Сынып сағаты, 8 сынып

Сынып

8 «В»

Мерзімі

23.01.2020

Тақырыбы

Отбасымның бірлігі мен үшін қымбат

Мақсаты

Оқушылардың бойында адамгершілік, бауырмалдылық қасиеттерін дамыту, отбасы құндылықтарын түсіндіру, оларды ата-ананы, бауырды, бір-бірін сыйлауға тәрбиелеу.

Күтілетін нәтиже:

Олардың бойында адамгершілік, бауырмалдылық қасиеттері дамиды, отбасы құндылықтарын түсінеді, олар ата-ананы, бауырды, бір-бірін сыйлауға тәрбиеленеді.

Көрнекіліктер:

Топтық жұмысқа арналған тапсырма жазылған парақшалар, маркерлер.

1. Ұйымдастыру бөлімі

Оқушылар жетон таңдау арқылы «Бақыт», «Бірлік», «Сыйластық», «Қамқорлық» топтарына топтасады.

2. Басты бөлім
   Мұғалімнің кіріспе сөзі

Отбасы - адам үшін ең жақын әлеуметтік орта. Отбасы белгілі дәстүрлердің, жағымды өнегелердің мұралар мен салт-дәстүрлердің сақтаушысы. Отбасында бала алғаш рет өмірмен, қоршаған ортамен танысып, мінез-құлық нормаларын игереді. Отбасы баланың азамат болып өсуінің негізі болып табылады. Қазақ қоғамында отбасы ‒ өмірдің тұтқасы, оттың маңайына таратқан жан балқытар жылуы. Отбасы ‒ тәрбиесі бұл жалпы тәрбиенің ең басты бөлігі. Қазақта «Отан отбасынан басталады» деген дана сөз өте терең мағынаға ие. Яғни кішкентай ғана жанұяның татулығы, қамқорлығы болашақта үлкен орын алады. Елдің, ұлттың, жалпы адамзаттың болашағы, даму деңгейі осы отбасыдан басталады. Отбасы берекелі, тату болу үшін сыйластық, мейірімділік, жанашырлық, бауырмалдылық қасиеттер әр адамның жүрегінен орын алуы керек. Отбасының басты қазынасы - бала. Баланың жан-жақты тәрбиелі болып өсуіне берекелі, өнегелі, ынтымақты отбасының ықпалы мол. Ал ата-анаға баладан артық ешкім жоқ.

Мұғалім оқушыларға «Отбасы бақыты» деген сөзді қалай түсінетіні туралы А4 парағын беріп суреттеп, түсіндіруіне тапсырма береді.

Топтық жұмыс

Әр топқа «отбасы, әке, ана, бала, сыйластық, татулық, бақыт,бірлік» атты тірек сөздерді пайдаланып 1 шумақ өлең шығаруға тапсырма береді

«Отбасым - бақытым» атты өлең шумағын мұғаліммен талқылайды.

Бақыт,бірлік,сыйластық пен қамқорлық,

Болса деймін береке мен татулық.

Отбасымның мықтылығы ол мына

Әкем, анам және менен бауырлық

Ата-ана асқар тау алдымдағы

Әрқашан асқақтайсың алдымда әлі

Өзің берген өнеге тәрбиеңнен

Бақыттымыз жанұя бауырындағы

Сергіту сәті

Көршіге комплимент. Оң жағыңыздағы көршіңізге комплимент айтыңыз

3. Қорытынды

Мұғалім оқушыларға өз отбасындағы татулық пен бірлікке қосар үлесі туралы өз ойларын сұрау.