Шын дос-асыл қазына

Шынайы дос – асыл қазына (дөңгелек стол)

Мақсаты: Ар-ұят құндылығы:

Достарына, сыныптастарына, отбасы мүшелеріне қамқор болу, мейірімділік таныту;

Күтілетін нәтиже

Ар-ұят, адалдықты жоғары бағалайды;

Достарын, сыныптастарын сыйлайды;

Ресурстары: интернет материалдары,шарлар,топтамалар,тағам,

Дөңгелек столдың барысы:

1.Ұйымдастыру кезеңі

Психологиялық ахуал:

Музыка әуенімен балаларды «Қуаныш шеңберіне» шақыру

«Қуаныш шеңбері»

Сәлем,оң қолым,

Сәлем,сол қолым

Сәлем құрбым,

Сәлем достым.

Сәлем,шеңбердегі жан досым!

2.Ой қозғау:

Мұғалім:

- Балалар, мына тағамды татып көріңдерші, дәмі туралы не айтар едіңдер? (дәмсіз, тұзсыз тағамды әкелу)

- Балалар, ендеше өмірде доссыз адамды да осы тағамға ұқсатуға болады. Доссыз адам өмірінің мәні, сәні болмайды, тағамның тұзсыз дәмі болмаған секілді.

- Сонымен, балалар, «Доссыз адам – тұзсыз тағам!» деп бекерге айтылмаған. Ендеше, «ДОС» сөзіне дәм кіргізейікші, ол қандай болу керек, ол кім?

Оның қазір көркі болмай, шуақсыз көңілсіз күндей, оған қасиеттер кіргізіп нұрын шашар күндей,жайқалған гүлдей етейікші

3. «Нағыз дос түймедағы» ( нағыз дос түймедағының күлтелеріне жазылған сөздерді таңдап жапсыру,керек емесін қалдыру) қамқор,инабатты,шыншыл,адал,қарапайым,көмекші,шыдамды,ақкөңіл,

мақтаншақ, қызғаншақ,көрсеқызар,өтірікші,ұрлықшы,өсекші,өзімшіл,сатқын. 4. Пікірлесу «Адал дос»

5.Викториналық сұрақтар

Пікірталас сұрақтары.
1. Дос, достық дегенді қалай түсінеміз?
2. Досың бар ма? Ол кім?
3. Достық жасқа байланысты ма?
4. Досыңыздың басына қиындық түсті не істейсіз?
5. Дос қандай болу керек?
6. Жақсы дос, жаман дос қандай болады?

5.«Мінездеме беру» тренингі
Қазір мен сіздерге 5 саусақты қолғап беремін. Әр саусақта өзіңіздің қолыңыздағы жазылған есімді балаға бір-біріне көрсетпей мінездеме жазыңдар.Медициналық қолғаптарды үрлеп қоямын,соның әр саусағына сақина қылып жазуларды қағазға жазып іледі.
Тірек сөздер:
Адал , Арам
Жомарт , Өз қамын ойлайтын
Адамгершілігі мол, Кекшіл
Қарапайым,Сөзге түсінбейтін
Мейірімді ,Жалқау
Кешірімді, Тәккапар
Төзімді, Қатал
Ақылды, Мейірімсіз
Сабырлы , Мазасыз
Салмақты, Қызғаншақ
Кекшіл,Тұйық
Ақкөңіл,Бұзық
«Бес саусақ бірікпей ине қолға ілікпейді» дегендей бәріміз жұмылып бірауыздан алдымыздағы жүкті көтере білейік.
Татулық достар арасындағы ең тамаша қасиет. Тату балалар бір – бірін ренжітпейді, тату-тәтті ойнайды, ойыншықтарымен, тәттілерімен бөліседі.

