Сыңғырла соңғы қоңырау!

«Сыңғырла, сыңғырла қоңырау!»

1-жүргізуші: Армысың мектебім, алтын ордам,

Жарқырар ұлы ғылым, үміт алда.

Жалғасқан тарих үнін бүгіндегі

Арайлы шуағы мол күніндегі

Шашылған шашу ма едің білімдегі

Айқара аштың бізге құшағыңды

Қуанып мың-мың шәкірт күлімдеді

2-жүргізуші:Міне, бүгін бастауышпен қоштасады балбұлақ

Әні менен жырына тыңдармандар сал құлақ

Кеше сәби, бүгін міне жас ұлан

Лаулап жансын болашағың шамшырақ.

1-жүргізуші: Армысыздар, әлеумет кеш қонағы

Бүгін бізде мереке аса мәнді

Қуанып зер салайық, ей, халайық.

Балғындарды қошеметпен қарсы алайық!

(ортаға шақыру)

2-жүргізуші: Оқуда озат Жанайдар, Нұрсаямыз!

Сұңқар менен ақылды Айдана қыз

Сыныптағы бәр істі тындыратын

Алғыр ойлы, белсенді ұрпағымыз!

1-жүргізуші: Еңбекқор Әлібек, Еркебұлан, Ерасыл шебер жігіт,

Біз күтеміз Архат, Дархан, Әлібектен үлкен үміт

Абай, Мадиярлар ән салса, шырқап бүгін.

Риза болсын әншімізге бұл көпшілік!

2-жүргізуші: Ешкімді олар сынамайды

Кітап оқуға келгенде алдарына жан салмайды.

Өзімен-өзі Ануар, Гаухар,

Балжан, Дәурен жүрсе-дағы.

Ұстаздарын мазалап қинамайды.

1-жүргізуші: Мадина, Дана, Марал, Талшын биші қыздар,

Бишілкке ұмтылған жаны құмар

Алаулап жайнаған көздері,

Алдарыңызда сыныбымыздың гүлдері.

2-жүргізуші: Спортты олар сүйеді, сынып үшін

Малгаждар, Махаббат,

Айбек, Темірлан, Жарқын намысты ұстап күйеді

Шаттыққа толы жанары үнемі олар дайындалып жүреді.

1- жүргізуші: Әділіміз, Еркініміз- есепшіміз

Есеп білсек жаңылмай өсерміз біз

Осылайша таныстық сіздермен біз

Салтанатты сән болсын бұл кешіміз!!!

2-жүргізуші: Ақыл-ойын жаңғырып,

Бастауышпен қоштасқан

Өңкей білгіш балдырған

Өсті бойың, ойларың

Құтты болсын тойларың!!!

Махаббат:

Бала шаққа, болашаққа жырлатып,

Шәкірттерге ой түзеткен сымбатты,

Күн нұрындай сәуле құйған көңілге

Армысыздар, ұстаздарым қымбатты.

Жанайдар:

Армысыздар, аталар мен аналар!

Ұрпағыңыз күнде өзіңнен бата алар.

Ел дәстүрін мәңгі сыйлап, оқы деп,

Үйреткен ғой Фарабидей бабалар

Нұрсая:

Мектебім алтын ұям нұрың жарық,

Жайнаттың үмітімнің гүлін жарып,

Сүйкімді сенің күміс қоңырауың

Тұрады құлағымда сыңғыр қағып.

Сұңқар:

Ұлылықты ардақ тұтар үнемі

Алтын ұя, ақ босаға киелі

Қанат қаққан білім алып өзіңнен

Күллі шәкірт басын саған иеді.

Абай:

Армысың сен алтын ұя мектебім,

Саған айтар жылы-алғысым көп менің

Жүректерге жаққан білім шырағын

Мектебіме арналады бұл әнім

Хормен: Көлге айналған бұлақтың

Том-том болған кітаптың

Басы болған- бастауыш

ән. «Бастауыш мектеп»

Диалог.

(Еркін, Талшын, жүргізуші)

ән: Мектебім орындайтын Жанайдар

Айдана:

Біз барамыз артқа тастап 4 жолды.

