағын, жыламағын!

Бармын ғой Тірімін ғой, Қасыңдамын.

Өлмеймін, мен өзіңдей асылданмын.

Таусылып, өз-өзіңнен шашылмағын,

Байырғы берекеңді қашырмағын.

Мен сенің қанықпын ғой көз жасыңа,

Өзім кепіл тот басып, тозбасыма.

Екі жыр жазсам саған бірін арнап,

«Ана» деп жаздым ылғи сөз басына.

Тәңірім кеше көрсін кесірімді,

Аспанға жазсам сенің есіміңді!!!

Ана,

Сен бақыттысың, тербете бер,

Құба талдан иілген бесігімді…

(Өлең аяқталып болған соң, бірден көңілді әуен қосылып оқушылар сахнаға шығып, ай секілді дөңгеленіп тұрады да орталарына екі жүргізуші келіп тұрады).

Жүргізуші: Армысыздар, аяулы аналар, құрметті ұстаздар, гүлдей құлпырған қыздар! Барлығымыз асыға күткен көктемнің алғашқы күндерімен бірге 8 -наурыз Халықаралық әйелдер күні де келіп жетті. Бұл - бір қолымен бесікті, екінші қолымен әлемді тербеткен аналар мен нәзік жанды қыздар қауымының төл мерекесі.

Сенен өскен балалар,

Батырлар мен даналар.

Құттықтаймыз мейраммен,

Құрметті, жан аналар!

-Бүгін бізде үлкен мерекелік шоу-концерт өтпек. Яғни, 2 «А» сыныбының ару-қыздары өздерінің аяулы аналарымен бірігіп өз өнерлерін көрсетеді.

Ана десем шешек ашып жанары,

Өмірімнің бастау алар ажары.

Ана деген тіршілікке пана боп,

Әрбір үйде жұлдыз болып жанады, - дей отырып, алғашқы мерекелік құттықтау сөзді мектеп директорының тәрбие ісі жөніндегі орынбасары Шиянова Қарлығаш Заманбекқызына береміз.

Шалқып, тасып әніміз,

Жадырасын жанымыз,

Ана, сені құттықтап,

Әндетеміз бәріміз.

Алдарыңызда 2 «А» сыныбының оқушылары, «Ақ мамам» әнімен, қарсы алыңыздар!

Жүргізуші:

-Ендеше мерекелік концертімізді бастайық!

1.

2.

3.

4.

5.

6.

7.

8.

9.

10.

Жүргізуші:

Барша ана құтты болсын мерекеңіз,

Әрқашан ана сізбен берекеміз.

Ақтасақ ақ сүтіңді, асыл анам,

Сонда біз кісілікке теңесеміз.

-Оқушылардың орындауында ана туралы әндерден попурри, қабыл алыңыздар!

Оқушылар ай секілді дөңгеленіп тұрып, аналарына арналған сыйлықтарын ұсынады. 

« » әні

Жүргізуші:

-Ана-тіршіліктің гүлі, отбасының берекесі, бүкіл адамзаттың тәрбиешісі. Ана әрбір адамның жарық дүниедегі ең жақыны, жанашыры, қадірлісі, қамқоршысы, ақ сүтін емізіп аялаған, жанын да аямаған ардақтысы. Ендеше, анамызды сыйлап, құрметтейікші! Келесі кездескенше аман-сау болыңыздар! 8 - наурыз құтты болсын!

Демеңіз біз өнерді аяп қалды,

Мезгіл де біраз жерге таяп қалды.

Қош болып тұрыңыздар көріскенше,

Осымен концертіміз аяқталды.