6.Жағдаяттан шығу.
1.Қанат конькиін аулаға қалдырды да, өзі тамағын ішуге үйге кетті. Тамағын ішіп отырып ол конькиін Маралдың теуіп жүргенін көрді. Қанат ашуланып, аулаға жүгіріп шықты. «Қазір оның сазайын тартқызамын, біреудің затын сұрамай алушы болмасын» деп ойлады.
Ашулы күйінде жетіп барды, тіпті жұдырығын да түйіп алған.
Ал Марал оны көрді де, «Танысып қой, Айдар, бұл менің ең жақсы досым Қанат» деді. Қанат ұялып қалды. Қанат неліктен ұялды?
2. Аңсар пен Мирас бесінші сыныпта оқиды. Екеуі бала кезден дос. Аңсар сабақтан келген соң, түскі тамағын ішіп, үйдегі жұмыстарын бітіріп, ертеңгі сабағын оқып болған соң далаға ойнауға шықты. Футбол алаңына барса, Мирас та ойна жүр екен. Олар ұзақ футбол ойнап, үйге кеш қайтты. Мирас: мен ертең сабаққа бармаймын, үй тапсырмасын орындамадым. Мені ағайға ауырып қалды дей салшы, - деп өз өтінішін Аңсарға айтты...
- Аңсар егер адал дос болса, қандай жауап берер еді деп ойлайсыңдар?
3. Қаңтардың қара суығы. Айбек екі шелекті қолына алып, өзеннен су алып келіп, қорадағы қойларды суаруға бет алды. Шелегін суға толтырып, қораға кіре берісте Айбектің аяғы тайып, құлап түсті. Су үстіне төгілді. Орнынан әрең қозғалып, үйге кірді... Айбектің тобығы шығып кетіп ауруханада көп жатты...
- Сендер Айбектің досы болсаңдар не істер едіңдер?
4. Құрбыары Жанарға балмұздақ берген-ді.
Жанар кетті алға тез
Алды-артына қарамай
«Рахмет» - деп, жалғыз сөз
Айтуға да жарамай
- Сендер қалай ойлайсыңдар, осыдан кейін балалар Жанармен дос бола ма?
Балалар бір-бірімізге ренжіген сәттерде, кейде біз өте асығып жүріп бір-бірімізді түсінбей қаламыз, ізгі сөздерді айтуға үлгермей қаламыз. уақыт өткен соң түсініп, өкініп жататын кездеріміз де болады. Одан досымызды ренжітіп аламыз. Жанар «рахмет» деген сөзді айта алмады. Нағыз достар бір-бірінің көңіліне қарап, ренжітпейді, кешірімшіл болады. Достар қиын сәттерде көмекке келеді, татулықты қадір тұтады.

7. «Досымның портреті»

-Қазір балалар,лентадағы хаттарды ақырындап алып,ашып көреміз.Сендер салған достарыңның порттерін көп жылдарға,естелік үшін сақтап қоюға болады.

8. «Шарды ұшыр» ойыны

-Балалар дөңгеленіп тұрайық, жіптерді ұстап тарту арқылы,шарды әуеге жерге түсірмей ұшыру керек.Сендердің бұл ойында бірігіп,ұрыспай,бас қосып ойнауларың қажет.Қане,ойынды бастайық!

9.Концерттік бағдарлама

10. Қорыту.

Мұғалім: Достық - адамдардың бір-бірін жаны қалап, шын жақын көріп, қалтқысыз сеніп, тілектес, мұраттас болуы. Достық туралы ұлы философтар мен ақын-жазушыларға қоса, ұстаздар мен педагог-психолог ғалымдардың ой толғамағаны, оның мәнін, сырын білуге талпынбаған адам кемде-кем. Мұның өзі достықтың адам өмірінде алатын келелі орнына, маңызына байланысты екені даусыз.

Біз бүгін «Дос. Жолдас. Құрбы-құрдас» деген тақырыпта пікірлесу кешін ұйымдастырып отырмыз. Мақсатымыз достық туралы ой пікірлерін білу, достықты қадірлей білуге шақыру, адал дос таба білуге баулу, балалар түсінген секілді...

М.Мақатаев «Дос болам десең» өлеңімен аяқтау