Сыңғырла, күміс қоңырау

Ы.Алтынсарин атындағы ЖОББМ «Сыңғырла, күміс қоңырау» атты салтанатты жиынның сценарийі

2017-2018 оқу жылы, 25 мамыр Жүргізуші: Л.К.Жантемирова

Өзіңменен өлшеусіз нарқым менің,

Асқар тау, арқа тұтар алтын белім.

Ұядан ұрпағыңды ұшырмаққа,

Хош келдің, айналайын, халқым менің!

Армысыздар, ардақты ағайын, құрметті қонақтар, ұстаздар, оқушылар!

11 жыл бойы тәрбие мен білім нәрін бойына құйып, ұстаздарына анасындай еркелеп, балалық шағын алаңсыз өткізген жас түлектердің мектебімен, әліппеден бастап өмір заңдарына дейін үйреткен ұстаздардың шәкірттермен қоштасу мерекесі – соңғы қоңырау салтанатына қош келдіңіздер!

Бүгінгі салтанатты жиынға --------------------және -------------------- қатысып отыр. Сонымен қатар ауыл әкімі Рүстем Сейтонұлы, ардагер ұстаздар және аулымыздың мекеме басшылары бүгін бізде қонақта.

Бүгін қызығы мен қиыншылығы мол, әр оқу жылы қайталанбас тарихқа толы мектептің мерекесі, оқушылардың сыныптан сыныпқа көшіп, жазғы демалысқа шығарып салатын – соңғы қоңырау салтанаты!

Биылғы оқу жылының аяғында Ыбырай Алтынсарин атындағы жалпы орта білім беретін мектебінің 4-сыныбын 18 оқушы, 9-сыныбын 13 оқушы, 11-сыныбын 28 жас түлек бітіргелі отыр.

Мектеп! Мектеп деген – мол қазынасы мөлдіреп жатқан, сол мөлдір әлемнен өзіне керек асыл мен жауһар секілді баға жетпес, «білім» деген байлықты алып, өміріңе нәр беретін алтын ұя!

Бастауышым, бастамам,

Білімге жол бастаған.

Бала шақтан есейтіп,

Болашаққа бастаған.

Мерекелік сапқа бастауыш сыныпты аяқтап отырған 4-сынып оқушыларын шақырамыз, сынып жетекшісі І санатты тәжірибелі ұстаз Имашева Гүлсім Есболатқызы

«Мектеп» деген - киелі ұғым, ғажап ат,

Тынысы мен тіршілігі ғаламат.

Бала шақтан болашаққа ұмтылған,

Түлеп ұшты талай-талай азамат.

Мерекелік сапқа негізгі мектеп бітірушілерді шақырамыз, 9 сынып жетекшісі денешынықтыру пәнінің ІІ санатты мұғалімі Габдушев Жарасат Уахитұлы

Бүгін барлық қазақстандық түлектер үшін мектеппен қоштасуға арналған атаулы мереке. Елбасы Нұрсұлтан Әбішұлы Назарбаев жас ұрпақ тәрбиесіне, білім беру ісіне ерекше назар аударып, мектеп оқушыларының сапалы білім алып, үлкен азамат болуы үшін барынша   жағдай жасап отыр.

Қош айтысып балаң шақ өткеніне,

Қош айтысып сүйікті мектебіне.

Тұғырдан түлеп ұшқан жас қырандар,

Аттанып барады өмір көктеміне.

Толқимыз,толқып тұрмыз баршамыз да,

Мұндай күй болған ,бәлкім ,баршаңызда.

Қол соғып қошеметпен шақырайық,

Түлектер келсін, кәне, ортамызға !

Мерекелік сапқа он бір жыл мектеп қабырғасында білім нәрімен сусындаған биылғы оқу жылында алтын ұя мектебінен ұшқалы отырған түлектерді шақырамыз, сынып жетекшілері І санатты математика пәнінің мұғалімі Шайходенова Бақытай Сенбіқызы және ІІ санатты тарих пәнінің мұғалімі Айбекова Мерует Юсупқызы

Мерекелік сапқа 2017-2018 оқу жылын үздікпен аяқтаған мектеп мақтаныштары мен өзінің тынымсыз еңбегі мен шығармашылық ізденісінің нәтижесінде облыстық және аудандық байқауларда жүлделі орын алған оқушыларымызды шақырамыз.

«Сыңғырла, күміс қоңырау» атты салтанатты жиын ашық деп жариялансын!

Батырлыққа уызынан жарыған,

Ер қазақты жалауынан таныған.

Өзі батыр, өзі әділ халыққа,

Жарасады жігер берер Әнұран. ҚР мемлекеттік туы көтерілсін.

ҚР мемлекеттік туын көтеру құрметі мектебіміздің бітіруші түлектері

------------------------------------------------------------------------------------ тапсырылады.

Қазақ балаларының жарқын болашағы үшін мектеп ашқан қазақ даласының ұлы ағартушысы, қазақтан шыққан тұңғыш ұстазымыз Ыбырай Алтынсариннің туғанына биыл 175 жыл, ескерткішіне тағзым етіп, гүлдесте қою мектеп абыройын аудан, облыс көлеміне паш етіп жүрген үлгілі оқушыларымызғ 4-сынып оқушылары Сейтонова Шаһзода мен Темірболатов Дәуренге тапсырылады.

Біздің бүгінгі мерекеміз мемлекетіміздің символы, асқақ абыройымыздың айғағы болған Астанамыздың мерейлі тойымен тұспа-тұс келіп отыр. Астананың 20 жылдығы – ел өміріндегі аса ірі тарихи оқиға, Қазақстан халқының мерейлі мерекесі.

Ендеше салтанатты жиынды ашып, құттықтау сөз білдіру үшін және оқу жылының қорытындысы бойынша ұстаздар мен оқушыларды марапаттау үшін мектеп директоры Айгүл Уразаевнаға сөз береміз. (мадақтамалар)

Арман ойлар жеткізбеген аңсаған,

Қайрат-күшін қажыта алмас қарсы ағын.

Өмір теңіз толқындарын көргенде,

Асыл аға, тілегіңді аңсармын.

Құттықтау сөз (ауданнан келген қонақ) ----------------------------------------- беріледі_.

Ән« Астана » орындайтын аудандық байқау жүлдегері Сейтонова Ақбота

Келесі сөз кезегі ауыл әкімі Рүстем Сейтонұлына беріледі.

«----------------------» ән

Оқу жылының қорытындысы бойынша оқу екпінділеріне алғыс жариялау үшін сөз оқу ісінің меңгерушісі Тохлиева Айнагүл Баймұратқызына беріледі.

Әліппені ұстатқан,

Анасына ұқсатқан.

Алғашқы ұстаз - сыйлысың,

Білімге алғаш жол ашқан.

Жақсы шәкірт азамат атанады,

Халқынан, ата-анадан бата алады.

Ұл-қызына айтсын деп ақ тілегін,

Ортаға шақырайық ата-ананы.

Құттықтау сөз мектеп түлектерінің алғашқы ұстазы Мутиева Ғалия Уалиевнаға және мектеп түлектерінің ата-аналары атынан -------------------------------- беріледі.

Парақтап бетін ілімнің,

Шырағын жағар ғылымның,

Аманат етіп кейінге,

Тапсырсын кілтін білімнің.

Білім кілтін тапсыру құрметіне 11-сыныптың түлегі ----------------------- ие болады.

Білім кілтін қабылдау құрметіне 1-сыныптың озат оқушысы------------------------ ие болады.