Ұмытпаймыз ұстаздарды жан ізгі

Пана болған, дара болған біз үшін

Жанымыздан артық дер ек біз сізді

Айбек:

Байсалды мінезімен бір қалыпты,

Менің де көкейімде із қалыпты

Ұстаттың қағыз, қалам, қолыма өзің,

Ерінбей үйреттің де әр әріпті

Жарқын:

Қоссаңдар бірді екіге үш болады

Деуші едің білімменен күш толады

Алғыр бол, әдепті бол, сабырлы бол,

Ақылмен іс-істесең іс болады

Архат:

Беруші ең бізге айтып, өлең, тақпақ,

Таласып алушы едік біздер жаттап.

Өзіңіз баға қойған күнделікті

Жоғалтпай өмір бойы жүрем сақтап.

Дана:

Жүрегімде ұстаз берген сабағы,

Өн бойыма тамырланып тарады.

Ұмытпаймын салған жолын ақылын

Мәңгі, Мәңгі, Мәңгі есімде қалады.

Ән: «Біз- бейбіт ел ұланы»

Ерасыл:

Армангым болып аңсаған,

Мәңгілік қалдық мекендеп

Өзіңе арман ән салам.

Ардақтап сізді өтем деп.

Гаухар:

Әліппемен аштым өмір есігін

Тербетемін білім бөбек бесігін

Өмір деген өрлі өзенге шомылып

Жаттап өстім ұстазымның есімін.

Еркебұлан:

Алтын ұя мектебім,

Еңселі құт мекенім

Білім алдым мен сенен

Өрлететін көктемім

Малгаждар:

Ұстаздың мейірімі тәрізді

Жадымда қалады әр үні

Тамаша тарихты танытқан

Мектебім өзіңе қарызбын

Балжан:

Бастауышым- балбұлағым,

Сенен алдым бавлдың дәмен

Әріп танып, білім алып,

Рақметімді жаудырамын

Талшын:

Өтті сенде қызық шағым

Бастауышым-балбұлағым

Қоштасар күн жетті, мне

Қимастықпен қоол бұлғаймын

Мадина:

Мектеп-кеме, білім теңіз

Барар жерге тез жетеміз

Адаспаймыз ұлы жолда

Ұстаз берген білім қолда

Ән. Аппақ гүлдер

Жүргізуші: Балалар, бастауыш сыныпта не оқыдық, не білдік, нені меңгердік?

Әділ:

Ана тілі пәнінен Абай, Ыбырай, мағжан,

Ахмет, Мұхтар аталарымыз туралы

Оқып білдік және шығармаларымен таныстық.

Дархан:

Ертегі оқып, жұмбақ, өлең, жаңылтпаштар жаттадық. Ата-бабаларымызың өткен тарихын білдік. Мәнерлеп оқуға жаттықтық.

Жанайдар: «Нан туралы өлең»

Сұңқар: «Бидай мен қаңбақ»

Темірлан: Дүниетану пәнінен кең байтақ Отанымыз- Қазақстан жер көлемін, қойнауындағы байлығы, табиғаты туралы білдік. Табиғатты қорғауға, айналадағы дүниенің қыр-сырымен таныстық.

Әлібек:Орыс тілінен орысша тіл сындырдық.

Мадияр: Математика пәнінен сандарды есептеуді, санауды, салыстыруды, теңдеуді шешуді меңгердік.

Қазақ тілінен қатесіз жазуды, сөз, сөйлем талдауды меңгердік.

ән: «Учат в школе»

Осы 5 жыл бойы білім нәрімен сусындатқан класс жетекшілерімізді әрдайым ұмытпай, құрметтеп өтеміз. Ұмытпаймыз сіздерді!

Бәрі: сіздерге көп-көп рахмет!

Махаббат: Шаттанамын мен бүгін шаттанамын

Ғылым сырын түсіндім, мақтанамын,

Осы сырды үйреткен бастауышым,

Түстей болып міне бүгін артта қалды.

Ән: «Армандастар!»

1-жүргізуші: Жас өмір жайқалтады жапырағын,

Жас өмір жаздай ыстық жақын әнім

Жас өмір толған мақсат, шексіз арман,

Батыл ой, батыл тілек, батыл адым-, дей келе, бүгінгі мектебіміздің бастауыш буынды бітіргелі отырған бүлдіршіндердің өнерлерін тамашалаймыз.

1. КВН.

Бәрінен шуағы мол, нұры басым,

Бәрінен сыр ұғасың, мұң ұғасың.

Қалайша тебіренбесін ғажайып үн,

Жүреккке құйып жатса шұғыласын- дей келе,

2. «Жан досым» әні орындаушылар Әлібек, Абай, Мадияр

3. Өнерді жанымменен түйсінемін,

Қашан да өнерлі жас сүйсінерім

Қазақ биін билесін айдана мың бұралып,

Биімен шашу шашып бишілерім.

3. Қазақ биі. «Қонақкәде» Айдана

4. КВН

5. Тамашалап бәріңіз

Өзбек биін көріңіз

Шағи көйлек киіңіз, Сырын ойға түйіңіз.

5. Өзбек биі орын: Қыздар тобы.

Алма, Бақытгүл ұстаздар өздеріңіз барда қам жемедік, орыс тілін үйретіп жетеледіңіздер. Шаршауды да ешқашан білмеп едіңіздер. Ол кісілер орыс тілі пәнінің мұғалімі деген едік.

6.Ән: « Жарқын жүзді ұстазым»

7. КВН.

Мектебім төл енгізген ана тектес

Шын ұсатз, өнері бар баға жетпенс

Танытқан музыка мен би өнерін

Гүлсағат апай мен Гүлнұр апайға баға жетпес

Осы ән сіздерге арналады.

Жанайдар орындауында:

8.«Бала махаббат»

Жалығуды білмейміз,

Жабығуды білмейміз.

Жауқазындай көзді тартып

Түрікше біз билейміз.

9. түрік биі Нұрсая.

10. КВН

11. Мектебіміздегі барлық ұстаздарға Абайдың орындауында халық әнін тамашалаңыздар.

Спортпен айналыс,

Сұлулық сыйлаған,

Сол саған пайдалы іс

Сауық пен кинодан- дейтін Дене шынықтыру пәнінің мұғалімі Джакупова Дина Таңатарқызына биімізді арнаймыз.

12. Алдарыңызда жігіттер тобының орындауында РЭП биі.

Шарықтап көңіл өрлесін

Бассын жүрек пернесін

Тыңдаңыздар халайық

Жанайдар біздің айтады

Қазағымның әндерін

Осында отрыған ата-аналарға арнайды.

13. Ән. «Әкешім, анашым»

14. Акробатика. Ұлдар өнері

Би билейміз талмаймыз,

Әнімізді арнаймыз

Махаббат қыз билесе

Таңданбай біз қалмаймыз

15. Би: «Өзбек биі» Махаббат.

15. Ән. Бастауыш мектебім.

Соңы:

1. Мұғалімге сөз

2. Мектеп ісінің меңгерушісіне сөз

3. Мектеп тәрбие ісінің меңгерушісіне сөз

4. Ата-аналарға сөз.

1. жүргізуші: Бітіруші түлектер

Жүктелер бар аманант

Айтылар ізгі тілектер

Болмасын еш жаманат

2. жүргізуші: Төр жылды да теп-тез өткердік,

Білім жолда өтті талай өткелді

Әліппені, ана тілін үйреткен

Ұстазбенен қоштасатын сәт келді.

1. жүргізуші: басатуышта оқыдық,

ойға білім тоқыдық.

Бұлар бізден жалындар

Ертеңгі ірі ғаламдар.

2- жүргізуші:

Алдыңда ұзақ жолың бар

Оқумен өсіп толыңдар Қиындыққа мойымай аман- есен болыңдар!!!!!!

Бағдарламасы:

1.КВН.

2. «Жан досым» әні орындаушылар Әлібек, Абай, Мадияр

3. Қазақ биі. «Қонақкәде» Айдана

4. КВН

5. Өзбек биі орын: Қыздар тобы.

6.Ән: « Жарқын жүзді ұстазым»

7. КВН.

8.«Бала махаббат»

9. түрік биі Нұрсая.

10. КВН

11. Абайдың орындауында халық әні

12. Алдарыңызда жігіттер тобының орындауында РЭП биі.

13. Ән. «Әкешім, анашым»

14. Акробатика. Ұлдар өнері

15.Би: «Өзбек биі» Махаббат.

16.Ән. Бастауыш мектебім.