Сынып сағаты "Алғыс айту-парызым!"

Тақырыбы: «Алғыс айту – парызым!»

Мақсаты: Оқушылардың «сыйластық» құндылығы туралы түсініктерін кеңейту
Міндеттері: а) ризашылық, рахмет, алғыс туралы түсінік беру;
ә) үлкен — кішіге деген сүйіспеншілігін, сыпайылық қарым — қатынасын дамыту;
б) әдептілікке, кішіпейілділікке, ізеттілікке тәрбиелеу
Көрнекіліктері: Нақыл сөздер,сандықша, шарлар және т.б.

Барысы:

1-о Бекарыс

2016 жылғы 14 қаңтарда Қазақстан республикасының Президенті Н.Ә.Назарбаев Қазақстан халқы Ассамблеясының құрылған күні

1 наурызды елімізде Алғыс айту күні деп жариялап, № 173 Жарлыққа қол қойды. Қазақстан халқы 2016 жылы тұңғыш рет Алғыс айту күнін атап өтті.

2-о Ару

Алғыс күні аталыпты 1-наурыз,
Парыз екен бəріне айту алғыс.
Өмір берген, жан берген, қуат берген,
Аллахыма айтамын мен шексіз алғыс!

3-о Аділет

Қазақ — деген аты бар,
Өзгермейтін салты бар.
Туғаны бар, жаты бар.

Отаныма мың алғыс!

4-о Алихан

Түннің сәнін келтірер,
Көңілге күй шертілер.
Арнайы сый етілер.

Ай-жұлдызға мың алғыс!
5-о Кәусар

Арайлы таң ататын,
Қызаратын, бататын.
Күлімдеп үн қататын.

Күн нұрына мың алғыс!

1-ата-ана: Бекарыс мама

Балаларым-бақытым да байлығым,
Сендер барда ұмыт болар қайғы-мұң.
Алғыс айтып Жаратқаннан тілеймін,
Жүректерім көрмесе екен қайғы-мұң.

2-ата-ана Қарақат мама

Өздеріне қаратар,
Қуанышын таратар.
Бақытына балатар.

Балаларға мың алғыс!
6-о Диас

Немересін ойнатар,
Сәл нәрсені тойлатар.
Көңілдерді жайлатар!

Ата-әжеге мың алғыс,
7-о Айкерім

Қашанда қарыздармын, əке, саған,
Əрқашан мейіріміңді төктің маған.
Жүректің арнап ыстық махаббатын,
Əкетай, шексіз алғыс айттым саған!
8-о Жаннат

Күндіз-түні еркелеткен күнім деп,
Əрқашанда мейірім төккен күлімдеп.
Ақ жаулығы желбіреген апатай,
1000 алғысын айтады күнің кеп!
9-о Муслим

Жүректері мейрімді,
Нұрлы етер үйімді.
Түсінетін күйімді.

Аналарға мың алғыс!

10-о Арай

Құрбы-құрдас, достарым,
Аман болсын бастарың.
Баршаңызға мың алғыс,
Ашық болсын аспаның!
6-о Айназ

Білімнің қайнар бұлағы,

Өнердің жарқын шырағы.

Тұрағы өзің, мектебім,

Басқарған Асқар ағайға

Шәкірттер басын иеді
7-о Сымбат

Әр адамға құрметпенен қараған,
Өз бойынан мол ізгілік тараған.
Талап пенен тәртіпті тек ту еткен,
Дина апайға басымызды иеміз!

8-о Гүлжаз

Орындық, шкаф, парта деп,

Соның бәрін табатын.

Шаршамайтын күлетін.

Зыр жүгіріп жүретін,

Завхоз апайларға мың алғыс!

9-о Индира
Қызуымызды өлшейтін,

Дәрісін берген қолымен.

Дәрігер апай сіздерге,

Алғыс айтып қоямыз!

10-о Абдулмансұр

Орыс тілін меңгерген
Үйретуді жөн көрген
Гүлбану мен Камиладай,
Ұстаздарға мың алғыс!

11-о Дінмұхамбет

«good morning, teacher» деп бастаймыз,

Олардың әрбір сабағын.
Бақылаймыз кейде біраз,

Түйіп келген қабағын.
Айгерім мен Маржан апай

Сіздерге алғыс айтамыз!

12-о Сәуірбек

Ұстаздың – сөзі асыл баға жетпес,
Əр сөзі мың жыл жүрсе дəмі кетпес.
Шəкіртін баласындай қадірлеген,
Ұстазым, 1000 алғыс та саған жетпес!
Ән «Алғыс»