Сынып жұмысының жылдық есебі 2023-2024ж

2023-2024 оқу жылы бойынша бастауыш сынып мұғалімі Жұмаш Зүльфия Аманбайқызының жылдық есебі

2023-2024 оқу жылында 1 «и» сыныбында барлығы 26 оқушы білім алды. Сынып оқушыларының оқу үлгерім сапасы жақсы. Барлық оқушылар әріпті танып, қосып оқи біледі. Сыныпта денсаулығына байланысты үйден оқитын Рахметов Елдар деген оқушы бар. Тіл кемістігіне байланысты Құспанғалиева Шұғыла деген оқушының оқуы өте жәй, әріптерді таниды, бірақ қосып оқуда қиналады. Бұл оқушыға дефектологтың арнайы көмегі қажет.

Жалпы, сынып оқушылары сандарды таниды, қосу және азайту амалын толық орындай алады. Сабаққа ынталары жоғары, тәртібі өте жақсы.

Оқу жылы ішінде жоспарланған іс-шаралар өз мәнінде өткізілді. Тәрбиелік шаралар талапқа сай ұйымдастырылды. Сыныптың тоқсандық, жылдық қорытынды оқу үлгерімі мен ағымдағы мәселелер бойынша ата-аналарға жоспарлы түрде хабарланып, жиналыстар жүргізіліп отырды. Ата-аналар мектеппен тығыз байланыста бола білді.

Бастауыш сыныптар арасында ұйымдастырылған он күндік іс-шараға, апталыққа оқушылар қатыстырылды. Оқушылар арасында Республикалық байқауларға қатысып жүлделі орын алып отырған оқушылар бар. Олар: Серік Өркен, Серік Нұрислам, Бисембай Марьям, Самат Қасиет, Бержан Оразалы т.б.

Оқу жылы ішінде бастауыш сынып мұғалімдеріне арналған «Педагогтың зерттеу қызметі: Action Research және Lesson Study» тақырыбы бойынша курстан өттім. (Сертификаты 01.03.2024ж №049040).

Оқушыларды шығармашылыққа баулу мақсатында «Сөз өнері- таным өзегі» тақырыбында авторлық бағдарламам шығарылды.

Жоспарланған іс-шараларды қорытындылай отырып, ұсыныс, пікірлер негізінде келесі оқу жылына жоспарлы жұмыстар жүйелі ұйымдастырылады.

Сынып жетекші: Жұмаш З.А