«Сыни тұрғыдан ойлауға үйрету».

Коучинг жоспары

• Тақырыбы және әдістемелік негіздемесі:

• Егер сіз бір нәрсені алты жасар балаға түсіндіре алмасаңыз, демек оны өзіңіз де толық түсінбепсіз. 
  Альберт Эйнштейн

• Бастауыш мектеп – баланы оқуға үйрету мен тәрбиелеу оның тұлға ретінде өзін - өзі ашуға, жалпы дамуының қалыптасуына жағдай жасайтын негізгі саты. Заман ағысына сай технологияларды қолдану ауқымы, түрлері өзгеріп отырады. Бірақ ең бастысы технологияларды тиімді, жүйелі қолдану керек.

• Ұстаз үшін ең негізгі мақсат – әр сабағын түсінікті, тартымды, тиімді өткізу. Сабақ барысында оқушының ізденуі мен зерттеу дағдыларын қалыптастыра отырып, пәнге деген қызығушылықтарын арттыру, ынталандыру мақсатында қолданылатын технологиялар баршылық. Соның бірі «сын тұрғысынан ойлауға үйрету» модулі.

• Сын тұрғыдан ойлауға үйрету модулін таңдауыма түрткі болған жағдай – мектеп оқушыларының ойлау әркетіндегі тайыздық пен терең ойланбаушылық , жаттандылық, белгілі бір шеңбер бойында ойлануы, сын тұрғысынан ой жүгірте алмаулары.

Сыни ойлаудың негізгі міндеті – бойымызға сіңіп кеткен дәстүрлі дағдыларды тастап, жаңаша ойлану. Мысалы, біз күнде үйренген жолымызбен үйге барамыз. Егер сол жолды ауыстырып, басқа жолмен барсақ, жол бойы жаңа бір мағлұматтар мен өзгерістерді көріп, білер едік. Сондықтан бұл модульдың стратегияларын сабақ барысында қолдану жаңа оқу материалдарындағы оқиға мен құбылыстарды оқушылардың өздері байқап , талдауына жағдай жасайды. Яғни, білім оқушыларға даяр күйінде берілмейді, өзінің ой еңбегін қажет ететін тапсырмаларды орындауы арқылы қол жеткізеді. Әр оқушы өз ойына шек келтірмей жауап беруге дағдыланады. Оқушы бойындағы танымдық қабілетінің шығармашылық ойлау жүйесінің дамуына жол ашады.

Коучинг тақырыбы «Сыни тұрғыдан ойлауға үйрету».

Мақсаты:

• Коучинг барысында алған жаңалықтарын оқушымен жұмыста тиімді пайдалануына ықпал жасау;

• сыни тұрғыдан ойлауға үйрету жолдарымен таныстыру

• Әріптестерге сабақ беру барысында дәстүрлі сабақ беру әдісін мүлдем өзгертуге ықпал ету;

• ақпараттық-инновациялық технологияларды жетік меңгеріп, өз уақытымды тиімді пайдаланып қана қоймай, оқушылардың қызығушылығын оятуға ой тастау;

• білім берудегі басқару мен көшбасшылық формасын өзгертуге көмектесу;

• оқу барысында таланты, дарынды оқушылармен жеке жұмысты қалыптастыру; оқушылардың өз-өзін еркін түрде бағалауға үйретуге бағыттау.

Міндеттері:

• сабаққа белсенділігі жоғары, өздігінен жұмыс жасауға дағдыландыратын тапсырмаларды көбірек пайдалану;

• оқушы мен мұғалім, оқушы мен оқушы арасындағы комуникацияны қалыптастыру;

• Өз ойын еркін жеткізуге баулитын тапсырмаларды жүйелеу;

• жаңаны тез игеріп дұрыс түсінуіне, салыстыра отырып қорытындылай алуға, болжам жасай алуға үйрету.

• Әрбір оқушының өзінің жеке ойымен, өмірге деген көзқарасымен және ойлау қабілетімен ерекшеленуіне әсер ету;

Күтілетін нәтиже:

• Ойын жаңа ақпараттар арқылы білдіреді

• Өз ойларын толық, дұрыс тұжырымдайды;

• Өз біліміне сүйеніп, мәселенің шешімін дұрыс тауып, ойын жеткізе біледі, яғни «Мен» деген сөзді ұғады.

Толық аудитория: аудан көлеміндегі бастауыш сынып мұғалімдері

Коучинг барысында пайдаланған әдістер мен тәсілдер: «Өзіңнің таңбаңды жаса» тренингі, «Шаңырақ» әдісі, Болжау, постер қорғау, «Ойлаудың алты қалпағы», таныстырылым ,«Қызғалдақ» рефлексиясы.

• Құралдар мен дидактикалық материалдар: А4 формат, желім, флипчарт, маркерлер, 6 түрлі қалпақ, түрлі-түсті ленталар, проектор, стикер, құмыра

Тақырыбы: Сыни тұрғыдан ойлауға үйрету»

Коучингтің мазмұны: